ЧЭМЭ ПЭРЭНДОН - ЧУЛЛУТ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 24 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

 

ҸУЛЛУТ

ҹүллүт – Обыкновенный  бекас

                Ҹуллутән че кыжыки тоје. Поронәдәш фәрғыш һесте. Китобонәдә һандемононку  жоғо бә мәјдон бешејдә ки, пәрәндон арәдә ән вејә ҹурыш бә кижә ҹуллуте. “Азәрбајҹан фаунасы” китобәдә 30–32  ҹури барәдә мәлумот доә бә. Че ҹуллути  ын ҹурон вејни Ланкони ләпәконәдә, Ғызыләғазәдә бејдә. Бәмы че ҹуллути  ын ҹурон мәлумин: бозә ҹуллут, кәжәлә ҹуллут, кумәјжә ҹуллут, вангкардә ҹуллут, ғоми ҹуллут, сипијә думә ҹуллут  и.ҹ.

 

БОЗӘ ҸУЛЛУТ

                Андоми пенә тәрәф  рушинә рангәдә бејдә, бозе. Тикеј гәдәлије. Лынгоныш бәнә зејтуни кавзе, тыкыш сијо, тыки бын бозе. Кәшон дырози 24–26 см бәбе. Зымрыхә выронәдә жијејдә. 4 гылә моғнә нојдә. Моә гылән, нијә гылән моғнәсә ныштејдә.

 

КӘЖӘЛӘ ҸУЛЛУТ

                Чы сәј, синә, гыј порон сијон. Бә хаки мандејдә. Кәши порон, думи порон тыконән, бә хаки мандә сијон. Әмандә пороныш сипије. Лынгоныш бә гужди ранге, сыје. Тыкыш нонҹе. Кәжәлә ҹуллути кәшон дырози 48–53 см бејдә. Бы ҹуллути бәчәј горә кәжәлә ҹуллут вотејдән ки, әв бәнә кәжәлә ды рангәдәј, һәмән бәј охшәш дојдә.

 

КУМӘЈЖӘ ҸУЛЛУТ

                Тыкыш кырт, дузе. Кумәјжә то бәбе. Пенә тәрәфыш, синә јанон чил-чиле. И тәрәфыш сипије. Тәвилыш сипиләвуне. Тыкышән, лынгышән сијо рангәдәј. Пешти тәрәфыш зомсонәдә рушинә хаки, порон арәш сијо бејдә. Ҹыландонәш хаки рангәдәј, ријә-ријәш һесте. Кумәјжә ҹуллут дәвардә шә ҹуллуте. Кам гыләш бо зомсони дәвоније мандејдә. Товсонәдә де һырдә дастә (3–5 гылә) винде бејдә.

 

ВАНГКАРДӘ ҸУЛЛУТ

                Пештыш, синәш хакиләвунә бозе. Сәј пенә тәрәф, кәшон тыкон, думи дырозә ријон сијон. Думи бын сипије, лузыш курәнә сијој. Зомсонәдә порон ранг тикәјән етәсә рангисә бејдә. Кәшон дырози 38–42 см бејдә. че жуллути гони 200–250 ғ омејдә. Вангкардә жуллут Озорбојжонәдә дәвардә вахтәдә Моғонәдә, Ланкони овәжоонәдә чијә. Гуждыш һардәније.

 

ҺУШИ ҸУЛЛУТ

                Чы шори тој. Андоми пентоныш сијо, порон кәнон курәне. Пештыш бозе, сәј, гыј, тәвили, ҹыландонә, синә нави тәрәфи порон зардин. Тыкыш, лынгоныш сијој. 3 гылә ангыштәш һесте. Пешотоно (4-нә гылә) ниј. Кәшон дырози 23–25 см бејдә. Зомсони Ланкони овәҹоонәдә дәвонејдә. Овәкәнонәдә бә мелы-мәвуши һардејдә.

 

СИПИЈӘ ДУМӘ ҸУЛЛУТ

                Сәј, андоми пенә тәрәфи порон хакиләвунин. Тәвилыш, димыш, хыртәш сипије. Синәш рушинә бозе. Думыш сипије. Тыкыш сијо, лынгоныш зарде. Кәшон дырози 34–36 см бејдә. 150–180 ғ омејдә. Озорбојҹонәдә мандә пәрәндәј. Хылонәдә, овәкәнонәдә лонә гәтејдә.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|