ЧЫМЫ JОДЭДЭ МАНДЭJОН -46

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 22 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

46

 

                Әмма ижән ком ни де жәләвонон, ыштән бәзнен, ыштәнән ҹәвоб бәдон Хыдо навәдә! Ыштә һәхәдә әј бәзнем воте ки, кејнә, конҹо, ком шәхси һәхәдә чичоным нывыштә ја вотәмебу, быдә һар гылә толыш чок-чоки гушовә быкә ыштә гушонәдә, һәмон сыханоным вахтәдә вотә бә һәмон шәхси дим! Манде бә “ғәрәзи”, ымијән быдә дәрәсын ә одәмон: Чымы ғәрәзә ком ни, һич гылә толыши мәһв кардеј ја чәшо еғандеј фикым ни! Аз ым мемуарон бә сәбәб нывыштејдәним ки, ғәсды-ғәрәзым һесте декисә! Ымымән нывыштә ки, гирәм ыштә зынәјон, бәчымы сә омәјон веј не, 20-30 фаизи бынывыштом, сығ нибәманде сығисә! Чумчыко чәмә ым шә ро иглә чәмә ғәләбон ијән овандон ро ни! Бы роәдә әмә анә номердәтијон, хәјонәтонымон виндә ки, де ашмарде сә әбыни!   Әве аз чәвон кали гылон нывыштејдәм ки, быдә дәрс быбу бо кали одәмон, бәлкәм әвон даст быкәшын ыштә бәдә әмәлонку! Даст бәкәшен, бочәвон ыштәни чок бәбе, даст нибәкәшен, бәштә ыштәни бевәҹи бәкан, чымы нә чәвон ыштәнику, нәән чәвони номердәтијонку тарсым ни, ыми бызнән!  Ыштәни фамә мерд Хыдоку бәтарсе, бәндәку не! Аз чич быкәм ки, кали толышон бәштә мерд воте-воте, мердә әмәлон кардејдәнин, мердәти кардејдәнин, һич мердән нин! Чымы гыно бымәдәј ки, аз вотејдәм ымони һәммәј, ымән хош омејдәни бә веј одәми! Жәләвонон пијејдәшоне ки, чок быбун һар кәси тоно, бә һички хото ныгынон ки, ә одәмон һежо гырдә быбун бәчәј сә!   Һежо вотәме ки, хәлғи коәдә жыго хосјәт һежо бәј бәварде бебәкарде ки, вахтәдә мәјдонәдә ҹојли бәмандешон, чуне даст бывғандошон, бә тәј бебәше! Быдә кам одәм быбу шымә гырдо-кәно, әмма пештыпур быбән ки, вахтәдә әвон нибәһватен шымәни һәмән хәлғи! Аз чич быкәм ки, дәвардәјон дәрс бејдәнин бо кали одәмон! Ыштән бәзнен!

                Гыләјән мәсәлә бывотым. Деми аз пијејдәмни бывотым ки, һичмәсә аз Суфи Сәјдәлим, һичкијән бәгәм кардејдәним! Не! Азән ҹонинә инсоним, чымынән ыштә нырәсәјон, јавә хосјәтон, вәрдышон һестин! Аз ымони һар кәсисә чок зынејдәм! Интаси ижән вотејдәм: Хәлғи һәрәкоти де ҹо рој бә нав әбыни барде! Ијо сахт беј лозиме! Бәштә ыштәнијән, бәштә һәмронән! Чымы хосјәт гоне! Әмма лап сыфтәку детобә ымружнә ружи де ә толышон ки ком кардә, ә “мазги мәркәз” ки сохтәмоне, детобә ымружнә ружи һички витәни чәјо, һички шодоәшни мы, чокнә и быәмон, һежоән, номхыдо, имон! Әве быдә нывотын ки, һичмәсә аз де һички бә ро шејдәним, сулук кардејдәним! Аз де ә одәмон бә ро шејдәним, сулук кардејдәним ки, бәштә мерд вотә һич кәс ше әзыни де жәләвони бә ро, сулук әкәни деәј, һич даст әдәни бәј!

                Гыләјән мәсәлә. Бы незони рајраст гыләј вырәдәбим. Бы вахти Меһдибәги зангыш карде  WhatsAppәдә бә гыләј хонәхо. Чәј телефон мизисәпе, чыбызны, чич бәвоте Меһди? Дамә бенҹән кали тәһғиромиз сыханоныш воте чымы һәхәдә. Чә сыханон ҹәвоби бәпарсем чәјку, Хыдованди, димбәдим омеәдә. Әве әвони нывыштејдәним ијо. Пешы воте ки, “ым чиче нывыштејдә, чич һесте нывыштејдә беабру кардедә әмәни һәммәј. Бочи әв егынијә Һилали сәпе? Һилали мыстәсно хыдмәтоныш һесте Толыши һәрәкотәдә...”. Бы вахти бәшон кујәј, аз шим бо бәј окарде, һәни нызнәме чичоныш воте. Ҹо одәм омәј чәмә тоно.

                Мыстәсно хыдмәтон” һәхәдә. Сыфтә-сыфтә ыми бывотым ки, ХӘЛҒИ КО мандејдә бә ХЫДО КОЈ!Хыдо ко” вотеәдә, нәзәрәдә гәтејдәм ки, иминәни, әј ки, ым коон дыјнәнән мығәддәсин, бымон һәром умжән әбыни кардеј; дыминәни, мәсәлән, кәси мыддәти нымож бәвоте, ибодәт бәкарде, пешы шәјтони вәсвәсә дәбәше бәчәј дыл, шобәдо ымони һәммәј, дәбәманде, әстәғфуруллаһ, бә Хыдо әкс шеј, Бәј беһурмәтәти кардеј ијән ҹо чијон, и кәсән кәноо дамә беәдә ки, ым чокә әмәл ни, ҹо и кәс чә тоно бәвоте ки, һичмәсә “чәј Хыдо вәдә хыдмәтоныш һесте!” Бәштә мысылмон вотәкәсон быдә ҹәвоб быдән бы парси, жәго бәбе ја не? Чымы зынәј ыме ки, әбыни!

                Хәлғи коәдән жыгоје. Веј мымкуне ки, гыләј толыши ком вахтәсә жычијыш кардә ыштә хәлғи роәдә. Әмма ым әсос дојдәни ки, пешы әв думојәнды хәјонәт быкә бәштә хәлғи, һаҹо бәһваты ыштә хәлғи, бәнә бәмы гыләј толышән чәј ым хәјонәтон, номердәтијон озывон вардеәдә, Меһдибәги ғәзинә и кәс кәноо бывоты ки, һичмәсә, “бәј сыхан әбыни вотеј, чумчыко чәј хыдмәтоныш һесте!

                Бы вырәдә Имам Хомејни (ә) гыләј сыхан бәчымы јод омәј. Ә рәһмәтуллаһ ыштә вәсјәтномәдә нывыштејдә ки, “вахт быә, азән тариф кардәме кали одәмон. Әмма пешы мәлум быә ки, әвон лојиғ быәнин бә тарифи! Әве, бә одәмон ғыјмәт дојәдә, чәвон ымружнә, есәтнә, һалијәдә быә әмәлон дастәвуз быкән!

                Жыго дәрәсејдәм ки, чә Мердисә чок вотәкәс әбыни ым фикри! Әве, ижән вотејдәм ки, һәтто и кәси кејнәсә хыдмәтонышән быәбу, ым әсос ни ки, әмә чәш ви быкәмон бәчәј ымружнә номердәтијон!

                Һесте жыгоән гыләј мәсәлә. Кали толышон ки һестин, вахтәдә ҹурбәҹурә коонышон гәтә, сәһвонышон кардә, одәм һесте, һәлә сори бәнав “сәбәсожә Толышстони” номә нәби гәтеј чәј тоно!   Әмма есә һәмон одәмон сәрәсән ыштә сәһви, огардән бә һәхи ро, шәв-руж бә ҹангин толыши роәдә! Һәлбәттә, әмә иҹо ко кардејдәмон де дәго мердон, дастәк дојдәмон бәвон, әһсән вотејдәмон!   Охо сәһв һарки бәзне карде, әмма әсос әве ки, вахтәдә дәрәсы ыштә сәһви, бо бә һәхи ро! Быми бәвотен хыдмәт!  

                Есән камиши гәп быжәным Һилали ијән Әләкрәми һәхәдә! Аз ыми бәнә ружәрушнә зынејдәм ки, Толыши һәрәкоти тарыхәдә Һилали нәинки “мыстәсно”, һич ади гыләј хыдмәтышән быәни! Кали һырд-мырдә кооныш кардә, әмма “хыдмәт” әбыни вотеј бәвон. Әксинә, Һилали һар мәрһәләдә һәрәкәтыш кардә ки, мәһв быкә ым һәрәкоти! Имон азизе, әзыним воте, чокнә әв Толыши партијә јол быәбе бә вахти, әмма ыми чок зынејдәм ки, иминәни, чанә сәводинә, ғырјәтмандә, бәфомандә толышә рушинфикон быән ки, һежо пијәшоне ыштә хыдмәти быкән бәштә хәлғи, әмма Һилали жыгош кардә ки, әвон һәммәј ыштә сәшон пегәтә, шән чы һәрәкото!   Дыминәни, 1993-нә сори Толыши республикә мәһв бејәдә Һилали мыстәсно хыдмәтыш быә! Чәмә лап гонә ружонәдә Әләкрәм һежо вотејдәбе бәј ки, “Һилал, бәс вотејдәбиш, 5 һәзо узвыш һесте ышты партијә, кывин бәс әвон, бон есә бешун бә мәјдон, гыләј митинг быкәнәни!” Һилали һар сәфә мыз-мызыш карде. Вәһалынки, бәвәдә бәмә лозимбе ки, мәјдони бә даст пегәтәмон! Гирәм жәгомон кардәбәј, Һејдәр һич ғәләт нәзни карде! Чәј ныхт нәрәси ки, һыҹум быкә бәмә, чумчыко ләшғәрыш ныбе, ләшғәр чәмәкубе!

                Чәјо, чандә сороне Һилали зынејдәм, һежо виндәме ки, чәј “толыш-толыш” воте әнҹәх димәдәј, батинәдә әв һежо ғул быә бо тырки, дылыш шә ки, кејнә гыләј тырк сәлом бәдо бәј! Пијо нывыштәмбе ки, бә вахти шим виндемоным карде деәј Колпиноәдә. Ды кәрә виндәмбе әв, һежо вотејдәбе ки, “чымы һәни де толыши кој мышғол бе дәварде, чумчыко де тыркон ко кардејдәм ијо, чок нибәбе!” Һәлә ыштәни нојдәм бә кәно, бә вахти и кәрә Мурвәтән шәбе чәј тоно ки, “бој ко быкәмон!” бәјән жәго вотәшбе! Әве бомы веј чочинбе ки, Һилал бә вахти рози бе ки, әмә иҹо ко быкәмон, ружномә вадәмон. Сыхани рости, тәғрибән сәрәсејдәбим ым кој, әмма сәбр кардејдәбим ки, бунәмон чич бејдә чыми охој? Жәгоән бе, ружи Һилали ыштән, нызнәме, зыне-зыне ја әнәзынәтику, вотыше чәј бы ко оме сәбәб! Интаси, һандәкәсон быбахшын мыни, ар зынејдәм боштә ә сыхани бо ијо нывыште, пијејдәмни веј бә нығыли бышум, чумчыко ым чыркинә које, быдә жәгоән быманды!

                Интаси, ләзи лап жыго һисоб быкомонән ки, һәғиғәтән Һилали хыдмәтоныш быә, ым әсос дојдәни ки, бә софи бекәмон есә әј! Чумчыко охонә соронәдә Һилали кардә коон һәммәј иглә номышон һесте: ХӘЈОНӘТ!

                Һилалышон гәте, әстәғфуруллаһ, сәкујә дојдәним, Јутубәдә виндыме Әлиф миәллими, Баһари чәшәарсон, товым ныварде, азән рост бим бочәј һәвари кәше! Әлиф миәллим чокә сипирише, Баһаријән, Хыдош комәг быбу, чымы навәдә нуныш ноә, чајыш ноә, аз ләғы жәј нибәзнем, һич вахтијән ләғым жәни бә жәго чијон! Ым гыләј меҹузәје, валлаһ, чәј коән лап бәнә рәһмәтмандә Нәвузәли кој бе! Һилали ... гыләј ғәјныш һесте. Бәј вотыме ки, “зә, чымы имконым һесте ки, Брусселәдә, Вашингтонәдә ијән Авропә ҹо шәһәронәдә пикетон быдәм тәшкил карде, ҹо сијаси аксијон дәвоне!” Ше, зынејдәним, декиш мәслоһат карде, омәј воте ки, “һәлә мәслоһат зынејдәнин!” Вотем, чок! Әмма шим чәј һәмә тәдбиронәдә бим.

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (1 добавлено)

  • Опубликовано Rabil, 10 Октябрь, 2016 03:18:14
    Fəxrədin muəllimi ın nıvıştəyon jinton az imzo nodəm...Rostə qəpe..Mehdi muəllim bə nohəx norohəte...Bəpe millət bəzi çiyon bızni...Ovoni niyo karde xəyonəte...Çəvədə az çand sor bə Fəxrəddini təziqım nuşu doə ki ın qəpon nıjəni...Quya əmə ÇOKƏ ZOƏmon..Peşo çəy əzobomon kəşe...In qəpon bə milləti nıvote ıştən XƏYONƏTe...Hilalən çiç zındə Fəxrəddini həxdə bınıvıştı...Çəy və ki qətə? Həyo kardə? Çayxanəondə dumə Fəxrəddini qəp je zındəbe, oyo nıvışte zındə ni? Əmə de Mehhdi muəllimi bə Fəxrəddini ideyon əks muəyyən koonomon qəte..Votomone Fəxrəddin bımandi bə kəno...Əv mande..Oxo çiç be? Bə çəmə dasışon doe? Fəxrəddin çiç kardə əcəb kardə..Əy mudafiə nıkomonən əleyh beşe həxımon ni...Mande Fəxrəddini Ataxani həxədə nıvıştəyon.. Əyo əv Ataxani təhqir kardə...Əv rost ni...Ataxan oxo ısə hərəkatda co bıə, co cəbhədəe..Əv tolışi nomə qətdə ni oxo...Çəy həxədə musbət və mənfi qəp jeən mənaş ni...

Главные новости

|