ЧЫМЫ JОДЭДЭ МАНДЭJОН -28

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 27 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

28

 

            2004-нә сори декабрәдәбе ја тожә сори јанварә мангәдә, дырыст јодәдәм ни, шәвон гыләјнијәдә бәмы занг омәј. Хонәхо воте, Јеревани университети Иранистикә кафедрә мудир, профессор Гарник Асатрјане!

                Һәшјә. Һәлә 2001-нә сори и кәрә чәмә гылә толышә кинә номәш нывыштәбе бәчымы унвон гыләј форумәдә. Әјо әв суте-суте бәмы ловә кардејдәбе ки, “аз ҹәвоб быдәм бә ермәни профессори: -Шымә тарыхнывыштишонхо, ҹәвоб бынывыштән бәј, нынывыштошон, чымы дыл бәтәке!” Чымы хәбәм ныбе ки, ым чы профессоре, һәмән әј чичыш нывыштә. Әғылон пәјдошон карде чәј нывыштәј. Толышон һәхәдә гыләј тарыхи әрајишбе. Чәмә хәлғи ыштәни, чәј ашмарди, зывони ијән ҹо мәсәлон һәхәдә кали ғәләтон һестбин әјо. Әрајиши мыәллиф Гарник Асатрјанбе. Ҹәвобым нывыште бәј. Ҹәвобым сахтбе, һәтто кали һозијәтијонән һестбин бәвәдә. Есә чымы жидасти ни һәмон әрајиш, әмма бовәмандим ки, чәмә вејнә һәмрон һандәшонбе әв.

            Һа, есә һәмон профессор Гарник Асатрјани зангыш кардәбе бәмы. Таныш бимон. Бәштә јодыш варде һәмон әрајиш, тикәј сырәјмон.

            Пешы ды-се кәрәшән занг карде. Умуми гәпон жәјдәбимон. И кәрән әј вотыше бәмы ки, “чәмә планымон һесте, пијејдәмоне гыләј Бејнәлхәлғ Толышшыносәти конфранс дәвонәмон Јереванәдә”. Вотем, “планон һесте, дәвонән, бәмы бочи вотејдәш ыми?” Воте, “зынем пијејдә ки, толышон бәзнен оме бә конфранс ја не?” Вотем, “кејнә пијејдәоне тәшкил быкән конфранси?”  Воте, “бәзнемон карде мајә мангәдә јаанки сентјабрә мангәдә”. Вотем, “октјабрәдә Озорбојҹонәдә парламенти сәчынон бәбен, сәмон ғал бәбе. Чокише, мајә мангәдә дәвонән конфранси, аз бомем!

            Чәј бәпештә Асатрјан дәманде һаруж бәмы бо занг карде. Бәчымы ыштәни чочин омејдәбе ки, бочи ым хонәхо һаруж занг кардејдә, һежоән умуми гәпон жәјдә. Ружи вотыме бәј. Воте, “ты ыштән сәрәсејдәш ки, хәјли пул харҹ кардеј лозиме бә конфранси. Ијо кали одәмон вотејдән бәмы ки, һәдәрә гәпе, толышон нибомен бә Јереван, чәмә харҹән, чәмә кәшә әзјәтонән һәдәр бәшен! Әве, аз пијејдәме ки, дырыст бызным ышты нәзәри!” Вотем, “ҹо толышон һәхәдә һичи әзыним воте, әмма ыштән бомем”. Воте, “чанә еһтимол һесте ки, ты һәғиғәтән бомеш?” Вотем, “кырт быкәмон ым сыхани: Зә, зәмин де осмони ијән быбо, аз бомем! Иглә чымы сә сәломәт, ҹоным хәш быбу!” Демијән конфранси һәхәдә чәмә гәп сә бе.

            Ымијән бывотым ки, конфранси һәхәдә хәбә бәмы рәсенҹән, мыфәссәл мәшвәрәтымон карде. Бә ғәрор омәјмон ки, һәлә бә һички мәвотәмон ыштә ғәрори, бунәмон, чокнә шејдән чәмә коон.

            Февралә мангәдә Асатрјани зангыш карде ки, “конфранси ружонә елон лозиме кардеј Интернетәдә, әве воҹибе ки, һәм омә толышон ном-фәмилијә, һәмән мәрузон номон бывотым бәј”.

            Бәј вотыме ыштә мәрузә ном. Толыши әдәби зывони һәхәдәбе. Пешы зангым карде бә Заһирәддини, вотыме бәј конфранси мәсәлә. Вотем, оме пијејдә, бошамон! Рози бе. Әјән вығандыше бомы ыштә мәрузә ном, дәром карде бо профессори. Февралә манги чандәдәбе, јодәдәм ни, конфранси ружонәшон дәрҹ карде Интернетәдә. Аләм гыније бәјәнды!

            Бокујо иминә реаксијон омәјн. Кали толышонән чәвонку бә пешы нымандин, мызокирон бино бин форумонәдә. Бә вахти Озорбојҹони президенти Милли мәсәлон саһәдә мышовир Һидајәт Оруҹови мәнфи реаксијәш доәбе. Һилал Мәммәдови доше чәј ҹәвоб. Һилали гыләј јолә мәтныш нывыштәбе, ноәшбе “Атропат.народ. ру” сајти “Меһмонон китобәдә”. Чәј мәзмуни һәммәј сәнибәтон ијо нывыштеј фикәдә ним. Мәғзыш ымбе: “Һидајәт миәллим, әҹәб кардејдән ермәнијон, конфранс дәвонејдән бо толышон! Чумчыко әмә чандә кәрә пијәмоне, жәго конфрансон дәвонәмон Озорбојҹонәдә, һукмәти иҹозәш доәни. Әмә бә вахти пијәмоне Зулфуғар Әһмәдзодә сорогарди дәвонәмон Остороәдә, бымијән иҹозәон ныдој. Әве, ермәнијон чок кардејдән!” Мәтнәдә ән веј раст омә ифодә ымбе: “Ермәнијон әҹәб кардејдән!

            Һандыме чәј ҹәвоб, бәчәмә сајти сәр редактори вотыме, “огәт ыштәку ым мәтни, чумчыко бовәм ни бә Һилали, тикәј бәпештә ҹо маһне бәзне һанде. Бәвәдә ым мәтни бынәјш форумәдә, быдә толышон бызнын, мәсәлә ком вырәдәј”.

            Озорбојҹони һукмәт гырд бә вәлвәлә дәше. Һар вырәдә дәмандин бо толышон бә зывон гәте ки, “мәшән бә Јереван”. Чәмә шәрт игләбе: “Гыләј толышшыносәти конфранси тәшкил быкән Бокујәдә ја Ланконәдә, әмә нибәшемон бә Јереван!” Әв ки манде бәчымы ыштәни, жыгом хәбә вығанде боәвон: “Аз чок зынејдәм ки, бом бә Озорбојҹон, һәбс бәкардешон мыни. Ајбыш ни! Шымә конфранси тәшкил быкән. Аз бомем бә конфранс, чәјо һәбс быкәјшон мыни!

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|