ЧЭМЭ ПЭРЭНДОН: FЫРГОВУЛ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 31 голосов)
Изменить размер шрифта Decrease font Enlarge font
image

 

ЧӘМӘ ПӘРӘНДОН

ҒЫРҒОВУЛ

 

ҒЫРҒОВУЛ

гырговул – обыкновенный фазан/талышский фазан

            Бәнә каги гыләј пәрәндәј. Моә ғырғовул 700-1000 ғырәм, нијә гылә 900-1300 ғырәм омејдә. Нијә ғырғовул бәштә думи дырозәти ижән ранги горә моә гыләку фәрғ дојдә. Нијә гылә сә пенә тәрәф һавз иҹән бырынжә рангәдәј. Пештыш тындә сы ижән зардләвуне. Пешти нави порон бә сијо мандејдән. Пешти пешонә һиссә, думи сәпе порон тынд сысынҹине. Кәши порон рушинә боз, ҹыландонә ижән јаноныш сыје. Че моә ғырғовули андоми пенә порон тындә бозә зард бејдән. Жинә тәрәфи порон рушинә бозин. Ҹыландонәш, јани тәрәфоныш тындә сыә рангәдән.

            Ғырғовул че кыл-кымоти пәрәндәј. Чәмәку бандә бынонәдә, тәныкә вишонәдә, кулә бынонәдә жијејдә. Позәдә, зомсонәдә де дастә жијејдән. Мартә мангику жәгошә гит-гит нәвејдән. Моә гылә апрел-мајәдә 8-12, һаканә 16 гылә моғнә нојдә. 20-25 руж моғнәсә ныштејдә. Мајә манги охој, че ијуни сыфтәдә балә бекардејдә.

            Ғырғовул әвәсор, товсонәдә рәсә гытон, каву, мелы-мәвуш һардејдә. Позәдә де сыә гылә, сијо гылә, сери руж дәвонејдә. че тахыли дон, фындых, визә лесы, телә сеф, амбу; зомсонәдә, бәлелә гылә, урә мивон һардејдә.

            Ғырғовули гужд һардәније. Әве ки. әвышон веј жә, ысә камко бә. Чәј жәј ғәдәғәне.

            Ғырғовули гыләјән ҹурыш һесте: “Толышә ғырғовул”-әчәј ҹыландонә порон чолән. Лузи тәрәфи порон етәсә сијо рангисән, навынә һиссәдә сыә мысә рангыш һесте. Толышәдә, че Ирони әразијәдә, Һәмошәри бандәбыни кулонәдә, Ланкони ләпәконәдә певыло бә. Кам омутә бән.

            Ысә бә ғырғовули раст оме, воте бәбе ки, мылолә дој бынәдә бә виз винде охшәш дојдә. Сывол карде бәзнен: -Бә толыши бә ғырғовули чич вотејден? Че сыволи ҹәвобым пәјдо карде нызнәј. Әмо че пәрәндән Толышә зывонәдә номыш бә. Охо, Толыши ғырғовули ыштән ҹурыш һесте. Ҹур һестебу, жәғо, номән бәнине, әмо јодо бешә.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|