РОМЭ ПАПЭ ИJЭН ХЭРЭБОF

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 24 голосов)
Изменить размер шрифта Decrease font Enlarge font
image

РОМӘ ПАПӘ ИЈӘН ХӘРӘБОҒ

ТМВ_10_10_2016_

            Чымы азизә быјон ијән һовон!

            Бошмә гәпым жәбе ки, сентјабри дыәдә Ромә Папә Франсиски сәфәш кардәбе бә Боку. Ымымән вотәбе ки, Бокујәдә вејнә сијосәткорон ијән аналитикон, журналистон ијән иҹтимои ходимон веј јолә умушон һестбе бы сәфә, хысусән Хәрәбоғи мәсәләдә. Һәнијән дырыст бывотом, Бокујәдә вејнә одәмон умдәвобин ки, Ромә Папә камику бәјонот бәдо Хәрәбоғи мәрәшулә тәнзим карде һәхәдә, чандә кәсонән ки, бовә кардедәбин ки, Папә “бәбахше Хәрәбоғи бә Озорбојҹони”.

            Жыго ғејри-реал ијән беҹоә, бемәхә умујон дыглә сәбәбыш һесте:  

            Иминәни әве ки, песохтә Озорбојҹони алимон детобә охој тәһрифышон кардә чы мәмләкәти тарых. Камсәводә ијән бә һукмәти зырно һәво рахс кардә ым мијоннангырә “тарыхнывыштон” шәв-руж дастопчән де тәһрифон. Чумчыко есәтнә һукмәти рәсми тарыхи доктринә тәләб кардедә ыми. Һәмән ым тарыхнывыштон һәлә дештә чәши виндәшонни чы дынјо веј мәмләкәтонәдә, әзҹумлә Ватиканәдә быә архивон сәнәдон.

            Дынјоәдә веј одәмон чок зынедән ки, ым сәфә лозимбе иминә нубәдә бә Илһам Әлијеви  бәнә “пиар-хыдмәти” ғәзинә ки, әв нишо быдә бәштә ҹәмати ки, “бунән, чокнә һурмәт кардедән бәмы дынјоәдә”. Әве һәлә бә сәфә чанә мандә, һукмәти информасијә ресурсон пусты-лу бедәбин ки, бәштә ҹәмати сыбут быкән чы сәфә воҹибәти ијән әһмијәтинәти.

            Дечи сә бе ым “пиар-хыдмәт”? Ромә Папә гыләј кыртә нытғыш воте бәчәј шән тәшкил кардә быә тәдбирәдә быәкәсон навәдә, ды-сеглә шинә сыханыш воте бәвон, вәссәлом! 

            Есән боән, чы мәсәлә дыминә тәрәфи, јәне Хәрәбоғи һәхәдә гәп быжәным бошмә. Де һәјфи ки, ијоән Озорбојҹони елитә орзујон мандин чәвон дыләдә! Папә вотыше ки, чы мәрәшулә һар ды тәрәф бә сулһ омәнине, әмнијәтәдә жијәнине! Папә вотыше ки, "сывој сулһи гәпон, ҹо ро виндедәни әв".

            Ымон һәммәј норозишон һаште Бокујәдә вејнә журналистон. Әдоләти номинә бывотым ки, чәвон һәхышон һестбе ки, норози быбун! Охо чыми бәнав Озорбојҹони һукмәти чандә са милјон доллар мојәш ноәбе ки, тәмир быкә Ватиканәдә быә чандә гылә објектон – катакомбон, музејон, китобхонон! “Чуне шин чәмә пулон?” - норози-норози парсәјн Бокујәдә чандә одәмон.

            Жыгонә, чы мәмләкәти чандә шәһрвандон ыштә охонә умушон сыст карде Хәрәбоғи мәсәләдә. Охо Әлијев чандә соронин һежо әнг бедә ки, бәстәнемон Хәрәбоғи! Чандә соронбин, һукмәт кәжәлә пор дәжәнедәбе бәштә хәлғи сәј ки, әмә тәмир быкомон һәмон објектон, бәвәдә Ватикан дастәк бәдо бәчәмә Хәрәбоғи роәдә бардә мијоннангырә “әһлихыбирә мыборизә”! Әмма нәтиҹәдә Ватикани һичиш ныдој бә Озорбојҹони, Илһамән сијодим бе и кәрән!

            Чымы азизон! Ијо аз гәп жәј фикәдә ним чы мәсәлә идеоложи ијән сијоси аспектон һәхәдә. Ыштә дығғәти ҹәлб кардедәм чы мәсәлә тарыхи сәбәбон сәпе. Бәмы жыго омедә ки, Озорбојҹони алимон ијән тарыхнывыштон һәлән хәбәшон ни чымонку.

            Ватикани бә Хәрәбоғи мәсәлә ијән чы мәрәшулә һәлл карде роон мыносибәти чок-чоки зынеро, умуте лозиме чы мәсәлә тарыхи. Ым тарых бино бедә Шонзәминә сри охој – һавдәминә әсри сыфтәку. Мәһз бә вахти Ватикан дәманде дечәмә региони геосијосәти мышғол бе. Камику бә кали уруси тарыхнывыштон мәлуме ки, бә вахти Ромә Папә фәол номә нывыштедәбе бә Русијә “сипијә чари”, ијән Ирони шаһиншаһ Шаһ Әбоси. Бы номонәдә, молјәти етиборән, чы региони тале һәлл бедәбе, чәј геосијоси конфигурасијә әсос субјектон мыәјјән бедәбин. Тәсодуфи ни ки, Шаһ Әбос ијән Борис Годунов бә тарых егынијән довләтмәдарә подшо ғәзинә! Ијоән бывотым ки, Борис Годунов һежо бы геосијоси “һәнәкон” ғыбон ше, әвышон кыште! Жыго гыләј версијә һесте ки, Шаһ Әбос ыштәнән бәј ғыбон шә, зәһәшон ерутә бәј! Интаси есә аз ҹо мәсәлон һәхәдә гәп жәј фикәдәм.

            Мәлуме ки, Шаһ Әбос бә Османи султанәти ғалиб омеро, нәвејдәбе бо зумандә мыттәфиғон. Бә хачпәрәстон чәј чокә мыносибәтыш һестбе, некники бә парсон, јәне зәрдустијон ијән јәһудијон, әмма сыннијон тәғиб кардедәбе де шымши ијән отәши! Чәј дәбдәбәјнә сәрајәдә молағат кардедәбин Јoлә Моғоли ијән ҹо Шәрғи мәмләкәтон подшон де Русијә, Франсә, Ингилтәрә, Испанијә ијән Нидерланди сәфирон. Әј сәрутәшбе ыштә нәзәрон бә дијәроә Русијә чарәти. Русијә бә вахти сојббе бә Каспи дыјокәно кали мәмләкәтон. Ым зәминон мәрағинбин һәмән бо Ирони. Кали тарыхнывыштон һисоб кардедән ки, һичмәсә чар Федор Иванович ијән чәј иминә бојар Борис Годунови де еһтијоти рәддышон карде Шаһ Әбоси мыттәфиғәти һәхәдә тәклиф. Әмма Шаһ Әбоси бәвон, хысусән бә Борис Годунови нывыштә мәктубон хәбә дојдән ки, ым жәго быәни.   Чыми сыбут әве ки, мәһз Шаһ Әбоси әбәди бахшыше бә “сипијә чари” шәһр Боку, Дәрбәнд ијән Рәшт! Чәјоән, ыштә подшоәти вахти Шаһ Әбоси ежәше Гәнҹәдә Ҹымә мәчит ијән ермәни Хылоскори килсә (сәвети вахтәдә рыжнишоне ә килсә). Тифлиси гәте бәпештә, Шаһ Әбоси вәбәвә ежәше әјо мәчит ијән килсә. Бо һәмон мәбәдон огәтеро, шаһи ҹош карде хәјли пул, һәмән доше чәвон сәпе нывыште ым сыханон. Мәчити сәпе: “Хаһиш кардедәм чымы бәпештә бә шәһрәдә подшоәти кардә чә мысылмонә подшонку ки, әвон һывос быкән һамсијә килсә һәхонән”. Килсә сәпе: “Ијо подшоәти кардә хачпәрәстә подшонку әжо кардедәм ки, бәчымы хото һывос быкән чы һамсијә мәчити һәхон”.

            Мәлуме ки, есә Бокујәдә жыго һисоб кардедән ки, мәвотбән, шаһ Әбос, һәмән Сәфәвијон сулолә һәммәјәво тырк быә! Ымән мәлуме ки, әмә ыштән, һәмән дынјо тарых елм чок зынедә ки, ым жыго ни, ым мыкун быә ко ни! Чыми гыләјән сыбут ыме ки, чыл сор подшоәти кардә Шаһ Әбоси вахтәдә һәр чијыш карде ки, Ирони рост быкә. Чәј вахтәдә Ирони зәминон бино бедәбин ру Дәҹләдә, сә бедәбин ру Һындәдә! Охој әј бинош карде бәштә подшоәти де әј ки, тындә ҹангыш карде де тыркә кучәријә феодалон! Мәһз Шаһ Әбоси хыдмәте ки, бәвәдә тыркә елитә гиныш карде ыштә һәмә мовғејон Ирони довләти сәһнәдә!

            Ијо боән ижән огардәмон Хәрәбоғи сәпе. Чәмә әсосымон һесте тәсдығ быкәмон ки, мәһз де Ватикани мәслоһати бә вахти Шаһ Әбоси бәрпош карде Хәрәбоғәдә быә пенҹ гылә ермәни мәлыкәти! Чыми сәбәб, еһтимолән, әв әзни бе ки, бәвәдә ватикани зынәшбе Хәрәбоғ бәнә хачпәрәстә сивилизасијә Һајми ғафғәзәдә быә ән ғәдимә лонон гыләјни ғәзинә! Ыми тәсдығ кардә гыләјән мәсәлә бывотым бәшмә: Ымруж кам одәм зынедә ки, Шаһ Әбоси нијәтыш һестбе ки, бысохты Ирони тәркибәдә Ермәни довләти! Ымән мәвужи Ватикани тәклифбе. Чумчыко Ватикан ермәни хәлғи зынедә бәнә ән ғәдимә Библијә хәлғон гыләјни ғәзинә. Чумчыко ермәнијон веј хәлғонсә бәнав хачпәрәстәтишон ғәбул кардә довләти дини ғәзинә!

            Һа чымы азизә толышона! Есә зынәоне, бочи Ромә Папә “ныбахшыше” Хәрәбоғ бә Озорбојҹони?! Ә бесәводә озорбојҹоныжон һа быдә бовә быкән бә беҹоә гәпон! Есә мәлум бе ки, ә умујон һәммәј иллузијән!

            Ыштә сыхани охојәдә гыләј һәдис гәп быжәным бошмә: Ружи Деғи гыләј дијо гыләј мерд дештә зоә омедән бә выжор бә шәһр. Ым зоә ыштә умрәдә һич вахти виндәшнијебән зымыстони. Выжорәдә зымыстони һаредә, хош омедә бәј. Зоә вотедә бәштә пыә: “Дәдәле, әмә бочимоне нун? Пули һәммәј быдә, зымыстони быһыр, нун лозим ни бәмә!” Пыә вотедә бә зоә: “Чымы балә, ты нуни ғәјди быбә, зымыстони ове, ов!

            Есә, чымы азизгирамијон, гуш быдән бәштә һовә! Чымы бә Озорбојҹони ҹәмати мәслоһатым әве ки, мәмләкәти бы гонә ружәдә әвон ыштә нуни ғәјди быбән, быдә гуш ныдән бә Илһам Әлијеви бәјонотон ки, һичмәсә, Ромә Папә боме, Хәрәбоғи бәдо бәмә!  Чумчыко Әлијеви сыханон, бәнә бә зымыстони, чанә шинән быбон, овин, ов!

            Ја овәләку, ја зылзыләку, песохтә Озорбојҹони ружон һәни сә быән!  Нә Ромә Папә, нә јолә довләтон президентон, нә бејнәлхәлғ ширкәтон пулон, нәәнки пантыркистон ја исламистон жә зу пенибәрохне ым песохтә довләти! Чы мәмләкәти һәни охој-охоје, бовә быкән бәмы! Чәј Фатиһәшон һандә һәни!

            Сәломәт бымандән!

Быжијы чәмә хосә хәлғ!

 Быжијы сәбәсожә Толышстон!

            Быжијы Толышстони Миллијә телевизијә!

 

Толышпресс ТВ: ТМВ_10_10_2016: РОМӘ ПАПӘ ИЈӘН ХӘРӘБОҒ

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|