FЫJБЭТИ СЭJ ВАДЭМОН !

ҒЫЈБӘТИ СӘЈ ВАДӘМОН!

Деғыж

Дуст әве, хошыш ныво чәј ышты хош номә одәмон,

Дусти јавә ружи бәзнеш, бәка бәшты дарди дамон!

Бәмә дуст әбыни нодон, фәрә дышмен чоке чәјсә,

Арифә дуст быгәтәмон, бәј ҹони ғыбон быдәмон!

Сыхан һест, хәлхи дыләдә, сыхан һест, хылхи дыләдә,

Бызнәмон ыштә нырәсәј, бој ыштә ајби едәмон!

Ды һәзо сорисә веје, хәлғ кәшедә зылми-ҹәфо,

Есә озоди зәмоне, фырсәти бә фот мәдәмон!

Вәсе нокә бе чәмә хәлғ, һаштышоне жипо әмә,

Рост быкәмон ыштә пешти, нокәти шәлә шодәмон!

Чәмә дизон чандә вахте гыледән иглә бо јадон,

Чамчә пегәтән бәштә даст, бој ыштә аши чадәмон!

Деғыж, ыштә быјә гужди һардедә ғыјбәт кардә шәхс,

Гәпи бә дим бывотәмон, ғыјбәти бој сәј вадәмон!