FЫБОНЭ ИДОН МЫБОРЭК, ХОСЭ ТОЛЫШОН !

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 51 голосов)
Изменить размер шрифта Decrease font Enlarge font
image

 
 

ҒЫБОНӘ ИДОН МЫБОРӘК, ХОСӘ ТОЛЫШОН!

 

            Ымруж Ғыбонә иде! Чәмә толышон быми вотејдән “Исмоили ғыбон”! Ым сыхан ыштән пегәтә быә әрәби зывонәдә “ғурб” сыханику, мәношән “незки” сыхани ән пенә фајәје, јәне бә Хыдо “лап пенә фајәдә незки беј” нәзәрәдә гәтејдә. Иди ыштәни мәно, чәј тарых ијән ҹо мәсәлон бәчәмә мысылмонә толышон чок мәлумин. Әве әмә бә азизә ружәдә бы иди кали ҹо мәсәлон нәзәр сәғанде воҹиб зынејдәмон. Шәкымон ни ки, һәмә толышон бы ружәдә, һар кәс ыштә имкони дыләдә, воҹибә ғырбонә һәјвони обәбырне, чәј гужди һәм ыштән бәһа, һәмән бә ов-авлоди, һамсијон, ни-ныбејәти дәвонијә одәмон бахшә бәка, һәмән зијорәт бәка ыштә мардон ғәбон, осә бәғанде ыштә авлодон ијән һәмвәтәнон, нохәшинон ијән бечизон, сәғыр ијән јәтимон кәјбә бәка, шо бәка әвони. Иншаллаһ, умдәвомон ки, ым ид ыштә нури сәбәғанде бәчәмә ҹәми хәлғи, һәнијән рушин бәка чәвон һаружнә жимони!

            Ымијән бывотәмон ки, Ғыбонә иди молјәт иглә ғыбонә һәјвон обырнијеј ни. Чы сыхани ыштән мәноку жыго сәрәсејдәмон ки, бы азизә ружәдә һар гылә мысылмон дастпочә быәнине ки, һәнијән нез быбу бә Хәлләғи-Аләми! Бә жыго гыләј барзә мәғсәди рәсејроән иглә ымружнә ружи обырнијә ғырбонә һәјвонон вәс кардејдәнин! Мысылмон ыштә жимони дырози, дештә һаружнә әмәлон, ибодәтон ијән дывон ыштәни нез кардәнине бә Хыдо! Бы мәноәдә, Ғыбонә ид чәмәһон һар гыләјни и сори дыләдә кардә әмәлон, ибодәтон ијән дывон ән пенә мәртәбәје, чәмә ыштә Хыдо һузурәдә доә имтоһоне!  Жыбызын, ымружнә ружәдә әмә ыштә дәвардә сорәдә кардә әмәлон имтоһони дојдәмон, исбот кардејдәмон ки, һәғиғәтән бәмә дамејдә Хыдо бәндәти! Ымружнә ружи әмә исбот кардејдәмон ки, һозымон Хыдо роәдә бо ыштә ән азизә немәтон ғырбон дој ки, Әв ғәбул быкә чәмә дәвардә сори дыләдә кардә дывон ијән ибодәтон! Жыго әмә нез бејдәмон бә Хыдо бы идә ружи! Әве вотејдәмон ки, Ғыбонә ид дәвинә руже. Бахтәвәре ә мысылмон ки, ымружнә ружи сәбарз бебәше чы дәвинәо! Бәшмә һәммәј Хыдо һузурәдә сәбарзәти орзу кардејдәмон, чәмә хосә хәлғ!

            Гыләјән воҹибә мәсәлә ыме ки, ымруж һар гылә мысылмон бәрмалә исбот кардәнине ки, шәјтони вәсвәсә дијәроје чәјку! Әве орзумон әве ки, шәјтонику дијәро быбән, чәј вәсвәсә гырдычып бекән ыштә дыло, камил быбән ыштә имонәдә, бәфоманд быбән бә Хыдо ијән Бәчәј мыборәкә Пејғәмбәри (сәәс)!

            Воҹиб һәмән ыме ки, ымружнә ружи һар гылә мысылмон дештә имони ијән тәғва нымунә быәнине бо ҹо шәхсон. Һар ҹурә ғуддә, иддо, тәкәббури, јоләшәхәти бә кәно ноә мысылмон, дештә покә имони ијән тәғва нез бејдә бә Хыдо! Покә имон ијән тәғва орзу кардејдәмон бәшмә һәммәј, чәмә ғурбинә хәлғ!

            Орзумон әве ки, Хыдо чәмә хәлғи шәри-шәјтонику, мәкри-зәнәнику, дусти бебәфоәтику, номерди мијонгәзәтику, чәмә зу нывышкә дәвинә ијән имтоһононку дијәро быкә!
            Ғыбонә идон мыборәк быбу, чәмә азизгирамијә хәлғ!
            Хыдо ғәбул быкә һар гылә толыши Хыдо роәдә доә ғыбонон!
            Амин, Ја Рәббил-Аләмин!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|