БЫЛЭБАНДИ ЭhВОЛОТОН

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image

 
 
 
 

БЫЛӘБАНДИ ӘҺВОЛОТОН

“Шәвнышт”

 

ЫШТӘ ПУЛИ БӘСТӘНЕШ !...

            Че дәвардә әсри 60-нә соронәдә товыстонәдә ружи Ибишә маму пегәтејдә Әғәддә маму, шејдән бә Ланкон  бо ордә варде. Бә ди дәгынејдән, шанго мандәнин бејдән че Ибишә маму језнә кәдә.

            Шангонә һардејдән. Ләл-гыл омејдә бә сурфә. Хәјли зымыстони һардејдән. Һытејәдә Ибишә маму гәтејдә ләвәдож. Пекыштејдә Әғәддә маму ки, бәшт бошамон бә кә!

            Әғәддә маму фикир кардејдә ки, бә ордә бышо, Ибиш пул ныбәдо бәј. Әве екардејдә ыштә дијәнон. Ибишә мамујән Ибишә мамујәни !  Һәзоһәлбәт сәрәсејдә ки, кон вырәдәј ко. Әве вотејдә:

            -Зә, Әғәддә, ботыно чы фәрғ, ты бә ди мардән быбош, ордән быбош, ыштә пули бәстәнеш !...

 

БӘНӘ ТЫ ЗОӘМ МАРДӘ, ӘВЕ БӘМЕЈДӘМ !...

            Ружи дијәдә мәҹлис бејдә. Чај омејдә бә сурфә. Ибишә маму пешомејдә гурти чај, дәкујејдә искани, вотејдә ки, ымон һежо сәринә чај дојдән!...

            Мансурә маму рәһмәтдиг парсејдә ки, Ибиш, чиче, пешомәније чај?    Бәле, Мансурә маму”, - ҹәвоб дојдә Ибишә маму.

            Мансурә маму рәһмәтдиг пегәтејдә  искани пекурнејдә бәштә  сә, гылә чај сутејдә чәј гәви, арс омејдә чәј чәшонку.

            Ибишә маму вотејдә, чиче Мансурә маму, бочи бәмејдәш?

            -Бәнә ты зоәм мардә, әве бәмејдәм!- вотејдә Мансурә маму.

 

ЫМ  МЕРД  БӘКЫШТЕ МЫНИ !...

            Әзәмәтә биби бә шу дојдән бә Баләмирзә маму рәһмәтдиги. Диларә дости дәјнә шејдә. Серужә бешејдә. Диларә дости пепо бејдә ки, бышу бәштә кә. Әзәмәтә биби ловә кардә бәј ки, бәшты сә чәвом Диларә, мынијән быбә дәштә, аз мандим ијо, ым мерд бәкыште мыни!...

 

ЧЕ  ДӘНИЗИ  ТОЖӘ  ПЫӘ  ФӘРЗӘЛИЈЕ  ҺӘНИ...

            Дәниз сә кардејдә  институти, омејдә бә Бинә. Фәрзәли вотејдә бәј, бој ијо ко быкә миәллим. Әғәддә маму етироз кардејдә, вотејдә- беши бој дијәдә ко быкә.

            Фәрзәли Дәнизи пегәтејдә шејдә бә 149-нә мәктәб, сыхан кардејдә де директори. Директор бәгәм кардејдә Дәнизи, әј пегәтејдә бә ко.

            Ружи Әғәддә маму омејдә Бокујо бә ди. Баләбәг шејдә че Әғәддә маму тоно, парсејдә чәјку ки, Дәниз чокнәј? Әғәддә маму огардејдә вотејдә бәј:

            -Балә, һәни че Дәнизи пыә аз ним, Фәрзәлије һәни чәј тодә пыә, быши чәјку хәбә быгәт Дәнизи!...

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|