ЧЭМЭ ПЭРЭНДОН -hЭСЭНКЭ

ЧӘМӘ ПӘРӘНДОН

ҺӘСӘНКӘ

ири ијрәнжә – большая поганка, чомга

            Чы натинкуни дыждә формәј. Чәј жимон бәнә натинкуникије. Гыјыш курәне. Пешты тәрәфыш тындә хакијә рангәдәј. Лузыш, гыј навыш гырд сипије. Чангыш һавзә рангисәј. Тыкыш нозык, ғәдәри дырозе. Тык тындә хакије, охојыш бә каву мандејдә. Чәшә быноныш бә сы мандејдә. че һәсәнкән думыш ниј. Јәни, әнәдә кырте ки, бә ниј һисобе. Сәдәш пәпул һесте. Гәдә һәсәнкә 600–700 ғ, јолә гылә 1100–1300 ғ омејдә. Бо лонә гәтејро һышкә лејнә, дәло вардејдә. че лонә бын бә ови дәчыкејдә, һежо тар бејдә. 3–6 гылә моғнә нојдә. 21–24 руж кулок ныштејдә. Һәсәнкә сынә ассә (гофе) бә дылә дәпыкијә. Һәсәнкә овәдә жијә бепештәмәјнә һәјвонон, ҹо-ҹо рәсон һардејдә. Ды кәрәм жә. Һәсәнкә ҹыландонәдә кулмә беше. 12 – 15 см дырози кулмә, карпи ебардејдә.