FЫБОНЭ ИД МЫБОРЭК БЫБУ !

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 32 голосов)
Изменить размер шрифта Decrease font Enlarge font
image

 
 
 
 

ҒЫБОНӘ ИД МЫБОРӘК БЫБУ!

Вуғар Һәмати

 

Һәхи виндеәдә роһат бәкәсон,

Дылдә бә номерди нифрәт бәкәсон,

Турмәдә бә һәши һәсрәт бәкәсон,

Шымә Ғыбонә ид мыборәк быбу!

 

Кам нибәбен шымә ғәмон, очынон,

Сә нибәбен, ружо бә шәв бычынон!

Кучә зори дынјо сојбон, бечизон,

Шымә Ғыбонә ид мыборәк быбу!

 

Бешымә омедән, дәвардән идон,

Бо Вәтәни ғыбон бијон, шәһидон!

Еј вәјшти хывандон, һәхи шаһидон,

Шымә Ғыбонә ид мыборәк быбу!

 

Ышты балә боме и руж, фик мәкә,

Обәгарде ышты тоно, бәштә кә!

Ај бесојбә моә, бехывандә пә,

Шымә Ғыбонә ид мыборәк быбу!

 

Шымәнијон чәмә руф, һәмән кәфән,

Һежо ыштә сәон сапе быгәтән!

Еј чымы Мо зывон, еј јолә Вәтән,

Шымә Ғыбонә ид мыборәк быбу!

 

Бәјәнды бывотән шымә һежо ҹон,

Шымәку ҹо быбун аләми дардон!

Ај чымы азизә, шинә толышон,

Шымә Ғыбонә ид мыборәк быбу!

 

Жиједәон де ғурбәти мыннәти,

Тов вардәон бә Вәтәни һәсрәти!

Быжијән һежо де ешғ-меһиббәти,

Шымә Ғыбонә ид мыборәк быбу!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|