СОJБЕ !

СОЈБЕ!

Деғыж

Чоки бә ҹој мәдә, һәјфе, бевәҹијән мәдә, ајбе,

Чоки-бәди нызнә шәхси охој һар вырәдә вај бе!

Ағылманд ә одәме ки, һич пијәјыш ни бы дынјо,

Дынјо сыри Хыдо бәзне, номышән чә елми ғәјбе!

Бочи де ләшғәри дышмен зу номәј бә Пејғәмбәри?

Охо ҹанги-ҹидоләдә Әсәдуллаһ Әли дәјбе!

Бывот, бочи Имом Әли ныбахшыше ыштә “дустон”?

Чәј пијәј вәзифә ныбе, бызынән, һәх охо чәјбе!

Вагифыш дәној бә зиндон, воте, бәжем аз ышты гиј,

Шанго кыштышоне Ғаҹәр, чәј ғысмәт огарде хәј бе!

Бовә мәкә бә тамжәли, мәвот безывонә моје,

Бәштә јод бијә Јуниси, әј ебардә һәјвон мојбе!

Деғыжим, бызнын толышон, ком хәлғон бәбен бахтәвәр,

Бахтәвәр ә хәлғ бәбе ки, әв ыштә зәмини сојбе!