ЧЭМЭ ПЭРЭНДОН: ВЕРДЫ(F)

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 24 голосов)
Изменить размер шрифта Decrease font Enlarge font
image

 
 

ЧӘМӘ ПӘРӘНДОН

ВЕРДЫ(Ғ)

 

ВЕРДЫ(Ғ)
Билдирчин – Обыкнавенный
 перепел

            Һырдә, “речинә” пәрәндәј. Нијә верды сәј пенә тәрәф че ғәһвә рангәдә хакије. Сәпе чәши, выни һылику бә гуши пешт дәвардә вырәдә сипијә ријә һесте. Јанонәдәш бә дырози курәнә-хакијә ријон бејдән. Хыртә тәрәфыш тындә хакије. Моә верды хыртә тәрәф сипиләвуне. Нијә верды 100-115 ғ, моә гылә 95-100 ғ омејдә. Нијә верды кәшон дырози 19-23 см, моә гыләјни 18-22 см бејдә.

            Верды куч кардә пәрәндәј. че апрели охојәдә омејдән, октјабри охојәдә бә ҹәнуб пәрејдән. Камиши че Ланкони ләпәконәдә зомсони дәвонејдән. Аз ыштән јанварәдә, – зәминисә и метрә воә бејәдә, вердым виндә, жәме. Кулон бынәдә, аләфон арәдә лонә гәтејдә, 10-18 гылә моғнә нојдә. 20-21 руж моғнәсә ныштејдә. че ијуни сыфтәдә балә бекардејдә. Һәјф ки, ын балон һәммә мандејдәнин. Бә ди дәгынијә моон балон бәркә вошонәдә, овәјзонәдә тәләф бејдән. Еһанә ә вердон һәммәј бымандон, бәвәдә мәһоли верды ебәгәте.

            Аләфә донон, че рәсон туми, товсонәдә мелы-мәвуш һардејдә. Гуждыш веј тәмине, һардәније. Пыло житоно нојәдә ғыјомәт бејдә! Дасти ләзәти һарде бејдәни. Одәми ангыштонәдә рујән (чы верды рујән) етыкејдә.

            Верды жоғо сәдо бекардејдә: дут-дудут, дудут. Әғә гәп жејдәбе ки, и кәрә – товсонәдә бетоно (әјвонәдә) һытәбим. Чәсонә ныможи вахти әјштим, бәнем гыләј верды дәшә бәчымы јонго. Һәлбәт сардыш бә, омә јонгоәдә дәмускијә.

            Верды веј де тови пәрејдә. Памәдор каштә мәзонәдә лап веј бејдә. Пыхә памәдори донә, аләфи, суфи донә һардејдә. Бә зәмини ранг бе горыш, зәминисә епыкејәдә әј винде бејдәни.

            …И кәрә дештә рукә зоә тифангәдәбим. Әв локи екујејдәбе бә хәшәлон сә ки, верды бешу. Локыш и кәрән екујәј, бәнем жириск-жириск омејдә. Мәвотбәнән кули бынәдә гыләј верды ныштәјбән. Әғыл (нызне-нызне) локи дуз бәчәј сә жәјдәјбән. Шып-шыпым мәсәј, вотыме:- Локи рост мәкә. Шим вердым гәте.

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|