СЕJНЭМЭН ПИJЕJДЭМЕ

СЕЈНӘМӘН ПИЈЕЈДӘМЕ

Бәһмән Салеһ

                Кәбләји Һәсәни хаһиш кардәшбе Ахунд Мәтғолику, бәјо жен пәјдо быкә. Ахундијән һеле кардыше сеглә вевә жен, нышандыше пардә бә тонәдә, Кәблә Һәсәнышән нышандыше пардә бы тонәдә. Огарде парсәј женонку:

                -Шымәнәдә чики шујәку чич мерыс мандә?

                Женон:

                -Рәһмәтшә шујәмку мерыс мандә гыләј һә.

                                -Чымы рәһмәтдигә мердику мандә гыләј зандәго.

                                               -Чымы бә рәһмәтшә беовандику бомы мандә гыләј хымоә боғ.

                Ахунд Мәтғоли одјәсәј бә Кәблә Һәсәни, вотыше:

                -Кәбләји, ты пијејдә жен бијәј?

                Кәблә Һәсәни вотыше:

                -Бәле, ахунд.

                Ахунд Мәтғоли огарде парсәј пардә пештонәдә ныштә женонку:

                -Чымы һовон, шымә пијејдәоне бы мерди бә шу ше?

                Женон сејнән бә и гәв вотышоне:

                -Бәле, ахунд.

                                - Кәблә Һәсән, ты чын женонәдә ком гылә боштә жен пијејдә?

                - Ахунд, бәшты сә чавом! Аз пијејдәме пеныштым бә һәј, данә быкәм зандәго, быромым бә хымоә боғ!