Разделы
Архив
| Пн | Вт | Ср | Чт | Пт | Сб | Вс | |||||||
|---|---|---|---|---|---|---|---|---|---|---|---|---|---|
| 1 | 2 | 3 | |||||||||||
| 4 | 5 | 6 | 7 | 8 | 9 | 10 | |||||||
| 11 | 12 | 13 | 14 | 15 | 16 | 17 | |||||||
| 18 | 19 | 20 | 21 | 22 | 23 | 24 | |||||||
| 25 | 26 | 27 | 28 | 29 | 30 | 31 | |||||||
Рассылка
Оцените содержание статьи?
ДЫГЛӘ МӘСЛОҺАТ
Бәһмән Салеһ
Мәди де Дусти бәјәнды раст омәбин вевә вахтәдә. Жены-шу быәбин. Әммо, хосјәтышон гәтејдәныбе де ијәнды. Һежо дејәнды бә пыт-пытбин. Тахсы јәндыку виндејдәбин, ијәнды гынокор бекардејдәбин. Быми-бәј гәп жәјдәбин ыштә һоли. Бә һич мәслоһати пемандејдәныбин.
Мерзо Нәсири мәслоһат жыго бе ки, де меһиббәти фик быкән, де меһиббәти гәп быжәнән, бәјәнды де меһиббәти гуш быдән, де меһиббәти жимон быкән.
Мәло мәслоһат ым бе ки, кәбин чокә вахтәдә быријә быәни. Бәпе кәбин бә думо һандә быбу. Дусти кәбин бә ҹо гыләј һәлолә мерди һандә быбу, мыддәти әв быжијы дә мерди. Пешо быстәны ыштә тәлоғи чәјку, огарды бәштә сыфтәнә мерди - бә Мәди. Бәвәдә јәнды чок сәбәрәсешон, сыханонон һич чәп әвонин, меһрибон бәжијешон.
-Мәло, ысә һәлолә мерд һесте? Гирәм оныгырдынише тәлоғ, аз бәмандем бежен? Де зубәзу бә даст вардәме гыләј мојнә!
Мәло жи-пе ерәхәј бә Дусти, вотыше:
-Һәлолә мерд аз, жены-шу рози быбән, тәлоғи баһандым, Дусти кәбин быкәм боштә. Чыл ружи бәпештә тәлоғи бәдом, кәбини тожә бәкардем, обәгарде ыжән ышты тоно!
Мәди де Дусти ерәхәјн бә ијәнды: “Һа?! “ Ижән Мерзо Нәсири мәслоһат чоке- де меһиббәти быжијәмон!
Мәло едјәсәј думо бәвон, манде суте-суте…
Комментарии (0 добавлено)
Политика и экономика
Интервью / Заявление
