ЧЫМЫ JОДЭДЭ МАНДЭJОН -43

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 41 голосов)
Изменить размер шрифта Decrease font Enlarge font
image

 
 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

43


            Һич ныбо һа ружбәмијон шәһрәдә быәнинбим, чумчыко Әли Насир чәш кардејдәбе мыни. И руж әј нывиндеәдә, әвиндим, јаһуш рост кардә, “конҹош, мардејдәм беты!” Чә кинотеәтр “Ғәләбә” тоно быә чајхонәдә чан тон чајымон пешомә деәј, Хыдо бәзне!

            Жәго ружон гылјәдә таныш бим де Бејтулла Шахсојжи! Рости бывотом, тосә бә вахти чәј һәхәдә анә јавә гәпонышон жәбе бомы ки, һәвәсым ныбе бо әј виндејән! Әмма иминә ружику ки таныш бимон, бәнем, зә, ым гыләј јолә толыше, веј сәводинә ијән бәфомандә толыше! Чә ружику рә-рә виндемон әкәјм деәј, бәмы ләзәт әдәјн чәј жә гәпон! Бәштә гиј гәтејдәм ки, веј чијоным умуте Бејтулла миәллимику! Бә Хыдо һежо бә ловәм ки, хәш быкә чәј ҹони, дыроз быкә чәј умри!

            Ән чокә ко әвбе ки, дештә хәлғи иврәдәбим! Де Әли Насири ијән ҹо толышә мердон иҹо шејдәбимон бә хәј-шәр, бә ҹо тәдбирон, тәблиғот бардејдәбимон хәлғи дыләдә! Мымкун быә ко ни чәмә кардәјон де чәши винде, де “кәвыжи памје”! Әмма аз чок виндејдәбим ки, чокнә интибоһ кардејдә чәмә хәлғ! Әве јолә сәғби вотејдәм һежо бә бы коәдә хыдмәтыш быә одәмон һәммәј!

            Пијо нывыштәмбе ки, аз бә Боку омеәдә, бә Милли Мәҹлис сәчынон кампанијә шејдәбе. Ыштә һәхәдә нывыштәмбе. Есән Атахани һәхәдә бынывыштым.

           Университетәдә һандеәдә дәрсым доәбе бәј. Чә вахтику һежо нез быәбимон дејәнды. 1993-нә сорикујән лап нез бимон. Хыјзонумжән ше-омә кардејдәбимон бәјәнды кәон. Ланконәдә беәдә бәчәвон дијән шәбимон. Чәј моә – Хыдо рәһмәт быкә! – ликыжә кинәбе. Кинә воте тикәј рост бешејдәни, чумчыко әв әсыл мердбе! Толыши ғырјәтмандә мојнәбе! Әвоти ки, “мерд ни бы Кубынәдә! Бы незони бәнем ышты гәпи жәјдән, гәвомәј вотејдән ышты думо, дәргәзым пегәте, сәһытим чәвон һәммәј, иглә мерди ныхтыш ныбе ки, гыләј сыхан бывоты бәмы!

            Есә веј вахти һәфтоғи бардејдәм ки, жәго гыләј жени ләвәо бәнә Атахани гыләј ном...  бә дынјо омә!

            Ыштә номәжәш доәбе бә Милли Мәҹлис. Ныштимон, но-пегәтымон карде. Бәј вотем, “һар ҹурә комәг бәкамон бәты!” Әмма һежо иминә ружику бәнем, жијәдә-жијәдә ҹо коон кардејдә.  Мәсәлән, гыләј ружномәш һозы кардәбе, һич нывотыше бәмы ки, го чики һијәдәј! Аз ыштәни вәғын нојдәныбим. Пешы мәлум бе ки, Шејхи быјә Ҹаванширијән ыштә номижәтиш доә чәј мәнтәғәо. Вотыме бәј ки, “мадәм ки Ҹаваншири ном һесте ијо, әмә бәпе бызнәмон ки, әвышон мәхсуси вығандә бә мәнтәғә, чәвон мәғсәд мәлуме! Чумчыко чымы зынәјку, Ҹаваншир номижә быәнинбе Мингәчевиро. Ым ко ки кардәшбу, бызын, чәј ко де Шејхије! Әве, боә әмә жыго быкәмон: бәмә мәлуме ки, ты дәнибәвардеш, депутат Ҹаваншир бәбе! Ышты којы ныбу де Ҹаваншири, чумчыко бәј чич бывотош, бызын, бә Шејхи бәвотеш! Бәзне бе ки, чы кој ссенари нывыштәкәсонән пијәј һежо ыме! Ружон гыләјәдә аз молағат бәкам де Шејхи, мәсәлә изоһ бәкам боәј. Бәвотем ки, Атахан бәјонот бәдо, бә пешо пебәгәте ыштә номижәти, тынән комәг быкәјш ки, Атахан огарды бә Университет бәштә навконә ко!” Рози бе демы. Әмма маштәнә ружи ше бә Ланкон, һежо әјоән кардыше ыштә иминә ном.....и! Нотариусәдә сәнәдон тәсдығ кардеәдә, иминә госыворәтиш кардәбе бә Ҹаваншири вәјнә! Бәмы хәбә омәј рәсәј, әмма ижән вәғыным ныној ыштә, вотем, бунәмон чуне шејдә ым го! Һәмонә ружику һәни нывиндыме әв. Зангым карде бәј ки, Бокујәдә беәдә, бој чымы тоно, сыхан һесте. Әмма номәј.

            Чәј бәпештә чәј кардә коон һәммәј мәлумин бәчәмә мијонәдә быә толышон. Әве һарчи сәнибәтон нывыштејдәним ијо. Иглә ыми бынывыштым ки, чә ружикујән Атахани бә “мизоныш пегәте” Шејх, һәни кош ныбе де Ҹаваншири, һежо нывыштејдәбе, ҹурбәҹурә гәпон жәјдәбе Шејхи һәхәдә! Ҹурбәҹурә ном-ләкон нојдәбе бәј, соф-ошко тәһғир кардејдәбе әј! Чымыкујән тон жәјдәбе...

            Бә сәчыни кампанијә охој кам мандә, ружи зангыш карде бәмы. Воте, “чичи чәш кардејдәш, гыләј Овардномә бынывышт бә хәлғи, быдә сәдо быдән бәмы!” Вотем, “дијә бәкам!” Әмма бәчи дијә кардәнинбим? Ым хонәхо ыштән тосә хыртә ешәбе бә зымрых, есәј пијејдәшбе ки, мынијән быбә ыштә думо, азән һәм ыштәни беабру быкәм, һәмән толышон рысво быкәм!

            Һәнијән ҹо м.......  кооныш бе бә вахти, бәштә ајб зынејдәм чәвон һәхәдә нывыште. Мылхәс, Атахан дәныварде, Ҹаваншир депутат бе!

            Се сор ки Бокујәдә бим, ҹәми и кәрә молағатым бе де Шејхи. Атахани танәш жәј бәмы. Воте, “бәлкәм бәвотеш, Атахан ышты әғыл ни? Ышты әғылехо! Бочи бәвәдә жәго тәһғирыш карде мы, әмма ышты сәдо беныше? Быми чы ғыјмәт быдәм аз? Охо аз пијејдәмныбе ки, Ҹаваншир Ланконо депутат быбу! Аз әј вығандејдәбим бә Мингәчевир! Әмма чич быкәм ки, Илһами ғәбуләдә әнәхәбәдә Рамиз Меһдијеви вотыше ки, “Ҹаваншир Ланконо депутат бышо, чок бәбе!” Илһамән рози бе. Аз чич бәвотим бә президенти? Вотәнинбим ки, ым чы Рамизи тәләје бомы? Әј тәләш рыште бомы, шымәнән дастәкон дој бәј!

            Чымы сыханым ныбе бывотым бә Шејхи! Хыдо сијо быкә бевәҹә одәми дими!

            Атахан огарде омәј бә Боку. Муртуз Әләсғәрови кош дој бәј ыштә фирмәдә. Чәј бәпештә надир һолонәдә әвиндимон ијәнды.

Идомәш һесте


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|