ДИМ МЭГОРДЫН !

ДИМ

МӘГОРДЫН !

Деғыж

Вәһмыш сәвардә чымы ын дыли ышты ешғику,

Ты һич мәһәлән нојдәниш бәмы ыштә хышмику!

Дијә мәкә ки пијәкәс пије ја ҹывоне әв,

Гәп быжән ты ҹывони мыштику, чымы пыштику!

Бәмы тосә есә бәни не вотәкәс ешғәдә,

Не бывотош бәмы, бәкам выло дынјо ғыјзику!

Вотедән, ағыл әбыни һичи һырсинә сәдә,

Ыштә дыли быдә, ты даст пегәт ыштә һырсику!

Носазә мәвот бә Хыдованди, гыно мәкә ты,

Мәкә аһу-зори, шикат мәкә ты еғволику!

Ыштә ә речинә сәј бынә ты чымы синәсә,

Гуш быдә бәчымы дыли сәдо, жәјдә дардику!

Дијә кардедәм аз бәшты дыглә сә димәкукон,

Мач быдош, чымы тарсым әбыни һәни мардеку!

Бәштә ағылән мәвә ки, Деғыж пи бә мәвужи,

Дим мәгордын бәшты ғысмәт бешә чокә пышкику!