ЧЫМЫ JОДЭДЭ МАНДЭJОН -21

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 30 голосов)
Изменить размер шрифта Decrease font Enlarge font
image

 
 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

21

 

            Мылхәс, омәјмон рәсәјмон. Саат бә нәви кам мандәбе. Ыштә дим-чәшымон шыште, искани чајымон пешомәј, әлбәһол омәјмон бә конфранс. Сыхани рости, де зубәзу ныштимон, чумчыко һәммәј һанвејдәбимон. Ыштә умрәдә иминә кәрә бә конфрансәдә виндыме мәрһум Нәвузәли Мәммәдов. Чәмәку ды-се рестә навәдә ныштәбин – Нәвузәли, Сејфулла, Елман ијән чәмә доктор Мушфиг. Мушфиги виндыше әмә, омәј ныште чәмә тоно.

            Конфранси пленар һиссә Рәштәдә бе, печоштә омәјмон бә Һәштпәр. Әјо конфранси рәһбәр омәј вотыше бәмы ки, ијо конфранси ты быбә. Вотем, “сипиришон һестин әјо, ајбе, быдә Сејфулла де Нәвузәли быбән конфранси”. Жәгоән кардышоне. Сыхани рости, гыләј бемәноә конфрансбе. Фарси гәп жәјдәбин, тәрҹумән кардејдәныбин. И тәрәфоән һанвә зу омејдәбе бәмы. Әве тикәј ныштим, чәјо бешим бә дашт. Соәдә и дастә тәләбә һестбе. Мәлум бе ки, Һәштәрхани университети шәрғшыносәти факултә тәләбонин, омән бә практикә. Хәјли гәпымон жәј дејәвон.  Чәјо Ирони рәдио ијән телевизијә мыхбирон омәјн, мысоһибәм дој бәвон. Конфранс сә бе, омәјмон бә һотел. Вотемон, һајдә чај быдән бәмә. Чајышон варде, бәнемон пакети чајо. Пулымон дој бә зоә ки, пачкәј чај быстән, дәм быкә быдә бәмә. Хәјли чајымон пешомәј.

            Бы арәдә аз ешим бә иминә мәртәбә, чумчыко чәмә ироныжә билон омәбин бәчәмә виндемон, мыни бә чәшбин әјо. Поплынгәо бә иминә мәртәбә ешеәдә, һотели шишә бәо бәнем гыләј сијо машин мандә соәдә, думош бә һотели сәмт. Нәвузәли рәһмәтманди окардәшбе чәј бағәжи бә, ыштә чијон нојдәбе әјо. Ноше, бәш едој, огарде ки бо бә һотел. Шишә бәо виндыше мы, ибердәмә огарде бә пешо ки, димбәдим ныво демы. Тикәј сырәјм ыштән-бәштә. Омәјм ныштим де әғылон, хәјли гәпымон жәј, Нәвузәли һежо пеманде машини тоно. Шанговәсәј зынәме ки, әвон секәси – Нәвузәли, Сејфулла ијән Елман дәро гынијән бә Боку. Доктор Мушфиг и ружән манде дејәмә.

            Конфранси бәпештә Гилони остандари јолә һардыһәшыш дој бә конфрансәдә иштирок кардәкәсон. Дыјо кәноәдә чодышон ежәбе, мәхлоғ ды чыпыр ныште чодыәдә, дынјо димәдә быә һар ҹурә немәтышон дәвоштәбе бә сурфә! Де остандори хәјли гәпымон жәј. Әмә һардымоне, бешимон бә би, остандор ше. Дастәј толышә ҹывон гырдә бе бәчымы сә, дәмандин бо ҹурбәҹурә парсон дој. Гыләј ҹывонә зоә парсә ки, “ијо быә ком толыш һәммәјсә веј мандејдә бәчәмә әҹдодон?” Чәшәвәном карде, бәнем кәноәдә гыләј барзәболоә ҹывонә хылә зоә пемандә, машини һачәрон ошандејдә ыштә дастәдә. Вотем, “ә ҹывонә зоә һозы кәдусе!” Бәмы вотышоне ки, ә зоә шәһр Масали шәһрдоре! Нез омәј, таныш бимон. Әј вотыше ки, “маштә ружи дырози чымы меһмонишон!” Ве вотыме ки, “быбахш, әмма вахтымон нибәбе, комон веје, һәм шәнинимон бә Әли Әбдули зијорәт, һәм виндемонымон бәбе де толышә депутати, ҹо коонымонән бәбен, росне әзынимон!” Воте, “зәмин-осмон и быбоән, мымкун ни, чымы меһмонишон!” Мәҹбур мандим, вотем, чок, дијә бәкамон!

            Шанго ироныжә толышә ҹывонон омәјн гырдә бин бәчәмә сә һотеләдә. Анә шо бимон ки, һыте һич бә јодән номәј! Хәјли шикатышон карде ки, мәмурон имкон дојдәнин ки, толышон ишкилон һәлл быбун ијо. Зангымон карде бә Әли Әбдули бә шәһр Толыш. Вотыше ки, маштә саат 12.00-дә чәш кардејдәм шымәни ыштә кәдә.

            Маштәво әштимон. Нәфомон һарде. Вотышоне ки, Ирони Мәҹлиси толышә депутати зангыш кардә. Гәпым жәј деәј. Воте, “чәш быкән мыни, омејдәм бәшмә зијорәт”. Вотем, “ајбе, быдә әмә боәмон”, воте, “һич жәго ко ни, чәшкән, аз омејдәм”. Саат 11-бе. Вотемон, әмә есә чич быкәмон? Бә и саат депутат боме. Саат донзәдән бәпе быбәмон Әли Әбдули кәдә. Вотем, занг быкән бә Әбдули, бывотән ки, һол-ғәзијә жыгоје, депутати бә чәшимон, пешы дијә бәкамон. Әли Әбдули вотыше ки, “шымә һукман боән бо саат 11.30 дәғиғә, виндемон быкәмон, саат 12.00-дә аз шәниним бә Халхал бә конфранс”. Бәнемон һич ҹурә мымкун ни, әве узрхаһимон карде чәјку, мандимон.

            Депутат омәј. Хәјли гәпымон жәј. Сәдом карде ироныжә толышә ҹывонон, вотем, бывотән есә ыштә шикатон. Һәммәјышон воте, депутати дастјори нывыштыше әвон һәммәј. Вотем, “әғәји депутат, шымә чок зынејдәшон ки, бочи депутатишон! Шымә бәпе һәлл быкән толыши проблемон. Әжом әве ки, сәрһисоб быбән бы коонәдә!” Чичым воте, фәғыри “бә чәш!” вотыше. Саати бәдигә сәмон карде. Хәјли ловәш карде ки, “бошамон, меһмон быбән бәмы!” Узрхаһимон карде, әв беше ше.

            Гыләј чијән бывотым. Бы конфрансәдә иминә кәрә виндымоне рәһмәтуллаһ Фәрәмәз Мәсрур! Илаһи, чы покә одәмбе! Бәмә анә ләзәтыш дој чәј гәпон!

 Әмә де дастәј ироныжә толышон ијән де Фәрәмәз Мәсрури иҹо омәјмон бә шәһр Масал. Шәһрдор ыштә дәфтәрхонәдәбе. Ныштимон әјо, чајышон дој бәмә. Чәјо ныштимон бә машин, петатимон бә банд. Омәјмон бешимон бә банди сә. Чы вырәј ном “Һындылә пешт”бе. Бәштә јод бијән Фәрәмәзи “һындылә пешт” поемә! Пани Толыш одәми дасти дыләдәбе ијо мандеәдә! Хыдованди-Аләми һичиш мызојиғә кардәни Толышику! Чәмә жыго гыләј речинә Вәтәнымон һесте, шык бәшты јолјәти, Хыдо!

            Банди сәдә гыләј ресторан һестбе, тосә шанг ныштимон әјо. Һардыһәшымон карде, чәј һај гәпымон жәј һа! Хәјли толышә шероным һанде әјо. Вотејдәбимон, сырејдәбимон, бәмејдәбимон! Ымони һәммәј де сыхани тәсвир карде мымкун ныбыә гыләј мәсәләје!

            Һангомәсәј омәјмон ижән бә Масал. Шәһрдори һардыһәшыш сифориш доәбе. Машинонышон ромәј бә ресторани со. Јолә дастәхоныш окардәбе! Хыдош комәг быбу! Шанго тосә саат 12 ныштимон әјо, чәјо дәро гынимон бә Теһран. Аримән дејәмә омәј бә Теһран. Әмәни дәро кардеәдә, Фәрәмәз рәһмәтуллаһ ыштә дастмолыш бекарде шавло ҹифо, зо-зо бәмәј, воте, “и кәрән, Хыдо бәзне, кејнә бәвиндемон ијәнды!” Дастбәгиј бимон деәј, ыштә сәш ној чымы амисә, хәјли бәмәј, азән бәмәјм. Одәм бәпе сығ быбу ки, ыштәни огәты жәго һолонәдә! Һәммәј бәмејдәбимон! Илаһи, толышон иглә жәго шојә ружонәдә быбовын!

            Маштә чәсәј омәјмон бә Теһран. И ружән мандимон әјо. Шанго аз, Каһин, Мәло ијән Елшән меһмон бимон бә Фәрди. Тосә шәви и нимә гәпымон жәј. Маштәнәј пәрәјмон бә Москвә.  Әмәни дәро кардеәдә, бы сәфән Армин жәго бәмәј, әмәнышән бовније! Толышон бәјәнды меһиббәт чанә зуманде, Хыдо! Хыдо һежо меһрибон быкә чәмә хәлғи бә ијәнды!

            Ијо ижән идомә быкәм ыштә гәпи. Се руж “Компас” беше бә ефир, чәјо манги 15-дә аз пәрәјм бә Москвә. Исмоил бешәбе бәчымы нав. Бокујәдә президенти сәчынон быәбин, чәј нәтиҹон бә чәшбимон. Шанго зынәмоне ки, Илһам Озорбојҹони президенте.

            Кәноо бә кали одәмон жыго бәзне оме ки, һичмәсә, әмә мәғлуб бимон бы кампанијәдә, һәдәр шин чәмә кәшә әзјәтон! Интаси бы мәсәлон жыго тәтимә нәзәр сәғанде, чәвоно нәтиҹә бекарде сәростә ко ни.

            Бы и сорәдә чәмә ән јолә ғәзәнҹ әвбе ки, че Русијә ҹәми елитә иминә кәрә чок-чоки таныш бе де толышон, веј одәмон зынәшоне ки, һесте бы номәдә гыләј хәлғ, һәмән һестин чы хәлғи озоди роәдә ҹанг кардә зоон! Бы и сори дыләдә веј мердон шојд бин ки, толышон ыштә мовғешон һесте һар гылә воҹибә мәсәләдә, һәмән ым веј објектив гыләј мовғеје, елми ҹәһәто чок-чоки әсосинә мовғеје! Чә вахтику толыши мәсәлә гәдә-гәдә беше бә Русијә сијоси ружонә, әмә ромон пәјдо карде бә ын довләти һакимијәти пујәсон! Ым чәмә јолә ғәләбәбе! Мандәбе иглә ә ғәләбә идомә карде, һәнијән ғојм карде. Чумчыко әмә һәммәј дәрәсејдәбимон ки, Русијәдә чәмә мовғе ғојм ныбо, ајәндә нибәбе бочәмә хәлғи!

            Гыләј јолә ғәзәнҹымонән әв бе ки, Озорбојҹонәдә веј сијоси ғыввон ғәбулышон карде толышон бәнә гыләј мыстәғилә сијоси ғыввә ғәзинә. Кали мыхолифәти лидерон мәхсуси тәшәккорышон карде бә толышон!

            Гыләјән ғәләбә әвбе ки, де ружномә “Хурали” комәги әмә ыштә сијоси нәзәронымон росније зынәј бә Озорбојҹони дылә аудиторијә. Бы мәноәдә, гыләј јолә сәғби егынејдә бә һәмон ружномә сәр редактор Әвәз Зејналови, гыләјән бәчәмә Огтајә Билә! Чәвон дыкәси зәһмәти һымһымбәдә һәзо-һәзо озорбојҹоныжон таныш бин дечәмә нәзәрон, дечәмә сијоси пләтформә!  Бәбе воте ки, әмә бәвәдә иминә кәрә ғалиб омәјмон Озорбојҹони иҹтимои рајәдә! Росте, әмәни тәһғир кардәкәсонән бин, чәмә пләтформәку хош номәкәсонән, әмма гыләј мерд пәјдо ныбе ки, әв ноһәх бекә әмәни! Ым чәмә ғәләбәбе!

            Навәдә веј јолә коон бә чәшбин әмәни! 

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (1 добавлено)

  • Опубликовано Rabil, 12 Сентябрь, 2016 19:49:28
    Bəle... TOLIŞ qəzet, KOPAS ijən XURAL tolışi hərəkatış 93 ğəbədəş bekarde...Həmə koon sədəən Fəxrəddin manəbe... Hilali 93 liderətiş daso beşe... Əy əvış həzm nıkarde...Hilali kanə kontakton zumand beyro əvış karde zıne ki Tolışı hə əkatda rısxnə eqıni...In odəmon veyni çe TOLIŞ qəzeti, Xurali ijən KOMPOASİku diəro bero, Fəxrəddini ne Hillai şəxsən zınero ALD bin bəy...Əve tarıxdə iminə kərə Tolışi hərakatda rıxnə eqınye...

Главные новости

|