ЧЭМЭ ПЭРЭНДОН - БЭТ

Разделы

Архив

Пн Вт Ср Чт Пт Сб Вс
123
45678910
11121314151617
18192021222324
252627282930

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

 

БӘТ

газ – гусь

                Бәт че кәлкунисә һырд бејдә. Бәти бәмы 3 ҹурыш мәлуме:

1) кавујә (бозә) бәт;

                2) сипијә бәт;

                               3) һырдә (гәдә) сипијә бәт.

 

КАВУЈӘ (БОЗӘ) БӘТ

                Пори рангыш бозе. Бә каву мандејдә. Нијә гылә моә гыләсә дыжд бејдә. Бәти јани тәрәфонәдә бә һовужи сипи, етәсә рангисә ријон, лузи тәрәфәдә - нави һиссәдә сијоләвунә ләконыш һесте. Лузи, думи жијәдә сипије. Пентони едоә јолә порон хаки, гәдә порон бозин.  Тыкыш бә гужди ранге. 4,5–7,5 см бејдә. Кәшон дырози 80–100 см, шывәкыш 6,5–9 см бејдә. Ын бәт бә кејә бәти (ғази) охшәш дојдә. Нијә гылә 2,6–3,9 кг, моә гылә 2,4–2,7 кг омејдә. Бәт де дастә пәрејдә. Бә Толыш нојабрәдә омејдә. Әсосән зомсони Ғызыләғазәдә дәвонејдә. 40 сор чыми бәнав ијо  5 000 бәтышон бә һисоб сә. Бәт 3–7 гылә моғнә нојдә. Бәт веј сәрисобә пәрәндәј. Одәми оме 200–300 м-дә һисс кардејдә. Га-га карде-карде бә осмон рост бејдә. Кавујә бәт рәсә (кавујә) һардејдә. Ғыјмәтинә пәрәндәј. Гуждыш һардәније. Камко бә. Нығо дојдән.

 

СИПИЈӘ БӘТ

ағ газ – белая гусь

                Кавујә бәтисә ғәдәри гәдәлије. Дештә сипиә порон бә кәј сипијә ғази мандејдә. че бәти порон һәммәј сипин. Думи јолә порон сијон. Лынгоныш сыје, чангоныш бә сипи мандејдән. Тыкышән сыје. Кәшон дырози 80–98 см бејдә. Нојабр, декабрәдә бә Ғызыләғаз омејдә. Зомсони ијо дәвонејдә. Тахыл  бә выронәдә боштә һардемон пәјдо кардејдә. Гандыми ҹывонә ливон һардејдә. Де дастә пәрејдән. Һа дастәдә 9–12 гылә сипијә бәт бејдә. Марти охојәдә бешејдән шејдән. 2,5–3 кг омејдә.

 

ҺЫРДӘ (ГӘДӘ) СИПИЈӘ БӘТ

кичик ағ газ – малая белая гусь

                Ын ән гәдә бәте. Порон һәмә вирәш сипије. Думи јолә порон сијо бејдән. Лынгоныш нонҹе. Тыкыш сы, чангоныш бә сипи жҹәјдә. Ҹывонә гәдә бәти порон сипијә һиссә сәпе һырдә әрп (корә) һесте. Кәшон дырози 73–91 см бејдән. Бәрк сард бә соронәдә бә Ланкон омејдә бешејдә.  Китобонәдә нывыштејдән ки, сард дәвардә соронәдә че Толыши зығонәдә бә гәдә сипијә ғази раст омән. Гәдә сипијә бәт 2,0–2,7 кг омејдә. 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|