ЧЭМЭ ПЭРЭНДОН - ВЭF

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 29 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

 

ВӘҒ

вағ -цапля

                Вәғ бәштә лынгон кырт бе горә әленгонку фәрғ доә пәрәндәј. Чәмә кәфшәнонәдә 6 ҹурә вәғ бејдә:

1) дыждә сипијә вәғ; 2) һырдә сипијә вәғ; 3) бозә вәғ; 4) курәнә вәғ; 5) зардә вәғ; 6) ғәжғо.

 

ДЫЖДӘ СИПИЈӘ ВӘҒ

ири ағ вағ – больщая белая цапля

                Пороныш һәммәј сипије. Гыј пештонош гәдә пәпулә һесте. Тыкыш сијој. Лынгонышән сијој, ангыштон зардин. Нијә гылә кәшон дырози 90 см, моә гыләки 86 см бејдә. 1160 ғырәмикуш гәтә, тобә 1700 ғырәми омејдә. Дыјо кәнонәдә, ов веј бә выронәдә лонә гәтејдә. 3 – 4 гылә моғнә нојдә. Һар 2 ҹинс кулок ныштејдә. Мелы, мор, морәчәчул, кулмә, морә һардејдә.

 

ГӘДӘ СИПИЈӘ ВӘҒ

кичик ағ вағ – малая белая цапля

                Пороныш гырд сипије. Јолә сипијә вәғисә ҹалде. Тыкыш сијој. Быныш зарде. Кәшон дырози нијә гиләдә 56–57 см, моә гыләки 57 см бејдә. Тыкыш 9 см, шывәкыш 9–11 см бејдә. 510–610 ғ омејдә.Гәдә сипијә вәғән мелы, гәдә кулмә, һәшорат, вәзәх һардејдә. Сори дырози чәмә хандәхә кәнонәдә бә гәдә сипијә вәғи раст оме бејдә.

 

БОЗӘ ВӘҒ

боз вағ – серая цапля

                Чәмә тәрәфонәдә жијә ән дыждә вәғе. Пешти рангыш боз (тәнујә хоки рангәдә), лузи һиссәш сипије. Пәпуләш сијој. Тыкыш зард-хаки, лынгоныш һавзә зард, чәшон кәноәдә гуҹилијә вырә һавзе. Кәшон дырози нијә гыләки 84 см, моә гыләки 1м 10 см бејдә. Бозә вәғ 1300 – 1730 ғ омејдә.

                Куч ныкардә пәрәндәј. Овә кәнонәдә жијејдә. Ыштә лонә че доон бәшәдә, лејнон арәдә, ғалинә дәло-лејнә кулон бынәдә дутејдә. Ын вәғән чә вәғон һардә чијонәдә һардејдә.

 

РӘШӘ ВӘҒ

күрән вағ – рыжая цапля

                Бозә вәғисә ғәдәри һырде. Пороныш тынд курәне. Гыј пештоно дырозә пороныш һесте. Сәј пентоныш ижән гыј порон сијон. Лузи мијонә һиссә сијо рангәдәј. Сәј јанон, хыртә ижән думи жијәдә сипије. Мандә выроныш боз умжәнә курәне. Тыкыш зард-хаки, лынгоныш тынд-хакије. Нијә гылә кәши дырози 73 см, моә гыләки 75–76 см бејдә.

                Курәнә вәғ 1000 – 1470 ғ омејдә. Лејнә һышкә хычонәдә лонә дутејдә, бәчәј дылә кавујә дәло, лејнә ливон дәвоштејдә. Курәнә вәғән морә, мор, морәчәчул, вәзәх һардә.

 

ЗАРДӘ ВӘҒ

сары вағ – желтая цапля

                Пороныш зардләвунин. Сәдәш, пешти һиссәдә дырозә порыш һесте. Кәшоныш, лузи тәрәфыш, думыш сипије. Моә гылә нијә гыләјсә ғәдәри һырде. Кәшон дырози 40 – 48 см, тыкыш 6–7 см, шывәкыш 5,5-6,5 см бејдә, 500 – 600 ғ омејдә. Хәјмандә пәрәндәј. Зијон доә мелы-мәвуши, бә мој-кулмә зијон доә хыли вәзәхи, ҹо чијонән сурфон мәф кардејдә. Ғызыләғазәдә веј бејдә.

 

ҒӘЖҒО

гонур вағ – выпь

                Ын вәғи порон бәнә верды поронин. Пештику дијә кардејәдә лап бә верды охшәш дојдә. Тыкыш вејән дыроз ниј. Хыртә пороныш сипије. Сәј тәпәдәш сијо порон чијејдән.

                Ғәжғо че каги то бејдә. 800–900 ғ боме. Кәшон дырози 70-74 см бәбе. Әчәј ранг бә сутә дәло, лејнә, быри ранг бе горыш әј ныштә вырәдә винде бејдәни. Бә јолон воте горыш, ғәжғо и гылә һардәнә вәғе. Гуја чәј гужд һардәније. 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|