ПИJЭЧЫНЭТИ ДЕ БЕЧИЗЭТИ НИ…

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 23 голосов)
Изменить размер шрифта Decrease font Enlarge font
image

 

ПИЈӘЧЫНӘТИ ДЕ БЕЧИЗӘТИ НИ…

Бәһмән Салеһ

            Микроавтобус выжоро бә ди огардејдәбе. Одәм ве, тангы-тулуш сәхтбе. Әроми комәгәвони фырсынише Гулшони замбул бә бәј гәв. Пијәженә Гулшони норозијәти кардыше:

            -Баләма, бардыме бә выжор шәш кило ҹыр, умум бәј рәсәј, һәватыме, сәме шәш әбоси. Ды мәммәд чымы ше-оме машин пул, чо әбосијән доме һыриме кагәдон, ижән зымсони. Балә, чымы ғаби ебәғандеш сару, ә дони, ә зымсони сыпә һәроми бәкардешһа! Мыни баһаштеш дастбыријә!

            Комәгәвони, - Енибәғандем!, - вотыше. Әммо одәмон еше-пеше кардышоне, замбул фырсәј бәди бәј, егыније сару. Зымсони аршијәј, пешинијәј бә рој. Кагәдон тумә дыләдәбе, выло ныбе. Гулшони кардыше де комәгәвони пыт-пыт…

            Гыләј ҹывонә бығинә зоә дамә бе:

            -Пул гырдәкәмон, быдәмон бә пијәжени.

            Едаштыше даст быми-бәј. Мерзо Нәсири етироз кардыше:

            -Зә, Гулшон пенибәгәте пули!

            Ҹывонә бығинә зоә вотыше:

            -Шымә зынејдәнишон, пијәжен ве бечизе. Јолә хыјзонин. Зоә, вәју, шәш нәвә сојбе. Зоәш мыһәндисе, ко ни, бекоје, арә коәкәтијәдә жычиј бә даст варде зынејдәни. Хыјзони ым пијәжен де выжорә коон де тәһәри бә ро дојдә. Әвән копуг-ғуруш! Веје еһтијоҹышон бә пули…

            -Ышты вотәјон ростин. Интаси чәвон нишоне пијәчынәти хосјәт. Пул едаштош, пенибәгәте. Бәты гонә сыхан бәкарде. Фәғәт чы пијәжени тоно ныштә ә ҹывонә жени виндејдәш? Ғызыли дыләдә әлвоне, интаси пијәчынә хосјәт бәјо омә. Нише һәјо, нише ар. Пул едаштош, әв пебәгәте, хәш омән әдәни!

            Ҹывонә бығинә зоә нымәсәше Мерзо Нәсир, гырдә кардыше пул, едаштыше бә Гулшони. Мәвужи мори жәше пијәжен, рост кардыше гыләј шивән, бој тәмшо быкә! Ғызыли дыләдә әлвонә жен дәваште сәше пул, дәноше бәштә синон арә:

            -Сәјдәниш, аз бәстем! Ни! Ни! Ни!

            -Кинә, аз пијәчыним? Бәмы лозим ни һич кәси пул!

            Чы дыглә жени һәрәкәтон мот кардышоне ҹәмат. Одәмон һәдәјон мандин. И кәс вәши мардејдә, бә һич кәси даст едаштејдәни. Ә и кәси зинҹир кардәше бәштә гиј-кәвур ғызыл, бәнә мори ныштә гәнҹи сәпе, ижән даст окардејдә быми-бәј, хосјәтәдә пијәчыне ки, пијәчын!..

 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|