ЧЫМЫ JОДЭДЭ МАНДЭJОН -20

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 33 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

20

 

            Октјабрә манги 1-дә Исмоили вардыше мы бә аеропорт “Шереметјево”, аз пәрәјм бә Теһран. Таныш бим де Әли Әбдули. И руж мандим Теһранәдә. Кали молағатоным бин. Маштәнәј шимон бә Рәшт, чәјоән нәвәјмон чәтонру Толыши. Ды ружи бәдигә ижән омәјм бә Теһран. Таныш бим әјо де Фәрди Әсғәри. Шанго омәјмон бәчәј кә, хәјли гәпонымон жәј. Вотыше, “һукман тыни бардәниним Әғә (Әлиәкбәр Вилојәти) тоно”. Маштәнәј зангыш карде, шимон. 15-20 дәғиғә гәпымон жәј де Вилојәти. Бешимон омәјмон.

            Аз бә и һафтә омәбим бә Ирон. Әве һозы бејдәбим ки, огардым бә Москвә. Бәнем, Фәрди һежо бә мыз-мызе, пијејдәшни аз бышум. Вотем, бывот ыштә дарди. Воте, “се соре ки чәмә Лидери – Ајәтуллаһ Хаменеи фитвош доә ки, гыләј ҹонинә аналитик бәрномә һозы быкәмон. Һарчим һозы кардә, интаси чәмә ироныжон камерә винденҹән, сајсимә бејдән, гәп жәј зынејдәнин, тарсејдән ки, сәһв бәкан. Ты комәг быкош бәмы, иҹо бә дәрһәл бәроснемон ә бәрномә!” Һәлбәттә аз рози бим!  И һафтән мандим әјо. Чәмә толышон чок зынејдән чымы бә бәрномәдә кардә бешемонон. Бәрномә ном “Компас”бе. Бы бәрномә һисоб Озорбојҹонәдә жијә толышон иминә кәрә зынәшоне чәмә һәрәкоти зу! Пешы Фәрди ыштән бардејдәбе ә бәрномә. “Компас” ҹәми 22 кәрә беше бә ефир.  Әмма әј бә ларзыш дәној Озорбојҹони һукмәт! Мәмләкәти һар вырәо женон ијән мердон занг кардејдәбин бә Фәрди, бәј кардејдәбин ыштә шикати! Охојәдә һукмәти бә һәрәкәтыш варде Иронәдә ыштә ҹәсусон, әвон һәммәј авси бин бо Фәрди, бәрномәшон дәбасте. Ым Ирони һукмәти јолә сәһвбе! Есә Иронәдә веј одәмон бә гиј гәтејдән ыми, әмма һәни дије! Фәрди Ирони јолә вәтәндусте, јолә мерде, толышонән јолә дусте! Бы вахти дыләдә әј камә кооныш кардәни бочәмә хәлғи. Әмә чок зынејдәмон ымони, әве ыштәнән дуст зынејдәмон Фәрди, һежо дыво кардејдәмон бәчәј ҹони! Хыдош комәг быбу! Әв вотејдәбе ки, “һәјф чы Ирони бә Озорбојҹони тыркон кардә чокијон! Әвон чоки ғәди зынејдәнин! Әмә 90-нә сорон сыфтәдә омәјмон бә Озорбојҹон, жыго зынәмоне ки, чә хәлғи навәдә шә зоон ростијән пијејдәшоне ыштә хәлғ. Пешы зынәмоне ки, чәвон вејни беғырјәт ијән беимонә одәмонин! Гирәм бә вахти әмә комәгымон кардәбәј бә толышон, есә чәтонруј һич ишкилымон нәби!

            2004-нә сори мартәдә Әли Насири  бә Русијә оме гыләј јолә һодисә бе. Думојәнды Санкт-Петербургәдә, Москвәдә, чәјоән Минскәдә Нәвузә идымон дәвоније. Ым гыләј јолә бахтәвәрәтибе! Минскәдә Әли Насири шәвныштышон дәвоније кафе “Чинар”әдә. Толышонән, тырконән омәбин. 4-5 саат Әли дештә шероныш фејзијоб кардәшбе одәмон, ҹәвобыш доәбе бәчәвон парсон!

            Әли воте, “омәбим, бызным, ғәзәни бынәдә чич һесте!” Омәј виндыше. Сәкыштәш ым бе: “Аз вотејдәбим, ым хәлғ бочи мышт бе зынејдәни, әмма омәјм бәнем, ым хәлғ һәни мырхути ғәзинә ије!

            2004-нә сори аз, Каһин ијән Елшән шимон бә Ирон бә елми конфранс. Чәмә бә конфранс ше ыштәнән гыләј меҹузә бе. Каһини боштә визәш окардәбе Минскәдә. Әмәнән де Елшәни вахтәдә шимон бә Ирони Москвәдә быә консуләти, домоне ыштә сәнәдон. Бә бина дәшеәдә, бәнемон гыләј сијо һындијә ҹывонә зоә һывоскәје әјо. Сыре-сыре дәшимон бә дылә. Һәлә һички ныбе әјо. Чәмә гәтегыр хош номәј бә зоә. Вызмәтиш карде, азән доме чәј ҹәвоб. Сәнәдонымон дој. Әмма бәчымы дыли әјон бе ки, ә зоә пәл бәже бәчәмә кој. Вахтәдә Каһин омәј. Иврәдә шимон бә консуләти.  Билетымонән һыријәбе. Һәмон ружи нимәјжони пәрәнинбимон ки, маштәнә ружи быбәмон Рәштәдә. Дәшимон бә дылә, консуләтијәдә ко кардә мерди вотыше ки, “бәчәмә тәләбномә ҹәвоб омәни Теһрано, әве визә дој әзынимон дој бәшмә. Телексымон вығандә, ҹәвоб ни”. Консулым дој сәдо карде, чымы гәво чич беше, вотыме бәј. Вотем, “шымә кишон ки, һаштејдәнишон әмә бышәмон бәштә Вәтән – Ирон? Шымә рысво кардејдәшон Ирони ҹәми дынјоәдә!” Вотем, “визә ныдошон бәмә, и кәсән бенибәше чы бинао, аз бәтыпнем ыврәј!” Веј сыханоным воте, ә фәғырә мерди һичиш нывоте бәмы, ашиш-ашиши гушыш дој. Чандибәчандон Каһини зангыш карде бә Фәрди. Әв ше бә Ирони Дашти коон вәзарәт. Әјо вотәшонбе ки, “Москвәо һички телексыш вығандәни бәмә чә дыкәси һәхәдә”. Чәјо әлбәһол телексышон вығанде бә Москвә. Ижән оныштим консули ҹони, вотем, “шымә бәмә визә ныдој каме, һәлә дујән вотејдәшон! Телексон вығандәни, әмма вотејдәшон ки, вығандәмоне. Чыми ҹәвоби бәдошон бәмы!” Һај-ку рост бе. Сәфарәто одәмон омәјн, дәвәтышон карде мы бә сәфарәти бина. Сәфарәти мәдәни атташе омәј ки демы гәп быжәны. Вотем, “сәфир ыштән ныво, де һички гәп жәј фикәдә ним! Быдә сәфир ыштән бо, изоһ быкә ки, ым чы рысвојәтије?!” Ә мерди хәјли ловә-мыннәтыш карде, воте “сәфири тоно одәм һесте, чы сыханы һесте бәмы бывот!” Ыштә дылым тәј карде. Чәјо әвон һәммәј бә даст-почә дәгынин, визәшон һозы карде. Чәјо шимон бә кәссә, дәгишымон карде билетон. Шанго саат 12-дә пәрәјмон бә Теһран.

            Жыбызын, сыпә дәрывәбе чәмә! Омәјмон рәсәјмон бә Теһрани, и кәрән бәнемон, ыштәнәпәр һа со жәјдә Теһрани осмонәдә, ныштејдәни. Мәхлоғ һәммәј сәрәсәј ки, ыштәнәпәри шассијон обејдәнин! Һәмәкәси хыјәш кардәбе, ыштә дыләдә дыво кардејдәбин бә Хыдо. Жыго ашишибе ки, муз пәрәбәј, чәј сәдо әмәсиш! Һежо бы вахти Каһини вотыше, “зә, шассијон обејдәнин!” Тыркиш воте, әмма дәрәсәкәсән, дәнырәсәкәсән, һәммәј де гыләј ғәзәби едјәсәјн бә Каһини, бо кыште һозыбин әј! Вотем, “зә, ај нәгбәт, сывој ты јәне һички зынејдәни ыми? Ыштә гәви и кәрә бә хәј окәни!” Тикәј сырәјмон. Ыштәнәпәрән һежо со жәјдәбе. И кәрән гыләј нырәш жәј, шассијон обәјн, мәхлоғи роһат нәфәсыш сәј, шојвојыш карде!

            Аеропортәдә ныштимон бә такси, дәро гынимон бә Рәшт. Тосә маштә ныһытимон. Аз навәдә ныштәбим, әве һич ныһытим. Ромәвонән гыләј тыркбе, лап чә јавә тыркон гыләјбе! Чымы зәһләш барде! Рој дырози һежо бә ловәбе ки, аеропорти коәкон тәкси пули ыштән сәјдән, шымә тикәј пул быдәјшон бәмы! Вотем, зә машини быром, бәдомон ышты зәһримори! Бә Рәшт дәшеәдән, кам манде быкыштым әј! Беғырјәтә мерд бәнем толышон һәхәдә јавә гәп жәјдә! Вотем, “зә, ај мырдол, есә шобәдом тыни машино! Ыштә ғәләти быкә, машини быром!

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|