ЧЫМЫ JОДЭДЭ МАНДЭJОН -39

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 26 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

39

 

            Де һукмәти одәмон жә гәпон һәммәј нывыштеј имкони хариҹәдәј. Әве кали мәсәлон нывыштејдәм ијо.

            Иминә мәсәлә. Парсәјм чәвонку:

            -Бәшмә чич лозиме чымыку?

            -Әмә пијејдәмоне ки, шымә дуст быбән де һукмәти, конкрет де И. Әлијеви!

            -Дустәти кардеј жыго гыләј које ки, кәси ыштә дасти дыроз кардеәдә, ә одәмон бәпе жычиј бынә ыштә дасти дыләдә. Чымыку дустәтијон пијејдә, бәс шымә тәклиф чиче?

            -Пијејдә, быши ко быкә ижән университетәдә – ыштә навконә коәдә.

            Сырәјм, чәјо вотыме:
            -150 мәнот мааш дојдәшон бә университети миәллими! Пијејдәоне ки, бә 150 мәнот быбум шымә “кәбининә жен”, чәјоән кејнә быпијоне, бывотым шымә пијәј? Бәмы лозим ни жәго ко!

            -Чок, пијејдәныбо, мәши! Бәвәдә ком ҹо вәзифә пијејдәбо, бывот бәмә!

            -Шымә чок зынејдәшон ки, аз вәзифәпәрәст, мәнсәбпәрәстә одәм ним! Вәзифә лозим ни бәмы! Һәмән ыштән чок зынејдәшон ки, аз рышвә сәкәс ним. Әве, чымы чы ком һесте вәзифәдә? Ымијән бә нәзәр быстәнән ки, вәзифәдә ко кардәкәс бәпе һежо бывоты шымә вотәјон, тариф быкә һукмәти ијән чәј сијосәти. Әмма аз озод гыләј инсоним, пемужијәм ки, сәрбәст бывотым ыштә нәзәрон. Әве, бышомән бә вәзифә, веј дыроз дәнибәкәше ым ко! Жычиј бәвотем, әлбәһол бебәкашон мыни коо!

            -Бәс де ком кој мышғол беј фикәдәшон? Охој бәпе де гыләј кој мышғол быбән ки, нунәпул ғәзәнҹ быкән боштә!

            -Чымы рәһмәтуллаһә пыә устобе, әј вахтәдә умутәше бәмә һәммәј устоәти. Әве, аз вәши нибәмандем, ко пәјдо бәкам боштә!

            -Вотеон пијејдә ки, фәһләти бәкашон?

            -Лозим быбо, фәһләти бәкам, һәлбәттә! Фәһләти кардеј ајбе ки? Әмма чыми мығобиләдә озод бәбем, сәрбәст бәбем!

            -Һәни де ком коон мышғол беј фикәдәшон?

            -Һа, ымән нијони ни! Дыглә ружномә вабәдом иншаллаһ: Гыләјни толыши зывонәдә “Шәвнышт”, гыләјән тырки зывонәдә “Мәмләкәт+”.

            -Лап чок! Интаси бо ружномә вадој пул лозиме, әј ки бәдо бәшмә?

            Ижән бығәсырәјым карде, вотыме:
            -Хыдо вотејдә, ыштыку һәрәкәт, чымыку бәрәкәт! Бино бәкам, иншаллаһ, Хыдо бәросне пули!

            -Чок, ыми сәрәсәјмон! Бәс шымә ды  һукмәти дустәти чокнә быбу? Чичин шымә шәртон?

            -Чымы шәртон һәммәј бандин бәчәмә хәлғи!

Һежо әјо нывыштыме бә коғәз 10 гыләј шәрт:

            1) Ланкони телевизијәдә Толышә канал окардеј;

            2) Озорбојҹони Елмон Академијә Ланкони филиали окардеј. Бәмә гәрәк нин чә Академијә һәмә пәрдисон. Һич ныбо ым пәрдисон быбон, вәс бәка: Тарых; Археологијә; Ҹоғрафијә; Зывоншыносәти  и.ҹ.

            3) Ланкони университетәдә “Толышә зывон” кафедрә окардеј. Шымә окошон ым кафедрә, аз сыхан дојдәм ки, шобәдом сијосәти, бә кафедрәдә мышғол бәбем де Толышә зывони тәдғығ кардеј.

            4) Ланконәдә ијән кали ҹо толышә рәјононәдә быә педагожи техникумонәдә Толышә зывони миәллимон һозы кардеј;

            5) Бә Республикә Толыши Мәдәнијәти Мәркәзи Бокујәдә офис дој, һәмән будҹәо боәј пул ҹо кардеј;

            6) Бокујәдә толышә ружномә дәрҹ кардеј. “Шымә будҹәо пул вадән бо ружномә. Аз бәбем чәј сәр редактор, быпијоне, ружномәдә иглә Һејдәри ијән Илһами тариф бәкамон, әмма толышә зывонәдә!

            Сыхани рости, есә чымы јодәдә нин мандә шәртон. Әмма, жыго сәрәсејдәм ки, мәсәлә демијән мәлуме. Ыштә имзом ној жијо, доме бәвон.

            Вотен, “әмә бәроснемон бә лозим быә вырә ым шәртон, бәвотемон бәшмә чәвон ҹәвоби. Әмма боән жыго гыләј сыфтә быкәмон: -Шымә бешән бә телевизијә, овардән бәштә хәлғи, тариф быкән һукмәти ијән Әлијеви, быдә “пијо” ғәбул быкән шымә шәртон!

            Ижән сырәјм. Вотыме бәвон ки:
            -
Кәчәл бә ов әшыни! Шымә пијејдәоне ки, аз бешум бә екран, рысво быкәм ыштәни ыштә хәлғи тоно, чәјоән бывотән бәмы “бәты чокә ро”? Кој жыго гәтејдәнин! Шымә бә вырә быроснән һич ныбо чымы иглә шәрти, бәвәдә аз рози бәбем бешум бә екран. Шымәнән гырдә быкән һәмә журналистон, быдә әвон быдән бәмы ыштә парсон, аз бәзнем чы ҹәвоб бәдом бәвон! Шымә чок зынејдәшон ки, аз бәзнем чәвон ҹәвоби дој.

            Һәкәм мандин, хәјли мыз-мызышон карде ки, аз рози быбум. Бәвәдә вотыме бәвон ыштә шәрт:
           
-Мадәм ки, бәшмә веј лозиме чымы бә телевизијә беше, аз розим! Әмма де иглә шәрти: Ҹонинә бәрномә быбу, быдә журналистон быдән ыштә парсон, азән ҹәвоб быдәм!

            Хәјли сырәјн! Вотен, “шымә пијәј ыме ки, әмә ыштән дештә дасти ҹонинә ефир быдәмон бәшмә, шымәнән ыштә пијәј бывотән бәмә? Әмә бәпе бызнәмон ки, шымә чич бәвотешон!

            Вотем, “шымә пијәј рәсә сере, әвән ки манде воа жијәдә! Чәмә ә хомә вахтон дәвардән һәни! Әмә чок бәләдимон бәшмә! Әве чәш мәкән ки, и кәрән ебәгынемон бәшмә тәлә! Дустәти жыго бејдәни! Дуст бејон пијејдә, боән быбәмон, не, гирәм кәләкон һестебо, боштә огәтән әвони! Аз кәләкбоз ја чәмхор ним, әмма камиши сәм бешејдә чәвонку!

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|