ЫШТЭ ДАРДИ БЫКЭШ

ЫШТӘ ДАРДИ БЫКӘШ

Бәһмән Салеһ

 Мерзо Нәсир ныштәбе мәҹлисәдә. Никотинзодә омәј ныште чәј тоно. Чәј нәфәс, оләт жыго мәғә бу дојдәбе, Мерзо Нәсири дыл бәчәј гәв омејдәбе. Һәлә ым камејбән, Никотинзодә дәманде бо пәпруз кәше, бәвәдә Мерзо Нәсири рыки гәтыше бәј:

-Пәпруз мәкәш! Ым чы јамәнә мәрәзе, бәты дучо быә?

        -Мерзо, дардым веје, дард! Дардон вејку пәпруз кәшејдәм.

-Бәвәдә ыштә дардон быкәш, де пәпрузи әмәни зард мәкә!

        -Пәпруз ныкәшом, бә јонго гынејдәм.

-Ја ыштә дарди быкәш, ја пәпрузи. Охо, бә јонго гынијәниш!