ЧЫМЫ JОДЭДЭ МАНДЭJОН -29

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 25 голосов)
Изменить размер шрифта Decrease font Enlarge font
image

 
 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

29

 

            Детобә мајә манги 19 шин мызокирон. Бә вахти и кәрә омәбим ижән бә Москвә. Ијо тырки зывонәдә гыләј ружномә бешејдәбе – “Милләти сәдо”. Чәј сәр редактор чәмә ликыжә гыләј тыркбе. Әв омәј чымы тоно, воте, “сәфири пијејдәше, әмә мысоһибә пегәтәмон ыштыку. Чәмә гыләј гәнҹәвыжә мыхбирымон һесте, сәфири пијејдәше әв пегәты мысоһибә”. Вотем, “бә чәш!” Чәјо воте, “ыштәнымон арәје, бәты бывотым ки, ә кинә хәјли беһәјоје, тикәј һоди быбән чәјку! Һәмән ымијән бывотым ки, дәрҹ нибәбе ым мысоһибә, мәвужи, әј бәвғанден бә Боку ки, әјо бызнын шымә нәзәрон”. Вотем, “розим!

            Кинә омәј, таныш бимон. Се саат ним парсоныш дој дәмы, азән ҹәвобым дој бәвон. Омәј рәсәј бә Јеревани конфранси. Воте, “шымә бәшешон бә Јереван?” Ыштә пијо вотә сыханоным бәјән воте: “Зәмин де осмони ијән быбо, аз бәшем!” Һәмуш кардыше ыштә диктофон, воте, “быдә нынывыштым ым сыханон!” Вотем, “чокнә вотејдәм, жәгоән бынывышт! Еһанә нынывыштош, аз тәкзиб бәдом!” Кинә бәмәј, воте, “аз бәнә бәшмә одәмым һәлә виндәмни! Шымә Озорбојҹони һәхәдә гәп жәјәдә, бә одәми жыго омејдә ки, Озорбоҹони бәнә бәшмә пијәкәс ни! Әмма тикәј бәпештә жыго гәпон жәјдәшон ки, одәми мујон биз-биз бејдән!” Сырәјм. Воте, “иглә шымә нишон ки! Әмә һәммәј и ружәдәмон. Чымым чоглә быјә чојнәнән Украјнәдә бејдән, моәмән ијо чымы тоноје, һәммәј дидәргинимон ыштә вәтәно!” Вотем, “шымә чочинә хәлғишон! Ым һукмәт мәһв кардејдә шымәни, ыштә сәдоән бекардејдәнишон! Әмәнән ыштә сәдо бекардеәдә, вотејдәшон, там быжәнән! Әмма шымә ыштән бәзнешон, әмә рози әбынимон ки, чәмә хәлғијән мәһв быкән!

            Мылхәс, мысоһибәш пегәте. Чәвон сәр редакторән ныштәбе кәноәдә, дамә бејдәныбе. Бешин шин. Кинә поплынгәо ешеәдә суте-суте бәмејдәбе, һежоән вотејдәбе: “Аз бәнә бәшмә одәмым виндәни һич!

            Мызокирон һич нәтиҹәшон ныдој. Озорбојҹони һукмәт рози ныбе ки, Бокујәдә ја Ланконәдә конфранс тәшкил быкә боәмә. Мајә манги 17-дә омәјм бә Минск, ыштә охонә мәслоһатынымон карде де Каһини. Манги 19-дә маштә-маштә омәјм бешим бә Москвә. Заһирәддинән омәбе, Москвәдәбе. Чәмә һәмрон Москвәдә гәпон бардејдәбин де Озорбојҹони һукмәти одәмон. Охонә гәпон быәбин дәвардә шәви. Парсәјм ки, “чич бе гәпон охој?” Вотен, “әвон вотејдән ки, пијејдәшоне лап быдә са кәс толыш бышу бә Јереван, әмма иглә Миәллим нышу!” Вотем, “бышән билети быһырән, аз шејдәм!

            Чәмә әғылон омәјн гырдә бин. Һәммәј нороһатбин. Ошко нывотонән, дыләдә һички рози ныбе бочымы ше. Чымы рукә быјә лап бәмејдәбе! Де тәһәри ашиш кардыме әвон.

Печоштә Елшәни вардыше әмә бә аеропорт. Әјо бәмы вотышоне ки, “шымә паспортәдә ғәлпә штамп һесте, әве әв һәни һәғиғи ни! Шымә бызнешон пәре бә Јереван, әмма сәнибәтон бә Москвә әзынишон пәре!” Вотем, “шымә мыни вадән, быдә быпәрым бә Јереван, омеј һәхәдә гыләј фикир бәкамон!

            Бә пәре нези дыкәси де Елшәни мандәбимон аеропортәдә. Рангыш пәрәбе, сипипушбе! Ларзејдәбе! Дәчыкәјм чәј дасти, вотем, “Зә, мерд быби, мәтарс! Иншаллаһ һарчи чок бәбе!

            Шанговәсәј омәјмон бә Јереван. Дастәј одәм омәбе бәчәмә пишвоз. Профессор Асатрјан сыхани һәғиғи мәноәдә вәјәванд кардејдәбе. Хәшомәшон дој бәмә, ныштимон бә машинон, дәро гынимон бә шәһәр. Асатрјан воте, “аз һич бовә нәкәјм ки, ты бомеш бә Јереван! Бәштә гиј гәтејдәм, аз бәбәјм ышты вырәдә, нәвојм! Ты ки омәш, жыго зынејдәм ки, ја ты гырд ҹигәмандә одәмиш, тарс ни ышты ҹонәдә, јаанки ты че Озорбојҹони ҹәсусиш!” Вотыше, сырәјмон һәммәј. Омәјмон, шангонәмон һарде, шимон бә меһмонхонә.

            Конфранс бәштә кој бино кардәнинбе манги 21-дә. Тосә бә вахти кали молағатонымон бин де ермәни алимон, иҹтимои ходимон, журналистон. Хәјли мысоһибоным дој, телеканалонәдә бешемононым бин.

            Каһин иглә занг кардејдәбе бәмы. Һежо есә чымы нывыштә сыханән чәј һәхәдәј. Думојәнды занг кардејдәбе, вотејдәбе ки, “Атахан Бокујо занг кардејдә, дод-әмон кардејдә ки, “Миәллим әјо Хәрәбоғи һәхәдә гыләј сыхан нывото, мәһв бәкан әмәни һәммәј!”” Чан кәрә бәј вотыме ки, “Биләма, әмә омәнимон ијо бо Хәрәбоғи һәхәдә гәп жәј! Чәмә ыштә дард һесте! Әмә ыштә хәлғи һајәдәмон! Гирәм Хәрәбоғи һәхәдә сыхан быком, бәвәдә бызын ки, чәмә оме һич мәнош нибәбе!” Аз жыго вотејдәбим, әмма әв һежо тикрор кардејдәбе ыштә сыхани ки, бывот! Сыхани рости, бә хыртәш росније мы! Мәҹбур мандим, вотыме!

            Рәдио “Озоди” Јеревани мыхбир, - гыләј ҹывонә кинәбе, - пијәше мысоһибә пегәты чымыку. Бәчәј гушым воте ки, “охојәдә Ермәнистони-Озорбојҹони мыносибәтон һәхәдә гыләј парс быдәјш бәмы, әмма чокнә вотыме, жәгоән быдәјш бә ефир!” Воте, “чок, парси бәдом, интаси жәго сыхани мәвот бәмы, чумчыко чәмә рәдио һарчи чокнә һесте, жәгоән дојдә бә ефир, нороһат мәби!” Хәјли одәм ныштәбе заләдә. Охојәдә парсыш дој, азән вотыме! Зыне-зыне ки, әбыни вотеј жыго сыхани, вотыме! Ым чәмә сәһвбе, һәмән веј гонә сәһвбе, әмма һәни һичи нәби карде, сыханым вотәбе! Ә толышон ки чәш кардејдәбин ки, Озорбојҹонәдә кәси һич ныбо һышкә сәғби бәвоте бәмә чәмә бәјоноти мығобиләдә, и кәрән зынәшоне ки, толышон чичән быкон Озорбојҹони роәдә, чәвон һәммәј мыкофот иглә бәбе: Ғули ғарз хыдмәт кардеје бәштә әғә! Ғул ки гыләј чокә хыдмәт нишо дојдә бәштә әғә, сәғби чәш ныкә бәпе! Интаси де һәјфи ки, кали толышон нә бәвәдә сәнырәсәјн ыми, нәән есә сәрәсејдәнин!  

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|