ЧЫМЫ JОДЭДЭ МАНДЭJОН - 12

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 44 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

12

 

            Ијо пијејдәме ки, шымә быбахшән мыни, чумчыко чымы јодо бешән бә дәвардә сорон аид кали воҹибә мәсәлон. Чымон гыләјни чәмә бә “Независимаја газетә” бешебе. 2001-нә сори Исмоили гыләј дусти зангыш карде бә ружномә сәр редактори мыовини, маштәнәј шимон чәј тоно. Осетинбе. Зынәше әмә толышимон, хәјли шо бе, воте әмә авлодә хәлғимон. Бәпе ыштә дасто омәј быкәмон бо толышон. Гыләј јолә мәғаләм нывыштәбе, пегәтыше. 5-6  руж дәварде, Исмоил һежо занг кардејдәбе бәј, әвән вотејдәбе ки, “мәғаләм әлбәһол доә бә чап, әмма ыштәнән зынејдәним ки, ки әј бекардејдә нумрәо. Әнҹәх пештыпур быби, убәмутем, чап бәкам әј!” Хәјли дәварде, мәғалә беше: “Хәлғ ыштән һәлл кардәнине ыштә тале”. Чымы јолә мәғаләо пегәтәшбе гыләј гәдә вәслә, чапыш кардәбе. Әмма воҹибә выроныш һәммәј огәтәбе. Мәғалә јолә резонансыш дој Озорбојҹонәдә. Бәчәј әкс тосә 70 гылә мәғаләшон нывыште Боку гәзетон, һәтто Милли Мәҹлиси ыштә вијә иҹлосәдә мызокирәш кардәбе ә мәсәлә. Ымони чәмә толышон чок зынејдән, әве тәфсилоти нывыштејдәним.

            Осетини бәмә вотыше ки, һәнијән мәғалон быдән, чап бәкам. Доме бәј гыләјән мәғалә. Әмма чап ныбе әв. Сәбәбымон пешы умуте.

            Иминә сәбәб: Иминә мәғалә ки ди беше, осетини умутыше чәј сәбәб, гәпыш жәј боәмә. Мәвотбән, мәғалә һәхәдә хәбә рәсә бә Адил Нәсирови, әв де Мурвәти дыкәси шән бә ружномә редаксијә, һај-кушон рост кардә ки, “Әбосзодә, һичмәсә, провокаторе, чәј мәғалон чап карде лозим нин! Москвәдә толышон јол әмәнимон, әмә чич бывотомон, жәгоән быәнине!” Һәрчәнд ки, чәвон ым һај-ку һич гылә нәтиҹәш ныбе, интаси, вотејдән ки, муз жычи ни, әмма дыл бәјәнды жәјдә!  Фәғырә осетини чәшон бә һәдәғә бешәбин ки, “бочи ым толышон жыго пәл жәјдән бәштә хәлғи кој?”

            Дыминә сәбәб. Чымы мәғалә беше бәпештә әнәһој дәныварде, коошон бекарде чә ружномә сәр редактор. Әјән бывотым ки, һәмон ружномә сојб  Борис Березовскибе. Редаксијәдә бәмә вотышоне ки, “бәзне бе, Һејдәри вотәше бә Березовски, әјән бекардәше әј коо”. Ыштән бәзнен.  Әмма пешы гыләј женышон тәјин карде сәр редактор. Әј сәдош карде әмә. Де Исмоили шимон чәј тоно. Жен воте, Березовски вотејдә ки, әмә һозымон толышон һәхәдә мәғалон чап быкәмон. Интаси бәпе Әбосзодә һар гылә мәғалә охојәдә ды-се ҹумлә бынывышты бә Владимир Путини әкс!”

            Һичимон нывоте, бешимон чәјо, һәни нышимон чә жени тоно. 

            Дыминә мәсәлә. Товыстонәдә ружон ружони ныштәбимон Исмоили быјә рәһмәтуллаһ Јароғлани кафеәдә, бәнемон чәмә тоно гыләј ҹывонә мерд ныштә, бә гәпе дештә дустон. Исмоил воте, “зынејдәм әј, веј лозимә одәме!” Ше, сәдош карде әв бә кәно, умутымоне ки, һәғиғәтән воҹибә одәме, есә ко кардејдә ружномә “Завтрә” сәр рдеактор А. Прохонови мыовин. Дәвәтыш карде әмә, маштәнәј де Исмоили шимон бәчәвон редаксијә. Проханови ғәбулыш карде әмә. Незки таныш бе де Исмоили. Мәвотбән, 1993-нә сори Јелтсини де Русијә Довләти Думә мәлумә мәрәшулә вахти Исмоили де машини сәлјәркәш бардәјбән бо парламентәдә мыһосирәдә быәкәсон, әлбәһолән бешә чәјо шә. Проханови китобыш нывыштәбе чә ғәзијон һәхәдә. Воте, чандә соре нәвејдәм ки, умутым, кибе ә шәхс? Есә ки зынәше, Исмоил быә ә одәм, дәвәнгош гәте әв, сәғбиш воте, чәјо вотыше бәштә мыовини: “Че ружномә гыләј сәһифә быдән бә толышон ихтијор, быдә әвон бынывыштын ыштә хәлғи һәхәдә. Жыго бынывыштән ки, быдә Һејдәри зонығон быларзын!”

            Чәјо дыглә нумрәдә чәмә материалон шин. Пешы бәмә вотышоне ки, “Москвәдә ружномә чап карде веј боһо бә сә омејдә. Чәмә имконымон ни ки, вәомәдә шымә материалон быдәмон. Һич ныбо, чәмә мәтбәә харҹон быдән, камишијән пул быдән бәчәмә бә мыхбири ки, әв мышғол бејдә дешмә сәһифә бекарде, чанәон пијејдә, чап быкәсон!” Сыхани рости, ҹәми 1400 доллар лозимбе! Интаси әмә пәјдомон нызнәј карде ым мәбләғ, әве һәни әјоән нышимон.

            Ымон һәммәј тарыхин, чәмә хәлғи ҹанги тарых, ымони әбыни јодо бекарде!

 

Идомәш һесте

 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|