Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
БӘ ДЫ ДЫРОЗӘ ВАЗИЛӘ
Бәһмән Салеһ
Пирғоли тожә-тожә бә пәвәндбе бә Вәскинә. Охој ружи рози кардыше Вәскинә ки, бышун бә Ланкон, бынәвын бә дуконон, бахшәј быстәны боштә пәвәнди.
Пирғоли гыләј чыскә зоә, әмма Вәскинә былындә, речинә мујәхолә мојнәбе. Пирғоли коландә ҹывонбе, рәфторыш-пыјемоныш хош омејдәныбе бә Вәскинә. Һежо и дастыш бәсә Пирғолисәбе. Га чәј лынги егәтејдәбе, га чәј довнә окырнејдәбе, јәни “вәсе, ыштәни сәрост быбә, ајбе, ҹәмат дијә кардејдә”. Интаси һич бә Пирғоли гуш ныбе. Ҹывон быби, ҹывони палијо пәвәндиш быбу, тожәбәтожә де пәвәнди бә нәве беши, ә ҹывон ашиш бәманде? Ә ҹывон “вәс бәкарде”?
Һежо де ын ғајдә омәјн дәшин бә ғызылә дукон. Ангыште, гушовә, дастине, наргилә гијозә, ҹурбәҹурә зәргәрә молон шишәғәфонәдә “бој быстән” вотејдәбин бә одәми. Хун шејдәбе че ҹывонон дыло, чумчыко ҹифәдә пули кам бе хәроб кардејдәбе чәвон әһволи. Әмма димәдә сырејдәбин, бәјәнды чәш пеғандејдәбин, чәш-бәвонышон бә сыханбин дејәнды. Шәк ни ки, Пирғоли ијоән ыштәни огәте зынејдәныбе. Мәсәлән, Вәскинә дыроз кардыше даст бә гыләј ангыште, “Бә чанде?”, - парсәј. Әһвати, - “Бә са доллар”, - вотыше. Пирғоли жәше гыләј вазилә, јәни “ве боһој”! вәскинә нишо доше гыләј гушовә, хәбә сәше чәј ғыјмәт, әһвати вотыше ғыјмәт, Пирғоли ижән жәше гыләј дырозә вазилә. Вәскинә пијәше умуты гыләј гијозә ғыјмәт, әһват рәјрә дамә бе:
-Бә дыглә дырозә вазилә!
Сатиҹо ым пәвәндијон сејр кардә одәмон жәшоне чәккә. Вәскинә рәјрә ғандыше даст гәтыше окырнише че Пирғули кәш, бешин бә бетон. Бәнем Вәскинә сырејдә, әмма Пирғоли һәлә дәрәсејдәныбе ки, одәмон бочи сырәјн, Вәскинә бочи рә беше дуконо?..