ЧЫМЫ JОДЭДЭ МАНДЭJОН - 50

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 54 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

50

 

            Вырәше вотәјнә, һежо ијо ды-се кәлимән бынывыштым Меһдибәги ыштәни һәхәдә. Ижән вотејдәм, бәчымы унвон чәј вотә тәһғирон огәтејдәм бо ҹо вахти. Ијо әнҹәх бә хәлғи ијән һәрәкоти аид быә мәсәлән һәхәдә нывыштејдәм. Аз нывыштејдәним ки, ым одәмон ки, шәв-руж гәп жәјдән чымы бевәҹи, чымы думо һәни нымандә ду-тәлбисон вотејдән, демијән чичышон пијејдә воте, вотешон пијејдә ки, ЧЫМЫ ҺИЧ ХЫДМӘТЫМ БЫӘНИ БӘС  ЫШТӘ ХӘЛҒИ РОӘДӘ? Охо жыго вотејдән ки, мәчити бә ож бәзне бе, бәс бә сыпә һәјо чич бе? Анә әбынихо! Чымы зәһләм шејдә жыго гәпонку, әмма Хыдо чок зынејдә ки, Толыши Милли һәрәкот мы зандәме! Һәмән ҹојлинә не, де чандә гылә ҹо толышә мердон ијән мојнон иҹо “зандәмоне!” Одәм чанә беимон бәбехо?! Хыдоку бытарсән һич ныбо!

            Мылхәс, Меһдибәги һәхәдә ды-се кәлимә бынывыштым. Се сорисә веј Озорбојҹонәдә бим, Меһдибәг и кәрә һич ныбо бә нијони номәј, гыләј һышкә сәломышән ныдој бәмы! Чымы чәјку ҹо пијәјым ныбе, һич вахтијән нибәбе! Әмма, әв “хыдмәтику” веј гәп жәјдә, әмә иврәдә ҹангәдә быәбимон, бәс чуне шин ә хыдмәтон? Аз чок зынејдәм ки, хонәхо тарсејдәбе ыштәку, зынејдәбе ки, бердәм зијоныш бәбе бәј бәмы доә сәломи! Әмма бә нијони әзнихо гыләј сәлом дој! Ныдоше!  Се сор нимәдә и кәрә виндыме әв Шәфаһәти зоә сыннәтә вәјәдә. Әвән чокнә бе? Әмә де Әли Насири шәбимон бә вәјә. Дастәј толыш гырдә бе бәчәмә сә. Бы вахти Меһдибәг де Һилали ијән ҹо кали толышон омәјн. Виндышоне әмә, мәҹбур мандин, омәјн, ныштин чәмә мизи кутәдә. Дастыш дыроз карде бәмы, бәчәј гуш вотыме: “Меһди, чымыку һич мәтарс, ком ни деты!” Воте, “аз тарсејдәним!” Вотем, “жәго мәвот, чок зынејдәм ки, тарсејдәш! Әве вотејдәм ки, ком ни деты, мәтарс чымыку!” Тикәј ныштин вәјәдә, бешин шин! Вәссәлом!

            Сыхани рости, һар вырәдә әвотим ки, “Меһдику шикатым ни! Бәнә мерди окыријә бә кәно, ови лил кардедјәни ки!” Жәгоән кардыме, ком ныбе деәј. Детобә бә вахти ки, дәманде бо ови лил карде! Сохтыше ә  ...  Азәри-толыши бирлик”! Де һым-ҹыми сәросниме әв, нывыштыме, вотем, јәғын сәбәрәсе, нывыштыме ки, чы тәшкилоти сохте мәғсәд навбәнав мәлуме бәмә, мәши бы ко! Аз вотыме мәши, әв һәнијән шигирд бе, дәманде сосиал шәбәконәдә ијән чә ...  Атахани сајтәдә бо гәвомәј нывыште, ҹурбәҹурә тәһғироныш нывыште! Ҹо чијон ижән нојдәм бә кәно, бәс бочи һич фикирыш ныкарде ки, “чымынән хыдмәтон быән”?

            Есә һа сор һич ныбо и кәрә дастәвуз кардејдә ыштә дастәдә, шикилон кәшејдә нојдә бә интернет ки, “бунән аз чокнә игидә зоәм ки, шим зијорәтым карде Нәвузәли ғәб!” Бочи һички парсејдәни чәјку ки, охо Нәвузәли гәтеәдә, тынән Бокујәдәбиш, бочи и кәрә номәјш, һич хәбән ныстәнәј ки, мардә ја мандә Нәвузәли? Бәлкәм че Нәвузәли һич хыдмәтыш ныбе ыштә хәлғи навәдә? Бә жәләвонон дијә кардеәдә, аз һежо рәһмәт һандејдәм бо Нәвузәли! Чумчыко охој-охојәдә бәнә мерди бәштә гијыш гәте ки, “толыше вотәјнә, һукмәт һәбс кардејдә әј, дивон гәтејдә бәчәј хыјзони!Хыдо рәһмәт быкә Нәвузәли!

            Аз һич вахти нијом кардәни ки, хошым омәни  Нәвузәлику! Интаси Хыдо ғысмәтыш карде бәмы, бәчәј димым воте ыштә сыхан. Мәһкәмәдә вотем, “аз һежо нифрәтым кардә бә Нәвузәли, есән нифрәт кардејдәм!” Һаким воте, “бочи?” Вотем, “чумчыко аз һежо жыгом зынә ки, әв зыне-зыне тәһриф кардејдә чымы Инә зывони!” Воте, “чокнә јәне тәһрифыш кардә?” Вотем, “тәһриф һәни чокнә бәбе? Гыләј луғәтыш нывыштә, ҹәми 10 һәзо сыхан һесте әјо, чәвон нимәсә вејни тыркә сыханонин! Чымисә јолә тәһрифон пијејдә?” Аз есә вотем пијејдәни ки, чокә ком кардә!  Бәвәдә зынәмбәј ки, һәғиғәтән Нәвузәли охојәдә ә сыханон бәвоте, бәлкәмән нәвотим! Интаси чы којән чокә ҹәһәт ыме ки, бә мерди димым бәрмалә воте, әј зынәше чымы бәј быә мыносибәт! (Пешы вәкил Рамизи бәмы вотыше ки, шымә һа бывотән ки, нифрәт кардејдәшон бә Нәвузәли, “әвон” жыго зынејдән ки, шымә һәммәј и одәмишон, һукмәти чәшпушнә кардејро, ғәсдонә жәго вотејдәшон!).

            Мылхәс, сә кардејдәм Меһдибәги һәхәдә ыштә сыхани. Охојәдә ым сыханон вотејдәм бә Меһдибәги: “Бәшты бә Нәвузәли ғәби зијорәт карде һич еһтијоҹ ни! Ты Нәвузәли ғәбисә мәши, чокише, быши олхарт чәј тоно – ғәби дыләдә! Жәго быкош, бәлкәм Хыдо быбахшы ышты гынон!

            Есән идомә кардејдәм ыштә һикојәти. Жыгонә детобә 2008-нә сори октјабри мандим Озорбојҹонәдә. Анә коон бин бы мыддәтәдә, ыштәнән зынејдәним, коми огәтым, коми бывотым.

Ружи гыләј толышә мојнә зангыш карде бәмы, воте, Толышә луғәт лозиме бәмы. Унвоныш воте, шим. Таныш бимон. Ирадә Додобе! Доме бәј луғәт ијән машинәдә быә ҹо китобон.

            Чәј бәпештә һа руж ја ружбәмијон Ирадә Додо занг кардејдәбе бәмы. Мот-мәтәл мандәбим! Охој и кәрә бәј вотыме ки, винде пијејдә мы, бәвәдә бој дештә шујә! Омәјм бә мәтбәә, әвонән омәјн. Таныш бим дечәј шујә. Вотем, “Һовәма, чымы ән веј тарсә мәхлоғ жен тојфәје, аз ыштә овијән пу карде-карде пешомејдәм, һәмән һич вахти нышт-әштым әбыни де ҹо мерди жени! Кејнә быпијо мыни винде, зәһмәт быдә бәштә һәмро, иҹо боән, етирозым ни!

            Жыгонә, таныш бим де Ирадә Додо! Һәмон вахти “Уруси-толыши луғәт”и дыминә ҹилдым доәбе бә чап. Хыдош комәг быбу Ирадә Додо, чокә комәгыш карде, луғәтымон чап карде!

            Сыхани рости, чок сәрәсејдәбим ки, чымы Озорбојҹонәдә миссијә һәни сә быә! Чок ја бевәҹ, хәјли коонымон кардәбе. Әмма дынјо хәјли дәгиш быәбе. Гырд ҹо гыләј геосијосәт мијонәдәбе. Әве лозимбе ки, есә Русијәдә быбәмон, ыштә коон әјо озавзынәмон! Луғәт һежо вахтәдә чапо беше, вонә бе бомы. Милли Бетәһлукәти вәзарәтәдә ҹинојәти кошон окардәбе бомы де “милли чымыни-ыштәни отаспыније” маддә. Бәмышон асбардәбе ки, “чуне шиш, һәтто бә дијән шиш, әмә зынәнинимон!” Әве вотејдәм ки, луғәт гыләј вонә бе! Каһин воте, бијә бә Москвә, едаштемони мәросим (презентасијә) дәвонәмон ијо. Октјабрә манги 7-дә бастыме гыләј кәј кум, омәјм бә кә. Чәсәј омәјм бә аеропорт. Әғылон Русијәо камиши пулышон вығанде бомы, тикәјән Бокујәдә и кәси доше бәмы (хонәхо быбахшы мыни ки, нывыште зынејдәним чәј номи! Хыдош комәг быбу!). Һежо әјән асбардыше мы бә аеропортәдә ко кардә гыләј тырки. Ә тырк быәнәбәј, пулым ками әкәј. 600 долларым дој, бо бағәжи пул ныманде. 150 гылә луғәт бардејдәбим, һар гыләјышән и кило! Сәғбу ә тырк! Һич ыштән бешәныбе бә ко, әмма дечәј гыләј занги ды кәс омәј, луғәтонышон пебахшыније бешәлә шәкәсон дыләдә! Де чәмә муғәнни Сәмәди иҹо пәрәјмон бә Москвә. Жыгонә, бино бе чымы дыминә һиҹрәт!..

            Чымы хосә хәлғ! Сә кардејдәм ијо ыштә мемуарон. 2008-нә сорику жыгошә ғәзијон огәтејдәм бо вәомәј. Иншаллаһ, Хыдо имкон бәдо, ружи бәнывыштем чәвон һәхәдә. Хыдоку орзум ыме ки, хәшәҹони ијән дырозә жи быдә һәм бәмы, һәмән бә һәмә толышон! Хыдо озод быкә чәмә Вәтәни ијән хәлғи! Хыдо ғысмәт быкә бәмә һәммәј бә Вәтән, бә озодә, сәбәсожә Вәтән – Толышстон огарде! Хыдо быбахшы чәмәһон һәммәј гынон! Амин, ја Рәббил-Аләмин! 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (1 добавлено)

  • Опубликовано Ahin, 13 Октябрь, 2016 14:40:56
    Tolışə xalqi hərəkati fəalon həmmey natamaməti kompleksiku korığ kəşdə.Əveki hiç vaxti yıyəndı çokə əməlon iyən cəhəton ne naqisətiyon iyən bebəciyon bə muyonə vardedən.lştəni tənğid təvazokarəti iyən vədəki əməlon təqdir karde nızne çı komleksiku bə şıkıre.Im kompleksi baməl ome əsas səbəb bə vırə mırəsə arzuon tıpe həddədə be vaxtədə ğayğu nıvinde dimoyəndı mənfi impulson seyku bəşkıre.İnsoni əhəmiyyətə hisson təmin nıbeyən jıqo təzahurədə yolə rol hənək kardedə.İ nov jıqo "tıpe" çaşkardəni qıləy holeki ımiyən buruzəj doə.Imən qıləytojə etapi baməl bəvarde yəğınki....

Главные новости

|