ШЫМЭ FЫБОНЭ ИД МЫБОРЭК БЫБУ!

 

ШЫМӘ ҒЫБОНӘ ИД МЫБОРӘК БЫБУ!

  

Бәхтијар Рушин

 

Вуғар Һәмати нывыштыше, азән бә илһам омәјм...

12. 09. 2016

 

 

Ғыбон нијәт быкон пај вардәкәсон,

Бәштә кә ды бахшә шо бардә кәсон,

Әнҹәх идә ружи гужд һардәкәсон,

Шымә Ғыбонә ид мыборәк быбу!

 

Косибонән, печынонән шон ымруж,

Әрбобонән чы косибон тон ымруж,

Мысылмонон лап дејәнды бон ымруж;

Шымә Ғыбонә ид мыборәк быбу!

 

Әрбобон, бәшмә сә мәләк чамедә?

Ымруж бәшмә дылән сәха омедә!

Һич зындон, ым сәха бәшмә дамедә?!

Шымә Ғыбонә ид мыборәк быбу!

 

Орзу сојбон, киә отәши гур быкән,

Де рушинә кәон дылә нур быкән,

Ыштә дыли де умдәво пур быкән;

Шымә Ғыбонә ид мыборәк быбу!

 

Бәмә һа сор бахшә омдә чы дику,

Ланконику, Остороку, Ликику.

Масәллижон, азән вотдәм чы пику:

Шымә Ғыбонә ид мыборәк быбу!

 

Ғурбәтәдә ғәрибәти кардә кәс,

Ғыбон быбу ышты гыләј јолә пәс!

Аз нывышдәм, ым сыханон ты бымәс:

Шымә Ғыбонә ид мыборәк быбу!