Разделы
Архив
| Пн | Вт | Ср | Чт | Пт | Сб | Вс | |||||||
|---|---|---|---|---|---|---|---|---|---|---|---|---|---|
| 1 | 2 | 3 | |||||||||||
| 4 | 5 | 6 | 7 | 8 | 9 | 10 | |||||||
| 11 | 12 | 13 | 14 | 15 | 16 | 17 | |||||||
| 18 | 19 | 20 | 21 | 22 | 23 | 24 | |||||||
| 25 | 26 | 27 | 28 | 29 | 30 | 31 | |||||||
Рассылка
Подписаться на рассылку:
Оцените содержание статьи?
(всего 27 голосов)
Изменить размер шрифта
БЫМИ ЧИЧ БЫКӘ АҒЫЛ?!
Деғыж
Аз бәшты дыл дәбәшем, дәши ты бәчымы дыл,
Ышты былбыл бәбем аз, быби тынән чымы выл!
Гыләј боғи боғбоним, вылоныш зардызукин,
Ов бедәм бәнә шами, чымы дыли жә чығыл!
Һәни пијәмердим аз, ниме ҹо посибоным,
Нәнәти быкә бомы, аз быбум корпә әғыл!
Ыштә зонысә бынә чымы ым дардинә сәј,
Бәмы дылванди быдә, бывот шин-шини нәғыл!
Бәмы не воте гирәм, мардә бызын мыни ты,
Әнәди бәмардем аз, јарә нығыле, нығыл!
Ашығ ыштә ешғәдә дәғыл ныбу бәпе һич,
Ҹо чорәм мандәнихо, быдә аз быбум дәғыл!
Кәноку виндәкәсон ныжәнын танә бәмы,
Ешғе охо чыми ном, быми чич быкә ағыл?!
Демы карде әдовәт, чанә ловә быкәм аз?
Һышк бә Деғыжи лыбут, иглә мач быдә мағыл!
Комментарии (0 добавлено)
Политика и экономика
Интервью / Заявление
