ЧЫМЫ JОДЭДЭ МАНДЭJОН - 11

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 23 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

11

 

            Сыфтәнә ды-се нумрә пули жәгонә чокәси дојдәбимон. Забил певыло кардејдәбе ружномон. Номхыдо, ружномә есәнә нумрә һозы бенҹән, әвиндим омәј, јолә конвертонән һозын, чәвон һар гыләјни сәпе нывыштә быә ки, бә ком мәмләкәт, ком шәһр шәнине! Жыгонә, бә Русијә, Белорусијә, Озорбојҹон ијән ҹо мәмләкәтон, де бә Авропә певыло әкәј ружномә! Тосә бо есәнә нумрә беше, чәј пулијән гырдә әкәј, әвәј әнәј бә мијон! Ым гыләј јолә меҹузәбе! Ружномә ыштә кој виндејдәбе!

            Пешы ғејдијотомон дәвоније ружномә. Колпиноәдә Олег номәдә гыләј урусә зоә жијејдәбе. Мысылмонәтиш ғәбул кардәбе, ыштә номышән ноәбе Әли. Чәмәһон һич гыләјни Русијә шәһрванд ныбе. Әве, сәнәдонымон һозы карде бә Әли ном, едаштымоне бә ғејдијот. Зангышон карде бәмә меријәо, иҹо шимон. Һилали и килоә бәнкән фејхоә мырәббәш пегәтәбе ки, гәвшини бәдом. Вотем, “Һилал, бә идорәдә рышвә де мырәббә пегәтејдәнин! Әјо һич гәвшини номијән мәгәт, һәлә бунәмон чич бејдә”! Мылхәс, гыләј нимовә женбе идорә рәис. Чоштәку камиши дәвардәбе. Һежо дәшимон бә дылә, зынәме ки, жен камиши мәсте, пешомәше. Хәјли гәпымон жәј. Иминә сыханыш ым бе ки, “чымы ијо гыләј ланконыжә танышым һесте”. Ыми вотенҹән, әмә зынәмоне ки, Озорбојҹони диаспорә сохтемони узвон гыләјни бәбе мәвужи! Зынәмоне ки, әв бызно, ружномә ғејдијото дәнибәварде. Әве папе ныбимон бәчәј вотә ланконыжи. Жен воте, “уруси зывонәдә шымә хәлғи ном “талыше”, бочи “Толыш” ноәоне ружномә ном?” Чәј ҹәвобымон дој. Пешы жени вотыше, “адәтән одәмон ијо омеәдә, гәвшини вардејдән”. Нишош дој бәмә компјутерон ијән ҹо чијон ки, гәвшинишон доәбе бәј. Чәмәһон гыләјни вотыше ки, әмәнән ыштә зувышкәј һозымон быдәмон. Жени ки мәсәше, әлбәһол зангыш карде бәштә мыһосиби, воте, чәмә идорә ды манги иҹорә пули һисоб быкә, бијә. Чәмә ранг пәрәј. Мерди вардыше, бәнемон и һәзо долларисә веје мәбләғе! Вотем, “әмә хәлғи роәдә ко кардејдәмон. Чәмә һич бо ружномә пулымон рәсејдәни. Бәмәку анәдә пул ни!”  Сыхани рости, жен сы дәражијәј, тикәј керахт бе, ыштәныш гин карде. Чәјо бәштә мыовини вотыше ки, “бочи огәтәмон ым кој, бијә лисензијә, тәсдығ быкәм”. Хыдоку бе, тәсдығыш карде, едаштыше бәмә. Шојво карде-карде бешимон чәјо. Интаси маштәнә ружи рәиси мыовини зангыш карде ки, “рәис мыни кыштејдә ки, тәҹили сәдо быкә әвони, әмә сәһвымон кардә, лисензијәмон доә бәвон!” Жени ловә-мыннәтыш карде ки, “Тыны Хыдо, боән!” Маштәнәј ижән шимон. Рәис ыштән ныбе. Жени ловәш карде ки, “лисензијә быдән бәмы”. Вотем, “һич жәго ко ни! Рәиси етирозыш һесте, быдә бә мәһкәмә, әјо һәлл бәкамон!” Огардимон омәјмон. Һәни хәбә беныше чә рәисику... 

            Де ружномә паралел, дәмандимон бо толышә китобон чап карде. Иминә китоб “Зулфуғар Әһмәдзодә выжнијәбыә әсәрон” бин. Китоби мәтн һозы бе бәпештә, шимон гыләј ланконыжә әрбобә бизнесмени тоно. Сыхани рости, әј ыштән бә Забили вотәшбе ки, “һозым бо китобон чап карде”. Хәјли гәпымон жәј, бәнемон вәрсәғе вотејдә! Бешимон омәјмон, чәјку һәни сәдо беныше. Китоби пул – $500 Һилали доше. Әмма китоб бешенҹән, Забил дәманде әј бо певыло карде. Азән әлбәһол пегәтыме хәјли китоб, омәјм бә Москвә, дәмандим ијо әј бо певыло карде. Чымы зынәјку, се һәзо рубл Адил Нәсирови доше. Чымы мәрһумә быјә 10 һәзо рублыш дој. Ҹо әғылонән ыштә зувышкә комәгышон карде. Се ружи бәдигә омәјм, бәнем, Забилијән хәјли китобыш һәватә. Һилали пулымон вабәзијод дој бәј! (Чандә соронин, Һилал һар вырәдә вотејдә ки, “Зылфи китоби пул мы доме”, әмма һич мәсәмни бывоты ки, се ружи бәдигә вабәзијод дошоне бәмы ә пул!).

            Пешы рәһмәтуллаһ Әвәз миәллими “Толыши зывони грәматикә” мәтн Акиф Меһтәмәнсони вығандыше боәмә. Редактәм карде. Бочәј чапи $1200 лозимбе. Де Фамили шимон бә Минск, Зылфи китобымонән барде. Чә пули нимә Каһини доше, ә нимән Минскәдә жијә гыләј ҹо толыши доше (чәј номи нывыште мәслоһат зынејдәним. Хыдош комәг быбу!). Грәматикән жыго чапо беше.

            Чәј бәпештә хәјли китобымон чап карде. Чәвон гыләјни “Уруси-толыши гәпжемон”бе. Ружи интернет форумон гыләјнијәдә гыләј тыркә зоә нывыштәшбе бәмы ки, жыго гыләј гәпжемон лозиме. Бәј нывыштыме ки, и һафтә чәш быкә, бәбе! Ныштим шәв-руж, нывыштыме. Чымы зоонән хәјли нывыштышоне. Бә Забил вотыме ки, “чыконҹо пијејдә, пули пәјдо быкә, чымы дыл бәтәке, еһанә ым китоб бә и һафтә чап ныбо!” Хыдош комәг быбу, гырдәш карде. И һафтә бәпештә китоб беше! Вығандыме бо ә зоә, ашиш бим.

            Ејни вахтәдә Бокујәдән хәјли китобымон чап карде. Аз әһандим, редактә әкәјм, әвғандим, Огтај әјо чап әкәј. Бә вахти Бокујәдә бешә толышә китобон һәммәј сәғби бә Мәло Фамили егынејдә!

            Ијо Каһини һәхәдә ды-се кәлимә бынывыштым. Тосә бә вахти аз таныш ныбим деәј. Интернет форумонәдә кали чијон әнывышти, сыхани рости, һич розијән ныбим дечәј кали фикирон. Бә вахти Һилал веј әлоғә оәгәти деәј. Ружи Һилали вотыше ки, Каһин де гыләј ҹо толыши меһмон бомен бәмә. Ијулә манги 12-дә Забили мовардә ружбе. Һәмон ружи маштә-маштә омәјн, таныш бимон. Чәјо Забили гыләј пәсыш һыријәбе, пегәтымоне, шимон бә гыләј танышә уруси боғ. Әјо обырниме пәс, кәбобым карде, шымә вырә мәлум, чокә һарды-һәшымон карде. Пешы дәмандимон бә гәп. Хәјли но-пегәтымон карде. Сыхани гыләј вырәдә Һилал воте ки, “зә, Каһин, аз сәдом кардәбе ты ки, бој бәмы дастәк быби, әмма ты оменҹән оваштиш бә Миәллими тәрәф”. Тикәј зәрфәтимон карде. Шанго әвон шин. Шеәдә, Каһин воте, “Миәллим, ышты хәјли нәзәрон ғәбул кардејдәм, әмма дешты кали нәзәрон рози ним, ты исботы нызнәј карде ыштә кали нәзәрон!” Вотем, “чымы Билә, ты меһмон омәш бәмә. Әве чымы мәғсәд чичисә бәты исбот карде ныбе! Лозим быбо, әјән бәкам!” Жыгоән сыре-сыре дәромон карде әвон. Чә ружику һежо иврәдәмон, јәне ејни идејә пләтформәдәмон де Каһини. Толыши роәдә гирәм һич ныбо са гылә толыши Каһини кардәјон ғәдәрәдә кош кардәбәј, пулыш харҹ кардәбәј, бәвәдә чәмә хәлғи ко есә веј бә нав шәбе! Орзум әве ки, вејнә толышон нызнонән, һич ныбо, Хыдо бызны чәј бәштә хәлғи кардә хыдмәтон!

 

Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|