ЧЫМЫ JОДЭДЭ МАНДЭJОН -48

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 26 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

48

 

            Ижән парсәјн чымы нәзәри. Ижән вотыме ки, “быдә аз быныштым ыштә вырәдә, шымә ыштә кој быкән!” Рози ныбин. Вотем, “ај билон, охо аз жыго сәрәсәјм ки, шымә сохтә ым ҹонәвә сијоси тәшкилот быәнине!” Вотен, “жәгоје ки һесте!” Вотем, “лап чок, быбу! Интаси аз жыго дијә кардејдәм, ым Ханоғлән һич сәрәсејдәни ки, шымә чичи һәхәдә гәп жәјдәшон, чич бәбе ым тәшкилот, де ком коон мышғол бәбе? Шымә ым мерди сәроснән ки, чичон пијејдә карде! Охо һарчи бәдутешон есә, машки чыми сәдо бебәше!” Вотем, “зә, Ханоғлән, ты зынејдәш, чиче чымон пијәј?” Ханоғлән воте, “сыхани рости, әвон вотејдән, әмма аз һәлә ыштәнән зынејдәним ки, чиче чәвон пијәј!” Вотем, “һәлә әј бынәмон бә кәно. Шымә пијејдәоне ки, Адил Нәсирови “Толышон Москвә мәдәни-милли мухтаријәт”ән дәшу бы тожә тәшкилот. Аз жыго дијә кардејдәм, Адилән һичи сәрәсејдәни шымә вотәјонку! Охо Адили тәшкилоти Низомномәш һесте, ә тәшкилоти һәхыш ни ки, мышғол быбу де сијосәти! Есә быдә Адил бывоты бәмы, мәсәлән, маштә Әләкрәм гыләј сијоси бәјонот бәдо, ты имзо бәнош чәј жијәдә ја не?” Адил әште сәпо, воте, “ты рост вотејдәш, аз һәлән сәрәсејдәним ки, чиче чымон пијәј? Гирәм сијоси тәшкилот быбо, чымы ком ни әјо! Аз әзыним де сијосәти мышғол бе!” Охо Исмоили тәшкилотән дәшәнинбе бы Координасијә шурә. Аз де Адили ым сыханон гәп жәјәдә, Исмоили танкардыше ыштә куләҹә, беше ше. Шеәдә воте, “чымы һич ком ни ијо, бә Шурә дәше фикымән ни!

            Аләм гыније бәјәнды. Вотем, “аз вотымехо, быдә ашиш-ашиши быныштым ијо! Шымә рози ныбишон! Охо кој жыго нибәгәтен! Һәмән ым Шурә чы ханоғләни ко ни! Ым одәми нише һич гылә сијоси сәвод, сијосәтику хәбәшән ни! Әв әзыни јолјәти карде бы Шурә! Шымә һәғиғәтән Шурәон пијејдә сохте, бысохтән, әмма чәмә гыләј номдорә рушинфики бынән чәј јол, быдә әв ко быкә!

            Заһирәддин бә и гәв огарде вотыше бәмы ки, “ты провокаториш!

            Чич вотәнинбим бәј? Вотем, “аз еһанә провокаторимбу, бәвәдә ты һәш!” Тикәј гәвәтасыбымон карде, ижән ебардыме ыштә ғыјз, вотем, нәһләт бә сыпә шәјтони! Окыријәјм ныштим гыләј кәноәдә.

            Әвон сохтышоне Шурә, Ханоғләнышонән де зуегәти розишон карде ки, әв быбу чәј јол!  Сәнәдонышон ној бә мијон, имзошон карде.

            Бәс чич бе чы кој охој? Әләкрәм беше ше, әнәһој дәныварде, хәбә омәј ки, Ханоғләнышон выжнијә че Һејдәр Әлијеви шәхсән сохтә Умумрусијә Озорбојҹони Конгреси Химки шәһр пәрдиси јол! Есә быдә һандәкәсон бывотын: “Провокатор” кије?

            Әмма һәлә демијән сә ныбе Әләкрәми “Москвә сәргозәштон”! Һаруж гырдә бејдәбимон бә иврә, шин-шини гәп жәјдәбимон. Әмма бә шәв, пешы зынәме, әвон гырдә бејдәнбән иҹо, ыштә гәпон жәјдәнбән! Һа быжәноне, бәмы чы тати-сардыш һесте чәвон жә гәпи? Интаси һежо һәмон ружон гыләјнијәдә умутыме ки, Әләкрәми оме гыләј мәғсәдышән һестебән! Тыны Хыдо, мәвотән, бовә кардејдәм бә шајион, арә сыханон, жәго ни! Ым сыхани бәмы вотәкәси номи нывыштејдәним ијо, әмма гирәм воҹиб быбо, әвән чәтинә ко ни бомы, бәзнем воте! Әләкрәм, һичмәсә, бә һарки вотејдәјбән ки, “Фәхрәддини дыло лидер бе дәвардејдә, әве омәм ки, ... !

            Хыдо бәрһәхе чәмә сәјсә, чанә ијо бе, ыштәным бә вырә ныној, һич бирузымән ныдој ки, хәбәм һесте чәј “мәғсәдику”! Интаси, быдә һандәкәсон бывотын, ым мердәтије ја мамженәти? Мерди зоә бәчымы дим сырејдә, ҹон вотејдә бәмы, чымы кут гарденҹән, вотејдә ки, “омәм ки, ... !

            Һежо вотәме, ижән вотејдәм: Быдә һички жыго нызны ки, ҹо гыләј шәхс беабру, рысво бәзне карде әј! Һарки ыштән рысво кардејдә ыштәни! Ым мемуарон һандәкәсон кали гылонән вотеәдә ки, һичмәсә, аз “рысво, беабру кардејдәм гыләј ҹо толыши”, јодо бекардејдән ки, чымы мәғсәд һички рысво кардеј ни! Чымы мәғсәд һәғиғәти, һәммән битов не, ғысмән нывыштеје!   Гирәм гыләј толыш ымони боштә рысвојәти, беабрујәти һисоб кардејдәбу, бызны ки, әј ыштән-ыштәныш кејнәсә рысво кардә! Бочи бәпе хонәхо жәго гыләј номердәти ја ғәләти быкә ки, вахт, вәдә дамеәдә, жыго рысво быбу? Әләкрәмән жәго! Бәдбәхти һич шәкән шејдәныбе ки, әв чымы ...  бәвәдә, һич ныхтышән нәрәси ки, чымы ... , чумчыко аз һич вахти, һич вырәдә, һички тоно рысвом кардәни ыштән! Де ә сыханијән әј ыштән-ыштә ...  бәвәдә!

            Охонә кәрә скајпәдә гәпым жә деәј, тәғрибән ды сор ним чыми бәнав. Каһини вотыше ки, “Бојли сыханыш һесте, мәслоһатыш пијејдә быкә деты, тыны Хыдо, һовсәлә быкә, нам-нами гәп быжән деәј, буни чич вотејдә?” Вотем, чок! Зангыш карде. Сәломәлејк-әлејкумсәлом, вотем, бывот. Воте, “әмә бә ғәрор омәмон ки, Мыһоҹирә һукмәт бысохтәмон, пијејдәме, умутым ышты нәзәри, чич вотејдәш?” Ғәссәм быбу бә Хыдо ки, ҹо и кәси вотәшбәј ым сыхан бәмы, әтыпим, гылә ғәзән әбим, пеш әбим бә хонәхо сә! Чумчыко чы Мыһоҹирә һукмәти һестыше ыштә нәзәријә, ыштә дынјо тәҹрубә! Ыми һар одәм, һәмән ыштә кефи пијә вахтәдә әзыни сохте! Ды сор чыми бәнав де ә тәклифи бәмы овардә одәми аз һәғиғәтән дышмен һисоб әкәјм бәштә хәлғи! Әмма, чич быкәм, сыханым  доәбе бә Каһини, ыштә ғыјзым ебарде, нам-нами вотем, “һа, лап чок! Чич еышты фикир, чичы пијејдә быкә, бочи бәты лозиме ым һукмәт, ком шәхсон бәбен чә һукмәти тәркибәдә?” Дештә фәфом зынәј ки, камиши әсәбыш карде, әмма әјән, мәвужи, ебардыше ыштә ғыјз, нам-нами вотыше: “Нәзәрәдәмон гәтә ки, дастәј мыһоҹир бәбе бә һукмәтәдә, чәјоән һар толышә рәјоноән и кәс дәбәше бә һукмәт. Мәсәлән, Нәриман Толыш Ликәдә, Аллаһверди Бајрами Масалонәдә ијән ҹо кәсон дәбәшен бы һукмәт!” Ижән нам-нами парсәјм: “Бојлима, охо ым һукмәт жыго гыләј чије ки, әв бәпе гыләј ҹонинә орган быбу, иҹо гырдә быбу, гыләј офисәдә бынышты, ко быкә шәв-руж! Есә ә Аллаһверди миәллим ныштә Мәдоәдә, навко миәллимбе, есә һич миәллимән ни, пенсијонере, ты есә чәј номы ној фылон назир, чич дәгиш бәбе?” Һа, ијо һәни огәтеш нызнәј ыштән, дәманде бо бығә жәј: “Ты һежо жыго кардејдәш, тормоз жәјдәш бә һар чиј, имкон дојдәниш әмә гыләј ко быкәмон! Ым мәхлоғ умутәнине ко карде, һукмәтәти карде, бәс әмә чокнә быкәмон?” Аз һәлән нам-нами вотыме: “Чымы етирозым није бәшты бы вотәјон! Интаси бәмы рәсејдәни ки, чич бәдо бәмә, бәчәм әхәлғи ышты ым Мыһоҹирә һукмәт? Охо реал ко нибәбе, чымы зынәјку! Әнҹәх ном бәбе ки, чәмә һукмәтымон һесте!” Бы вырәдә һәнијән зуш дој бәштә хыртә, дәманде бо нырә кәшеј, мы һәмушым карде скајп!..

Идомәш һесте 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|