Разделы
Архив
| Пн | Вт | Ср | Чт | Пт | Сб | Вс | |
|---|---|---|---|---|---|---|---|
| 1 | 2 | 3 | 4 | 5 | |||
| 6 | 7 | 8 | 9 | 10 | 11 | 12 | |
| 13 | 14 | 15 | 16 | 17 | 18 | 19 | |
| 20 | 21 | 22 | 23 | 24 | 25 | 26 | |
| 27 | 28 | 29 | 30 | 31 | |||
Рассылка
Оцените содержание статьи?
МАВЈӘ МӘШО ПЕБӘЛЫШТЕ!
Деғыж
Дард бәнә дыдвәје, бојлим, пебәловнеш, ебәныште,
Бә тимәли ро бәдош ты, одәми сәјсә бәныште!
Сипириш бәј бәвотем ки, ыштә ғыјзи ебәкыште,
Сипириш әбыни ә шәхс, ғыјзику одәм бәкыште!
Чәшдәхыл хорәк бывиндо, әнәтәклиф пебәчаште,
Һәмро чәш бәкарде тывох, чәво камиши бәчаште!
Һәлолә нуни бәһа мерд, ыштә бығон пебәрыште,
Пешт бәбе бо мерди әв, номердән тәлә бәрыште!
Бемашә жен жыго бәзне, гандым гужде, обәбыште,
Гуждијән гандым бәзне әв, бәнә гандыми бәбыште!
Арифә вәју вахтбәвахт ыштә корпә ебәдоште,
Маши чәми нызнә одәм вошәдә боғи бәдоште!
Тангһовсәлә мерд һәхноһәх ышты ҹони обәныште,
Пурһовсәлә бәкарде сәб, ыштә вырәдә бәныште!
Тади бәбе лырдинә жен, ғаб-ғәҹәғи пебәшыште,
Машәкә вәју, есә бој, һарчи де сәбри бәшыште!
Мавјә ә одәме, Деғыж, ышты мәшо пебәлыште,
Лыште бо мол-мәлә омә, зандәго гуги бәлыште!
Комментарии (0 добавлено)
Политика и экономика
Интервью / Заявление
