ЧЭМЭ ПЭРЭНДОН - КЭЛКУН

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 31 голосов)
Изменить размер шрифта Decrease font Enlarge font
image

 

КӘЛКУН  (ҒОӘ КИЖӘ)

Гу гушуЛебедь кликун

            Озорбојҹонәдә, әзҹумлә Толышәдә 3 ҹурыш бејдә.

1. Сипијә кәлкун ;
2. Сијо кәлкун ;
3. Кавујә кәлкун.

 

СИПИЈӘ КӘЛКУН

            Пори рангыш сипије. Тыки житоныш, кәноныш сијо, тыки ыштәниш сыје (бә гужди ранге). Лынгоныш, чангоныш сијој. Кәшон дырози 1 м 10 см бејдә. Сипијә кәлкунон 8-13 кг арәдә бејдән. Кам-кам гыләш 22 кг омејдә. Сипијә кәлкун зомсони дәвонејдә әсосән Ғызыләғазә ғорығәдә. Ысә кам-кам раст омејдәмон бә кәлкуни. Позәдә омејдә бә Толыш, нез әвәсори шејдә. Толышәдә кам жәјдән кәлкуни.

            Чымы бобо 50 сор ғандәше тифанг, гылә-мылә жәше кәлкун. Чымијән сәбәбыш быә: бә кәлкуни сечмә гыније бәпештә арс емејдә чәј чәшонәдә. Кәлкунон меһиббәт ве бејдә. че гитонәдә гыләј (ја нијә, ја моә) мардејдәбу, мандә гылән омејдә чәј палијо, јаән чәј жә вырәдә ыштә сәј нојдә бә зәмин, мардејдә әјо.

            Толышә зывонәдә бә кәлкуни чич вотејдән? Һәммәкәси һежо кәлкуне вотыше. Аз рози ним де номи. Бочи че кәли кун бәбе, кәли рон әбыни? Дештә ағыли омәјм бы нәтиҹә ки, кәлкунә сыхан омә бәчәмә зывон че уруси зывонику. Урусијәдә фик быдәнән бә кәлкуни номи: лебед кликун. Урусон һәлә Х әсрәдә омән бә Сара (Сәри) ҹәзирә.   Кәлкунән ве бејдә әјо, Ғызыләғазәдә. Чымы зынәјку, әвон ын номышон доә бә кәлкуни, толышонән ын пәрәндә номышон пегәтә чәвонку. Урусә зывон веј незе де толышә зывони.


СИЈО КӘЛКУН

– Гу гушу (гара) – Черный лебедь

            Че сипијә кәлкунику фәрғ дојдә бә пори ранги горә. Чыми пороныш мыхәји, тындә хаки бејдән. Пештисә быә порон тыкон ыштәни бә сипи жәјдән. Тыкыш сы бејдә. Чәшә кәноныш сы бејдән. Че кәшон дырози 110-116 см, тыкыш 9-11 см бејдә. Чангә луләш 10-12 см бејдә.

            Че сијо кәлкуни гони 6-11 кг арәдә бејдә. Кали гыләјыш 13 кг омејдә. Гуждыш һардәније. Вејән ләзәтин ниј. Ысә чәвон жәј ғәдәғәне.


КАВУЈӘ КӘЛКУН

            Чә кәлкунонсә тикәј гәдәлије. Һаканә әј де кавујә бәти дәгиш еғандејдән. Бочи ки, чәј пори рангыш бәнә кавујә бәти пори рангије. Јәни кавује.

            Че кавујә кәлкуни кәшон дырози 96-100 см бејдә. Тыкыш 8-10 см, гониш 5-7 кг омејдә. Озорбојҹонәдә ысә бә кавујә кәлкуни кам-кам раст оме бејдә.

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|