ЧЫМЫ JОДЭДЭ МАНДЭJОН -49

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 32 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

49

 

            Пешы мәсәме ки, һәни дастыш кәшә Мыһоҹир һукмәти сохтеј фикрику! Чок бәчымы јод омәј, гыләј чијән бынывыштым. Бәчәј Мыһоҹир һукмәти ән сәростә ијән чокә ғыјмәт доәкәс чәј ыштә “Назир” – Аллаһверди миәллим бе! Әј нывыштәшбе ки, “Әләкрәм халә-халә һәнәк кардејдә!” Хыдош комәг быбу, чымисә сәрост нәби воте!

            Һа, пешы Әләкрәми гырдәш карде дастәј ...  бәштә сә, дәманде бәвон бо гәләвонәти карде, чәј номышән ној “Сипиришон шурә!” Чок зынејдәм ки, ым сыханон һандә кали толышон ижән јаһу рост бәкан ки, һичмәсә, “тәһғир кардејдәм әвони!” Әве әлбәһол вотејдәм ки, ым тәһғир ни, жәләвонә одәмон әсыл ғыјмәте! Мерди дастәдә бә јоли сијоси партијә бе-бе, әв әғыләһужә кардејдә, “шурә” сохтејдә!

            Лап бывотәмон, быдә быбу! Әмма боән дијә быкәмон, чыми чич шурәје? Охо “шурә” мәно ыме ки, әјо быәкәсон но-пегәт, мызокирә кардејдән һар мәсәлә, ғәрор ғәбул кардејдән! Быми бәвотен шурә! Бәс әвон чич кардејдән?

            Ружи дечәвон гыләјни һәмсыхан бим скајпәдә. Вотем, “Биләма, шымә һич мызокирә кардејдәшон мәсәлон ыштә арәдә?” Воте, “мызокирә вотеәдә ки, һар кәс гәп жәјдә”. Вотем, “гәп жәј вотејдәниме, но-пегәт вотејдәм? Мәсәлән, бы незони Әләкрәм шәбе бә Ермәнистон. Шымә навбәнав но-пегәтон кардәбе чәј сәфә?” Воте, “не, әмә әв ше бәпештә зынәмоне ки, шә бә Ермәнистон!” Вотем, “ыми сәрәсәјм! Бәс оме бәпештә чоко, мызокирәон карде чә сәфә нәтиҹон?” Воте, “не!” Вотем, “бәс мәлумотыш ныдој ки, бочи шәбе, чич бе, дечи огарде?” Воте, “аз әјо беәдә, мәсәмни жәго сыхан! Бәлкәмән аз ныбеәдә кардәшонбу, әмма чымы хәбәм ни!” Вотем, “ты биш әјо ја не, чы фәрғыш һесте? Мадәм ты сипиришиш, бәпе мәлумот быдән бәты ки, һол-ғәзијә жыгоје!” Воте, “быәни жәго сыхан!” Ым чәвон шурә! Дастәј одәм гырдә быән, беар-беари бәштә номышонән ноә ки, һичмәсә, “әмә сипиришимон”, мангәдә-сорәдә и кәрә гыләј бәјонот дојдән, чәјән нә нави бејдә зыне, нә думо!

            Ды сор чыми бәнав ки, Әләкрәм ше бә Хәрәбоғ, чәјо Брусселәдә дыглә конфранс дәварде, чә вахтонку чымы һич шәкым ни ки, Әләкрәми гырдычып һәватәше Толыш! Чә вахтику әв ко кардејдә де Озорбојҹони һукмәти! Бә Хәрәбоғән әв де Озорбојҹони һукмәти сифориши шәбе.  Шәбе ки, Хәрәбоғи президенти бә зывон быгәты ки, әв рози быбу, бо дәшу бә Озорбојҹони тәркиб!  Әјо бә һар кәси вотејдәбе ки, “мы гәпым жә де ләзгијон јолонән, әвонән розин, быдә Хәрәбоғән дәшу бә Озорбојҹони тәркиб, әмә демократ бәкамон Озорбојҹони!” Интаси Ермәнистонәдә әлбәһол сәрәсәјн чәј нијәти, әве незышон ваныдој бә Хәрәбоғи президенти! Ләзгијон Русијәдә быә јолонән бәмы вотышоне ки, “әмә һич зынејдәнимон Әләкрәми, танышәтимонән ни деәј, жәго гәпымонән жәни деәј!

            Әләкрәм Ермәнистонәдә беәдә һич Толыши номышән гәтәныбе! Әјо бәј чандә кәрә вотәшонбе ки, “ты толышиш, ыштә хәлғи гәпи быжән, чәј дарди бывот ијо, бәшты чичи лозиме Озорбојҹон?” Әмма әв вотејдәбе ки, “шымә комәг быкән бәмы, быдә аз быбум Озорбојҹони президент!” Жыго бызын, ермәнијон выжнејдән Озорбојҹони президенти!...

            Чәјоән Брусселәдә конфранс бе! Чә конфранси һәхәдә һандәкәсон мәлумотышон һесте. Кали чијон нывыштејдәм.

            Дырыст зынејдәбим ки, Озорбојҹони һукмәти пулыш бә гиј гәтә бо мәлум авропәвыжон ки, әвон конфранс дәвонын Брусселәдә (5-6 гылә конфранс дәвонијәнинбин), Хәрәбоғи ермәнијонән, ләзгијонән, ҹо хәлғон нымојондонән сәдо быкән әјо, Озорбојҹони һукмәти пијә сыханон бывотын, чәј пијә бәјонотон быдән! Ә хәлғон һәммәј ариф бешин, сәрәсәјн че авропәвыжон нијәти, иглә толышон бовәшон карде бә Әләкрәми сыхани, шин бы кәләк!

            Вахтәдә ымоным һәммәј вотәбе бә Каһини! Интаси Әләкрәм һежо бәј вотејдәбе ки, “Миәллимән бо әјо”! Чымы ки сәнәдым ни, пијәмәнбәј, нәзним ше! Каһин ки һәкәм манде ки, “Бојли сыхани сару еғандеј чок ни, быдә аз бышум”, аз вотем, “пијејдә, быши, әмма шәртым һесте: мәрузә чәмә быәнине, тынән мәрузә кардәниниш!” Вотәшбе бә Әләкрәми, ғәбулыш кардәбе ым шәртон! Әве шим бә Минск, һозымон карде мәрузә, вығандымоне бо Әләкрәми ки, бывот ыштә ғејдон! Һандыше, рози бе! Чәјо пегордынимоне бә тырки ијән ингилиси!

            Һовсәләм рәсејдәни, һәммәј гылә-гылә бынывыштым! Аеропортәдә Каһини дәро кардеәдә, һежо вотыме бәј ки, “гуш мәдәјш бә һички сыхани, аз зынејдәм ки, Әләкрәми кәләкыш һесте, чок зынејдәм чәј мәғсәди, әмма чымы вотәјон быкош, имкон нибәдомон ки, мәһол песыры бәчәмә хәлғи!

            Кешкә Каһин һич шәнәбәј! Һәмә коон нојдәм бә кәно! Чәмә ә ҹывонә әғылон ки, анә әзјәтышон кәшәбе, пегордынијәшонбе мәрузә бә ингилиси, уруси зывонон, чәвон бәбол һукман бәгәте Әләкрәми! Кешкә шымә ыштән виндәонбәј, чокнә бәмејдәбин ә ҹывонә әғылон, чокнә јаһу жәјдәбин ки, “Миәллим бочи жыгошон карде дејәмә, рысвошон карде әмә?!

            Чичым вотәбе бә Каһини, Әләкрәми һаштәшныбе ки, әв быкә ә коон! Каһиныш бә даст дәноәбе ки, “авропәвыжон вотејдән ки, Әләкрәм президенте, мәрузә әв кардәнине!” Ым фәғырән рози быәбе! Әләкрәми ноәшбе ыштә вәдә чәмә нывыштә мәрузә, әмма вотејдәбе ҹо сыханон!

            Бы вырәдә гыләјән һәшјә бешум. Бәвәдә әмә һәлә зынејдәныбимон ки, ә сыханон Озорбојҹони һукмәти одәмон шәхсән бә Әләкәрәми ыштәни вотәшонбе, ја авропәвыжон бә даст дәнојдәбин Әләкрәми! Конфранси бәпештә и сор дәварде, әмә зынәмоне ки, бәчәј ыштәнишон вотә, авропәвыжон гыношон ни! Каһин и сори бәпештә шәбе бә Авропә. Де Елхани иҹо шәбин чә конфранси тәшкил кардәкәсон гыләјни тоно, әј чокнә һестышбе, жәгоән гәпыш жәбе боәвон ә ғәзијә! Вотәшбе ки, “Озорбојҹони һукмәти шодоше бәмә! Вотәшонбе ки, 2 милјон авро бәдон”.  ...

            Сори бәпештә дыминә конфранс бе. Каһини ижән елыв-пелывыш карде, вотем, јодо бекә! Пешы Әләкрәми ыштән вотәшбе бәчәмә гыләј ҹыонә зоә ки, “мәрузә мәтни бынывышт бомы”. Чымыку парсә, “бынывыштым ја не?”, вотем, “ты һәни әғыл ниш, ыштән ғәрор ғәбул быкә!” Нывыштыше мәтн, вығандыше бомы ки, азән баһандым! Һандыме, кали ғејдоным карде. Вығандыше бо Әләкрәми, әјән бәгәмыш карде. Әмма конфрансәдә ә мәтныш ној бә кәно, ижән һәвәлә-гәвәләш воте, Озорбојҹони һукмәти сыханыш воте! Чичбе һукмәти сыхан? Әләкрәм Толыши республикә президент бе-бе, әјо вотыше ки, “әмә бәләдијә ыштәниидорәмон пијејдә боштә хәлғи Озорбојҹони тәркибәдә!

            Ижән һарчи нојдәм бә кәно, нывыштејдәм чәмә һәмон ә ҹывонә зоә һәхәдә! Кешкә виндәонбәј, чы ружәдәбе әғыл?! Кам мандәбе чәј дыл бытыпы ки, “бочи Бојли жыго кардејдә?” Аз чы ҹәвоб әзним дој бәј? Чымы сыханым ныбе! Нәзним бәј воте ки, ЫМ ХӘЈОНӘТЕ! ЧЫМИ МӘНО ЫМЕ КИ, ӘЛӘКРӘМИ ҺӘВАТЫШЕ ТОЛЫШ!

            Анә коон бәпештә зоәм бәпије ки, тасыб быкә демы, ғәрәз бывинды чымы нывыштәјонәдә! Зоәм бәпије, бывоты бәмы ки, “Әләкрәми хыдмәтоныш һесте!” ...

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|