Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | ||||||
| 3 | 4 | 5 | 6 | 7 | 8 | 9 | |
| 10 | 11 | 12 | 13 | 14 | 15 | 16 | |
| 17 | 18 | 19 | 20 | 21 | 22 | 23 | |
| 24 | 25 | 26 | 27 | 28 | 29 | 30 | |
| 31 | |||||||
Рассылка
Оцените содержание статьи?
МЕРЫСМАНДӘЈ
Бәһмән Салеһ
Ирсе-адәте, кинә одәмон боб әги тожә кәстјум, тожә либос бәһырен. Шаһвәләдән бә пәвәнд беәдә, вәју одәмон де ирси-адәти шин, һыришоне бо Шаһвәләди тожә мил-милә кәстјум, сипијә шәј, сыә гәлестук, вардышоне. Шаһвәләдијән тан кардыше ын шәнгә либос, дәро гыније бә пәвәнди кә. Һәсы-һәсујәш банди бә тонәдә быә дијәдә жијејдәбин. Шаһвәләди ро дәвардејдәбе банды-кујо. Тожә бә вишә дылә дәшәбе ки, ды кәси бырнише чәј вә. Ым тифангбәдушон, ғатәрбәсинон едјәсәјн бә Шаһвәләди, парсәјн: “Тожә бәгиш, һы?” Шаһвәләдијән ивотыше де шәсти:
-Һа, тожә бә пәвәндимон.
-Ышты танәдә ын быәјонән че пәвәнди бахшән, һы?
Тифангбәдушон де иштәфе ерәхәбин бә Шаһвәләди тани. Шаһвәләди евә жәше ыштә сә сару, вотыше:
-Бәле, кинә одәмон вығандәшоне.
-Еват, танкә чәмә ҹындырон!
Шаһвәләди еватыше. Тифангбәдуши танкардыше, шодоше ыштә ҹындырон Шаһвәләдисә. Шаһвәләди пекырнише ын ҹындырон бә тан. Чы ды кәси чәк-чәкә, сырәһујә дәғандыше әтроф бә ларз.
-Бывот, ве мыборәке! – Тифангбәдуши вотыше бә Шаһвәләди. Шаһвәләди вотыше: - Мыборәк не, бә мерыс быманды!
-Зә, зәрфәти кардејдәмон, мерысән быбо, ыштыне, мыборәкән быбо, ыштыне!
Комментарии (0 добавлено)
Политика и экономика
Интервью / Заявление
