ЧЭМЭ ПЭРЭНДОН - ЭЛЕНГ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 40 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

 

ӘЛЕНГ

һаҹылејләк – аист

                Лынгоныш, гыјыш, кәшоныш дырозә пәрәндәј. Пәрејәдә гыј бә нав дыроз кардејдә, лынгон исә бә думо. Бы формәдә 1 метрәсә дыроз бејдә.

                2 ҹурыш һесте: сипијә әленг, сијо әленг. Чәмәку ән веј сипијә әленг бејдә. Дыждә пәрәндәј. Порон рангыш вејни сипи, кәшоныш сијој. Чәшон кәноәдәки гуҹилијә вырон исә сијон. Кәшон дырози 110–116, пәнҹә луләш 20 – 26 см, тыки дырози 15–19 см бејдә. Әленги гәдә гылә 3 кг, јолә гылә 4 кг 400 ғ омејдә. Былындә доон бешәдә лоне гәтејдә. Чулә – чәвул, аләф вардејдә, боштәно лонә дутејдә. 3 – 5 гылә моғнә нојдә. Һәм нијә гылә, һәм моә гылә моғнәсә ныштејдә. Морә, мор, морәчәчул, кулмә, мелы-мәвуш һардејдә.

                1972- нә сори Шағләсејәдә гити әленг пәјдо бе. Че гыләј кәј пештоно, былындә тујә доәдәшон лоне гәте (чы кәсојбон 7 сорбе әғылышон бејдәныбе). Зомсонышон әјо дәвоније (бә мәктәби нез бе горыш, һа руж виндејдәбимон). Әвәсор орәхәј, товсонәдә ҹәмати виндыше ки, әленгон 4 гылә баләшон бекардә. че кој осори чә кәсојби иминә әғыл бә дынјо омәј. Ысә чәвон 4 гылә зоәшон һесте. Сәғ-сәломәтин, жијејдән. Дә әленгон ангыл ын хосә хатирә һәлә гәвонәдәј.

                Де әленги ангыл Толышә фолклорәдә жоғо гыләј  шеер һесте:

Әленг, әленг, подишо,

Тәјлә тифанг чәј душо,

Әленги лынг мујнине,

Даст мәжәнән, хунине.

Ови һардә кечәдә,

Моғнә нојдә речәдә.

                Әленги лынг хунине ифадә, һәлбәт, де чәј лынги сыә рангәдә беј ангыле.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|