КИ ВЫЛО КАРДЕДЭ ОЗОРБОJЧОНИ ?! - Толышпресс ТВ

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image
 

КИ ВЫЛО КАРДЕДӘ ОЗОРБОЈҸОНИ

ТМВ_30_09_2016_

 

            Чымы азизә быјон ијән һовон!

            Әмә чандә вахте вотедәмон бәшмә ки, Һајми Ғафғази хәритәдә бәнә һәромзодә бә мәјдон бешә песохтә Озорбојҹони довләт  рә-ди выло бәбе. Интаси бә нәзәр быстәнән ки, Озорбојҹон сәнибәтон формат бәбе. Јәне дәгиш бәбе чы довләти формә. Нәтиҹәдә һар чи обәгарде бәштә навконә һол. Бы довләти тәркибәдә быә зәминонәдә бә мијон бебәшен тожә мәмләкәтон. Тарыхи әдоләт жыгоје, һәмән региони етнодемографик реаләтијон тәләб кардедән ыми!

            Озорбојҹони мәтбуот чандә сорон дыләдә сојә мәхлоғи сәј пур кардедә ки, һичмәсә Озорбојҹон әбәди бәжије, мәвотбән, ым довләт ныбо, бәвәдә мәһол хәробә бәбе, мәхлоғ һәммәј бәманде бә бевәҹә руж! Де һәјфи ки, чәмә кали толышонән бовә кардедән бы вәрсәғе! Кали одәмон ҹидди парседән чәмәку: Һәғиғәтән јәне Озорбојҹон гин бәбе? Жәго быбо, бәвәдә дејәмә чич бәбе? Коврәј хоки ебәкамон бәштә сә? 

            Ҹәвоб дојдәм бә жәләвонон, шымәнән гуш быдән бәмы: Тосә И һәзо нәвса һәждәминә сори ныбе бы номәдә гыләј довләт, бочи бәс бәвәдә мәһол хәробә бедәныбе? Чиче, бәвәдә одәмон жимон кардедәныбин бы зәминонәдә? Чиче, бәлкәм есәтнәсә бевәҹ жиједәбин? Дасти бынән ыштә синәсә, ҹәвоб быдән бәмы, һа чымы толышона, чичыш доә бәмә Озорбојҹони – ым песохтә довләти? Охо ым зәминон һәммәј чы Русијә империјә зәминонбин, ым мәхлоғән жиједәбе чә империјә тәркибәдә! Озорбојҹон бәнәбәј, мәхлоғ нәзни жимон карде?

            Чымы азизә хәлғ! Һәмән иглә толышон бевәҹә ружәдә нин бы довләти тәркибәдә. Тыркон титулә хәлғ һисоб быконән ыштәни, әвон чәмәсән бевәҹә ружәдән! Чумчыко һакимијәт чәвон дастәдә ни! Чок, бывотәмон ки, тыркон гәтышоне чәмә зәминон, пегәтышоне боштә чәмә сәрвәтон, вәзифонәдә ныштин ыштән, ғәдәғәнышон карде чәмә зывон ијән фәрһәнг, жәгоән чы ләзгијон ијән ҹо хәлғон зывонон ијән фәрһәнг. Әмма чич бе чәвон мыжди? Охо һичишон нызнәј бә даст варде! Чы довләти һәмә сәрвәтон гырдә быән и дастә одәми дастәдә, әвон идорә кардедән әмәни һәммәј. Нат, ҹо фојдәјнә сәрвәтон һәммәј мәхсусин бә Әлијевон хыјзони ијән бәчәвон ов-авлоди. Әвонән ки тырк нин, кырдин!

            Пантыркизм чә кырдон дастәдә гыләј идеоложи авжоре! Сәвети вахтәдән жыгобе! Есә әмә виндедәмон ки, һәни пантыркизмән мане бедә бә кырдон, сәрф кардедәни бәвон. Фик быдән, Озорбојҹони де Тыркијә мијоноән сијо кыты дәвардә, һәни бәнә навконә дуст нин дејәнды. Әве есә Әлијевон тожә кәләкышон шодоә бә мијон. Әвон һәни пантыркәтику гәп жәјдәнин, озорбојҹоныжәтику дәм  жәјдән!  Әвон иддо кардедән ки, һичмәсә бы довләтәдә жијә һәмә хәлғон озорбојҹоныжин, әве әвон һәммәј дастпочә бәнинин ки, огәтын ым мырдолә довләти!

            Чы  тожә тәлими мыәллиф Президенти администрасијә јол Рамиз Меһдијеве. Пантыркәти ижән гыләј мәтобе, әмма ым озорбојҹоныжәти лап гылмәтоје! Чы тәлими бемәноәти ијән пучәти чәјку бедә винде ки, һич гылә идејә бәјәнды әкс быә дыглә суни сәпе ғәрор әзыни гәте! Чиче чыми мәно? Әве ки, и тәрәфо вотејдән ки, бы довләтәдә жијә хәлғон һәммәј гуја бәробәрин, чә тәрәфоән һар чиј дојдән бә кырдон, мандә хәлғон бә ғычи нуни һәсрәтин! Ком озорбојҹоныжәтику, бәробәрәтику бәбе ијо гәп жәј? Ымон һәммәј кујәзинги нәғылонин! Рамиз Меһдијеви вотәјонку жыго бешедә ки, толышон, ләзгијон ијән ҹо хәлғон һәммәј озорбојҹоныжин. Тырконән жәго.   Интаси чә хәлғон тырконку фәрғ бымәдәј ки, тыркон ыштә зывонәдә гәп жәјдән, чәвон мәктәбонышон һестин, али мәктәбонышон һестин, ыштә зывонәдә мәтбуот, телевизијә ијән рәдиошон һесте, әмма толышон һәммәј мәһрумин чымонку! Мандә мәсәлон һәммәјәдә һич фәрғыш ни тырки ја толыши арәдә! Вәзифонәдә, довләти сәдә иглә кырдонин! Чы хәлғон ком гыләјни ыштә һәхон тәләб быко, кырдон мәһв кардејдән әвони! 

            Есә боән, де инсофи бывотән бәмы, толышон чич быкән, умжән быбун де тыркон, тырк быбун, тәләб ныкән ыштә һәхон, гәп ныжәнын ыштә Нәнә зывонәдә ки, бәвон бывотын ки, шымә мәвотбән чокә шәһрвандишон? Охо бәмә һич ғәбәдән лозим ни жыго шәһрвандәти!  

            Тәсәввур быкән, чымы азизон, чәмә телевизијә ыштә бәрномонәдә доә ләзгијә маһнејонән хош омедәнин бәвон. Кырдин, әмма вотедән ки, “тыркә маһнејон тум песијә ки, ләзгијә маһне дојдәшон?” Әмә бәпе чич быкәон? Бәчәвон жә һәво рахс быкәмон? Әмә ыштән бәзнемон, ком маһне бәдомон, коми нибәдомон! Бәгәм чәмә ихтијор чәвон дастәдәј?

            Толышстони Миллијә телевизијә әмә сохтәмоне ки, чәмә хәлғи кој бә нав быбә, озавзынијы чәмә хәлғи фәрһәнги, рост быкә чәмә хәлғи ыштәнишуури, быдә чәмә хәлғ сәрәсы ки, әмә ҹанг ныкомон, мәһв бәбемон, ни бәбемон, гин бәбемон змини димо! Һәмән әмә бәштә ғарз зынедәмон ки, даст быгәтәмон бәштә ләзгијә, аварә ијән ҹо быјон! Әве әмә вахтбәвахт дојдәмон чәвон маһнејон ки, әвонән сәрәсын ки, сәпо әште вахте! Ым чәмә бәвон кардә комәге! 

            Чандә соронин, һежо бәмә вотедән ки, һичмәсә, әмә выло кардедәмон Озорбојҹони! Бы незони кали Баку сајтон гәвипури нывыштедәбин ки, мәвотбән, Фәхрәддин Әбосзодә выло кардедә Озорбојҹони довләти! Аз һич нәзним ки, ым тыркон анә әвомин! Охо Фәхрәддин Әбосзодә чокнә выло бәзне карде бы јоли довләти? Чәј топыш ни, тифангыш ни! Һәлә әј вотедәним ки, ым чокнә довләте ки, и кәс толыш выло зынедә әј карде?!

            Әве чыјо ижән вотедәм бәчәмә һамсијон: толышон чанә орзујән быкон ки, ни быбу Озорбојҹон, интаси әј выло карде зушон ни! Ым довләти выло кардәкәсон һәмон ә тырконин! Чумчыко кырдон ныштән чәвон довләти сәдә, әмма чәвон ныхтышон ни ки, ыштә ҹынгыри бекән!  Ыштән ыштә довләти гәрдәни кәше зынедәнин, быми ғырјәтышон рәседәни, әмма толышон иттиһом кардедән! Һа быдә быкән! Де рој әвон огәте бәзнен ыштә довләти? Ај огәтышоне һа! Огәте нибәзнен! Де ағыли, де ғырјәти әбыни дволәти огәте! 

            Әфа, бы ружонәдә Озорбојҹонәдә референдум дәварде. Шымә мәтбуот, рәдио ијән телевизијә каналон шәв-руж гәвипури бә зиккән ки, мәвотбән Озорбојҹони тарыхәдә тожә сәһифә обедә, гуја бы незони ым довләт обәзавзије, тәрәгги бәка, гуја Әлијев ислоһотон дәбәвоне. И ләз боән рози быбәмон дејәвон, бывотәмон ки, рост вотедән! Аз бәшмә ғыбон, охо де ком одәмон Әлијев ислоһот  дәвонедә? Бәгәм Илһам Әлијев ҹо одәмон бәва бә вәзифә? Охо һежо вәзифәдә ныштә һәмон ә одәмон ижән тәјин бәка бә тожә вәзифон. Мадәм ки жәгоје, бәки лозимин ә ислоһотон? Бә хәлғи лозим нин! Вон лозимин бә Илһами ки, тикәјән чадә хәлғи сәј, чәј һесте-быәјонән кисиб быкә, чәјоән чич бедә, быдә быбу! Әвон жыго фикир кардедән ки, ыштә пулон пебәгәтен бәшен, мәхлоғән быдә бымандә авәрә-сәргәрдон! Әв вахт ғәзәнҹ кардедә, әмма ә әвомә тырконән бовә кардедән бәј!

            Чок, бывотәмон ки, һежо Меһрибон Әлијевә бе иминә витсе президент, ҹо гыләј кәсән бе витсе президент. Есә бәштә суал быдән: чич дәгиш бәбе бы довләтәдә? Охо һичи дәгиш әбыни, һәмон ә канә һәмом бәбе, һәмон ә канә тас! Вәзјәт һәнијән бевәҹ бәбе, хәлғән бәманде бә һәнијән јавә руж! Ыми бочи сәрәседәнишон, һа чәмә толышона?! 

            Чәмә јолон чокышон вотә: Мој бу бәка сәо! Шымә бәштә јод бијән, чокнә выло бе Сәвети һукмәт? Ки бывото ки, ҹо хәлғон вылошон карде бә јоли ғудрәтинә довләт, бовә мәкән бәј! Кәммунистә партијә јолон ијән урусә хәлғи ыштән вылошон карде ә довләт! Ҹо һич кәси зуш нәвышки быми! 

            Озорбојҹонәдән жәго бәбе. Нә толыш, нә ләзги нәән ҹо хәлғ әзыни ым довләти выло карде! Әлијеви сохтә олигархијә идорә систем  ијән тыркон ыштән выло бәкан ым довләти! Вылоән кардедән! Тыркон чә кырдон дастәдә есә гыләј гулмәчән! Дојдән әвони бә нав, әвон дымжон дојдән бә толышон ијән ҹо хәлғон, әмма кырдон жијәдә-жијәдә ыштә кој виндедән!

            Нә толышон, нә ләзгијон, нә аварон ијән ҹо бынәјнә хәлғон выло кардедәнин Озорбојҹони! Ыми чок-чоки ыштә јодәдә огәтән! Әмма демијән жыго, Озорбојҹон һукман выло бәбе иншаллаһ! Һәнијән дырыст бывотом, сәнибәтон формат бәбе!

            Толышон, һәлбәттә, кәноәдә нибәманден чә просесонку. Әмә һәлбәттә һәнијән тов бәдомон бы просеси. Интаси Озорбојҹони әсыл выло кардәкәс Әлоһәзрәт Тарых ыштән бәбе! Чәмә зәминонәдә әмә ыштә сәбәсожә Толышстон бәсохтемон! Сәломәт бымандән!

            Быжијы чәмә хәлғ!

Быжијы сәбәсожә Толышстон!

            Быжијы Толышстони Милли телевизијә!

 

Толышпресс ТВ:  ТМВ_30_09_2016_КИ ВЫЛО КАРДЕДӘ ОЗОРБОЈҸОНИ ?!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|