ЧЫМЫ JОДЭДЭ МАНДЭJОН -37

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 24 голосов)
Изменить размер шрифта Decrease font Enlarge font
image

 
 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

37

 

            Һафтә иминә ружи зангыш карде бәмы, вотыше: “Есә бешин әвон иҹласо, вотышоне ки, чәвон сыхани быросным бәты: Вотышоне ки, чичыш пијејдә быкә, чуне пијејдәше бышу, иглә митинг ныкә, чумчыко әмәни бәтожнен вәзифәо! Чәм әдеәј һич комон ни, чәјән кош ныбу дејәмә! Ымијән бывот ки, које-шајәт, гыләј вырәдә полис гирәм огәты чәј машини, хәбә быстәны чәј сәнәдон, бызны ки, әмә вотәмонни!

            Вотем, чок, әризә нибәдом! Чәмә соәдә ныштәкәсон һәммәј “Ура!” вотышоне! Вотем, “есә виндыоне, бәвон тарс-ларз лозиме омеј, витеј лозим ни чәвон вәдә?! Һәни нороһат мәбән!

            Дәгишым карде ыштә оләтон, ныштим бә машин. Јолә быјә парсәј ки, “чуне шеј фикәдәш?”, вотем, бә Зујән – бә Ғосмәлјон! Тикәј ловә-мыннәтыш карде ки, бәлкәм нышош чоке?  Вотем, чандә соронин Зујәни һәсрәтәдәм, әзыним карде, шәниним! Јолә быјә дечымы амјәзо ныштин бә машин, шимон бә Ғосмәлјон! Тосә шанго ныштимон әјо, шанго омәјмон бә кә.

            Маштәнәј аз, чымы јолә быјә, чәј һәмро, чымы рукә быјә һәмро ијән чымы рәһмәтмандә быјә Акифи һәмро дечәј гәдә кинә дәро гынимон бә Боку. Бә Лик дәшеәдә, машиным ромәј де дыләтони рој бә Шәјтонтәпә тәрәф. Јолә быјә ангыл гыније бәмы ки, бој бошамон де жинә рој, дәмәши бә Лик! Вотем, “чымы Боли, ты чич вотејдәш? Аз бә Лик дәнышом, әјо бәштә дусти – Елшәни ныгыном, һичуне нибәшем!” Мылхәс, чичыш воте, гушым ныдој. Машиным ромәј де Лики дылә, гәдә-гәдә ромејдәбим ки, быдә мәхлоғ һәммәј бывинды ки, азим! Омәјм рәсәјм бә Елшәни ко кардә идорә. Деәј хәјли гәпымон жәј, чәјо омәјмон бә Кагәлонә – бә Акифи кә!

            Шанго мандимон әјо. Рәһмәтмандә Машаллә маму, Бәхтијар, деәјән и дастә ҹо ҹывонә әғылон ијән кали ҹо кәсон шанго омәјн чымы тоно. Машаллә маму мыныш винде, бәмәј! Воте, “аз һәни бахтәвәрим! Бымардомән, һәни дардым әбыни, чумчыко тыным винде чәмә Вәтәнәдә!” Ныможымон воте иҹо, шангонәмон һарде, чәјо дыроз-дырози шәвныштымон карде. Забилән әјобе. Пешы әвон һәммәј шин, Забил манде демы.

            Маштә-маштә әштимон, нәфомон һарде, дәро гынимон. Забили вотыше ки, “Ҹәнуб хәбәрләри” ружномә сәр редактор Заһир Әмәнови хаһишыш карде ки, Масалоно дәвардәмон, әв мысоһибә пебәгәте чымыку. Омәјмон де Бырәдиго рој. Бә Шәғоләсе рәсәјмон, машиным ромәј бә Огтајмон со. Аз Русијәдә беәдә, Әсәдә маму бә рәһмәт шәбе, аз оме зынәмныбе. Ныштимон де мәрһумә Гуларә инә, сәбәсәломәтим дој бәј. Хәјли гәпымон жәј, чәјо ныштимон ижән бә машин, дәро гынимон. Забил воте, “быдә аз быромым машини”. Азән һич хәбәм ныстәнәј чәјку, ромәвонә вәсеғәш чәј сәпеје ја не, вотем, һа, сәрәсәјм тыни, быром!

            Бә Масәлони марзи кам мандәбе, бәнемон думотоно гыләј полиси машин сигнал дој-дој омејдә! Әлбәһол сәрәсәјм. Забил воте, “Ланкони рој полиси рәис чәмә дијовыже, нороһат мәби!” Вотем, “чәј номи мәгәтиш, мәсәлә мәлуме. Ышты вәсеғә ышты сәпеје?” Воте, “не!” Вотем, “ты һич дамә мәбиш, аз ыштән гәп бәжәнем!

            Огәтымоне машин. Ды кәсбин полисон, гыләј ҹывонә зоәбе – Бырәдиговыж, гыләјән Ланкони шәһрыжә сијо һындијә гиләк. Ҹывонә зоә әлбәһол парсәј чымы сәнәдон.

            Һәшјә. Чымы паспортым һәлә ныбе вотәјнә, машини ромејдәбим де етибономә. Ғајдә жыгобе ки, 10 ружи дыләдә бәпе Рој полиси мәркәзи идорәдә мыһи жәнинбин бы етибономә ки, быдә быбу зыне, кије ромәкәс.

            Полиси пегәтыше етибономә, әлбәһол де шојво вотыше: “Миәллим, шимә етибономә һәғиғи ни, чумчыко мыһи ни бәвәдә!” Вотем, “ҹывонә зоә, тади мәгәт бо шојво карде! Һәлә се ружым һесте!” Пәрт бе, воте, “Рост вотејдәшон!” Һа нәвәјн, һичишон пәјыдо нызнәшоне карде ки, вонә быбу боәвон, машини быбән бә полиси идорә. Вотем, “әмә һәммәј чы зәмини зоәмон. Аз сәрәсејдәм ки, шымә ыштәнбәсә омәнишон чымы думо. Интаси һички ни ијо ки, шојдәти быкә. Идорәдә чы бәзнен ки, сукони кутәдә азбим ја ҹо кәс? Әве, бевәҹи мәкән бәмә, быдә бышәмон бәштә ро!” Ә сијо гиләки ыштәныш кыште ки, “не, мымкун ни. Машини бардәнинимон бә идорә! Вотем, чок! Ныштимон бә машин, омәјмон бә Рој полиси идорә со. Забилышон әлбәһол барде бә полиси идорә ки, чәј шәхсијәти тәјин быкән. Аз 4-5 саат мандим әјо. Зангым карде бә Рабили ки, Забили сәнәдон рәјрә бијә бә Ланкон. Хыдош комәг быбу, вардыше сәнәдон, нишо доше, Забилышон вадој. Пијәшоне мынијән быбән бә полиси идорә, жыго рыжд омәјм бәвон ки, шин, һәни бә думо оныгардин!

            Мылхәс, печоштә бешимон чәјо, омәјмон бә Мәдо бә Забилмон кә. Бә Озорбојҹон омә ружику чымы ән јолә дар гамонбин. Нәфәс сәј зынејдәныбим. Әве Рој полиси идорә соәдә анә мандәбим, һәни һолым ныбе. Бә кә дәшенҹән, доме кәј мијонәдә ыштә јонго оғанде, кәјбә-пенҹыонышон һәммәј окарде, олхартим тикәј һытим. Әштим бәнем һәво камиши сәрине. Искани чајымон пешомәј, ғычи нунымон һарде, ижән де Забили дәро гынимон. Гыләј кафе һесте Масәлони бә Боку тәрәф бешәҹоәдә доон бынәдә. Ныштимон әјо, мысоһибәм доә бә Заһир Әмәнови. Чәјо дәро гынимон бә Боку. Сәлјони гами лап инҹориш ғанде мы. Бәштә быјә кәј рәсеәдә, илмотым мандәныбе һәни. Ижән јонгошон оғанде кәј мијонәдә, олхартим һытим! Тојки даршијәбе, әштим, бәнем тикәј бәштә омәм.

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|