ДЕ КЭМИНЭ КОМЭГИ !

ДЕ КӘМИНӘ КОМӘГИ !

Деғыж

Каги сәј бә даст дәбәнон де мышти чинә комәги

Оләти ајби ебәдон де вәсләј пинә комәги!

Һәлә һички жәнише гәп ыштә моә болоәдә

Корпә окардедә зывон де ыштә инә комәги!

Мәҹлисәдә мижә кујәј, һурмәто бәғанде тыни,

Ты ыштә һанвә бытожын де и пучкинә комәги!

Боштә зоә кинә сә мерд онибәка һар кәси бәј,

Ағылманд бәгәте ым кој дештә жен-кинә комәги!

Нуни дастә кардә мојнә бедим онибәжәне әј,

Димә бәкәше бә нуни де дуј, сипинә комәги!

Подшоән зынәнине ки, чиче чы жимони мәно?

Боштә чорә әкәни әв дештә хәзинә комәги!

Деғыж һежо вотедә ки, мәкән һич беҹоә коон,

Нибәбе кырније ови де һич кәминә комәги!