ПОДШО ЗОЭ НЭFЫЛ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 21 голосов)
Изменить размер шрифта Decrease font Enlarge font
image

 

ПОДШО ЗОӘ НӘҒЫЛ

Нәғылон

         Гыләј һестбе, гыләј ныбе, ғәрәјз Хыдо дынјо димисә һички ныбе. Гыләј мәһоләдә гыләј мерд һестбе. Ружи әчәј жен егыније марде. Вәсијјәтыш карде бәштә шујә ки: Мердә, чымы ангыште бә һар кәси ангыштә быбу, әј бијәјш боштә.

            Мылхәс, жен марде. Мерд нәвәј, ангыштеш бә чики ангыштә певоније, ныбе. Охој омәј бәштә кинә ангыштәш певоније, чок бе. Мерди вотыше:
           
-Кинәмо, ышты нәнә вәсјәтыш кардәбе ки, ангыштем бәчики ангыштә быбу, әј бијәјш. Чарәм ни, тыни бәвам.

            Кинә бәмәј, вотыше:
            -Дәдәли, жыго әбыни!

            Дәдә вотыше:
            -Тыни бәкыштем!

            Кинә вотыше:
            -Чок! Бомем. Сәбр быкә, бешум бә дашт.

            Мерди гыләј жијәш дәбасте бә кинә лынги. Кинә беше бә дашт, камиши ше, жијәш окарде, вите дәше бә гыләј вишә. Дәдә хәјлиш чәш карде, беше, дијәш карде, бәне, кинә ни. Веј нәвәј, кинәш пәјдо карде нызнәј, огарде бә пешо.

            Кинә омәј бә гыләј вырә беше, виндыше ки, нәҹҹор бә кој. Вотыше бәј:
           
 -Усто, бомыно гыләј тахтә кә бысохт, аз ботыно поло бәпатем.
            Усто кәш сохте бо кинә рујәкәноәдә.

            Подшо зоә омәј бә руј кәно ки, бәштә асби ов быдә. Асби овыш наһарде. Зоә дијәш карде, виндыше ки, рујәдә и чангә дырозә му һесте. Едәсијәј бә гырдо-кәно, виндыше ки, рујәкәноәдә гыләј кинә һесте, мыслыш ни! Ше бә кә.

            Бы вырәдә бәшмә чикику бывотом, подшоку. Ружи чы ружон подшо вотыше бәштә вәзири:
           
-Вәзир, аз пиједәме, боштә зоон вәјә быкәм.

            Вәзири вотыше:
           
-Подшо-аләм сәғ быбу, чок!

            Подшо вотыше:
            -Се гылә сеф бијә, быдә бәчымы зоон.

            Вардышоне сефон, дошоне бә зоон. Гыләј зоә сефыш шодој бә вәзири кинә, дыминә зоә шодоше бә вәкили кинә, семинә зоә шодоше бә ро. Се кәрәшон сеф огырдыније дошоне бәј, се кәрән әвыш шодој бә ро.

            Подшо ноәлоҹ манде, бо ды гылә зоәш вәјә карде. Јолә зоә рыкыш карде, беше чы кәјку. Да руж дәварде, подшо вотыше бә вәзири:
           
-Зоә бәке ше?

            -Зенејдәним, - ҹәвобыш дој вәзири. Подшо әмрыш карде бә вәзири:
             -Бынәв, әј пәјдо быкә!

            Вәзир веј нәвәј, омәј гыләј вырәдә виндыше ки, вуј нәнә, зоә де гыләј кинә ныштән чы рој кәно. Омәј ын хәбәш росније бә подшо. Подшо омәј бә кинәш дијә карде, вотыше:
            -Мәрһәбо, чымы зоә!

            Һәммәј бә иврә огардин бә кә. Подшо һафт руж-һафт шәвыш вәјә карде, ә кинәш сәј боштә зоә.

            Сори дәварде, кинә гыләј зоәш бе, - гыләј зылфыш ғызыл, гыләјән зылфыш – нығә.

            Әғыли меһиббәт дәше бә подшо дыл. Подшо әвыш веј пијејдәбе.

            Ымон бымандон ыштә кәдә. Дијә быкәмон, чы кинә пыә чичыш карде? Кинә дәдә веј нәвәј боштә кинә, омәј беше бәчәвон жијә шәһр. Омәј виндыше ки, кинә чы подшо вәјуј! Гыләј дәвушә оләтыш танкарде, омәј бә подшош ловә карде ки, фәғырим, ымшанго мыни огәт ыштә кәдә. Подшо рози бе. Мерд манде. Шанго подшо һыте бәпештә дәше әчәј нәвә гијыш обырније, хунинә чәхуш дәғанде бә әғыли моә ҹиф.

            Руж обәј. Подшо әјште чы һытә вырәку. Әмрыш карде ки, нәвә бијән чымы тонику. Омәјн хәбәшон варде ки, бәс һал-ғәзије де ҹури, чы әғыли сәшон обырнијә.  Подшо хәбәш гәте:
            -Ки обырнијә?
            Вотшоне, зынејдәнимон. Подшо әмрыш карде ки, ғонәғи бијән бәчымы һузур. Ғонәғшон варде. Подшо хәбәш гәте, ғонәғ воте хәбәм ни. Әнҹәх һар кәси ҹифәдә
хунинә чәху бешу, бызынән ки, әғыли гиј обырнијәкәс әве.

            Нәвәјн бә ҹифон, чәху чы әғыли нәнә ҹифәдә беше. Чы жени чәшоншон бекарде, дошоне бәчәј даст. Жени әғыли мардшән пегәте, беше ше. Омәј ныште рујәкәноәдә, бәме-бәме вотыше:
           
-Хыдованда! Аз чичым кардә ки, мыны бә жыго дард дәғандә?

            Чыми ҹәвобәдә се гылә кафте пәрәјн омәјн ныштин чы кинә тонику. Кинә чы гыләј кафте дастыш ној ыштә ростә чәшисә, дыминә кафте дастыш ној ыштә чәпә чәшисә. Һар дыглә чәш чок бин. Чы семинә кафте дастыш пегәте дәсујәше бә әғыли гиј, әғыли гиј дәчыкәј.

            Кафтејон пәрәјн шин. Кинә де әғыли моддәти ныште бы рој кәноәдә. Ружи бәне подшо зоә дештә әјон-әшрәфи шејдә бә нечи. Кинә ыштә зоәш вығанде чы подшо зоә тонику. Зоә омәј бәј вотыше:
           
 -Ымшанго шымә вәдә һесте чәмә кәдә.
            Подшо зоә вотыше, чок, бомем. Әғыл огарде, хәбәш росније бәштә нәнә.

            Кинә чокә хурәкыш пате. Вотыше бәштә зоә:
           
- Ғонәғон оме бәпештә бывотиш: Чымы нәнә вотыше ки, бә һајронон даст мәжәнән.
            Зоә жәгошән воте. Подшо зоә вотыше:
            -Чок.

            Ғонәғон ныштин, хурәкшон һарде. Зоә нәнә ше, һајрононыш чыније, дәноше бә подшо зоә леф. Маштә әјштин, виндышоне ки, һајронон чынијә бән! Жени бәштә зоәш воте:
            -Хәбә быгәт, ки чынијәше чымы һајронон?
            Нәвәјн, һајрононшон пәјдо карде чы подшо зоә лефәдә!

            Нәнә дештә зоә бә иврә омәјн чы подшо зоә тонику. Әј ыштә женыш зынәј, дәрәсәј ки, сәһвыш кардә. Ыштә женыш де зоә пегәтыше вардыше бәштә кә. Бә иврә бахтәвәрә умршон карде.

            Шымәнән һежо бахтәвәр быбәнән, хәто-бәлоку Хыдо шымәни һифз быкә!

            Осмонәдә се гылә сеф егыније: гыләј чымы, гыләј чы нәғылбывоти, гыләјән әчәј бынывышти.

 

Нәғыл чы Лики Һәматә дијәдә Бырәдијовыжә
сазондор ијән нәғылбывот Әлиһәсәни вотәше
бо Б.В. Миллери

 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|