ЧЫЛМЭJ НУН

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 8 голосов)
Изменить размер шрифта Decrease font Enlarge font
image

 

ҸЫЛМӘЈ НУН

Бәһмән Салеһ

 

Сорхај гыләј косибә мердбе. Нә һестышбе гыләј чокә сә, мәктәб баһанды, сәнәтсојб быбу, нә һестышбе шинә гәпыш, и кәси бекә роо, ҹылмәј нун ғәзәнҹ быкә. Һестышбе дыглә зумандә даст, ижән хәшә андом, физикијә ко карде зынејдәбе. Борәко, пәләко, тәвәко, сығәко… жыго-жыго чанә ко бывотон, карде зынејдәбе. Һа руж әши бә Ғулә выжор, ко-роси әкәј, шанго ҹылмәј нунә пул әбәј боштә баләлијон.

Ымруж чанә манде, чанә чәш кардыше, чы иллофон кардыше, и кәс бәј нез ныманде ки, быбә, који быдә карде, әвән мәноти бијә бәштә даст. Нимәјжәбе, бәрк вәши гәтыше. Незијәдә гыләј фәһлә һардхонә һестбе. Ше дәше, ныште гыләј мизи пештонәдә. Ванг кардыше бобәрчин, пијәше гылвонијә моғнә де шинәчај. Нуно гәволә кардыше. Арыштыше гыләј моғнә, лу кардыше, чәј дыләо беше кижә. Дыминә моғнән жәго. Ку-пәшимон бе, гәви овыш емәј мизисә, дылыш кам манде бешу ему бә искан. Гәвош ҹылмәш ту карде бә даст. Дастыш гәте жи мизи. Сәдо кардыше бобәрчин. Гәво, бекәо, чәшо овше-ше вотыше: Шикат бәкардем, һежо демон шејдәм бә полис!

Бә һај-ку һардхонә мудирә Зәләмә ханым омәј беше, вотыше:

      ә, педыријәпочә, һички әмәсни ышты шикати, мыни бәмәсен һаҹо.

-Чокнә јәни? Һәх бәманде, ноһәх бәпыје?

      әмә капиталә ҹәмјәтәдә нише вырә, ныфуз бәнә ты лумә пролетарии. Һукмәтән, ғанунән, мәмурән дијә кардејдә бәчәмә дасти. Сәдо рост быкош, моғнә әвәзи бәстем ыштыку каги пули! Занг бәкардем бә полисән, тыни понзә суткә бәдом егәте! Чокиш әве, сәғәломәт бәшт быши бәштә кә. Маштә бојш, тәмиз бәкардеш че һархонә зәрулә, чымыку нунә пулән бәстәнеш, нимәјжән баһардеш!

Сорхај һут бе бә Зәләмә хаными вотәјон. Чич бывоти? Понзә суткә быһыто, баләлијон бын чандә ружон чич баһарден? Маштә әшыни бә Ғулә выжор, ко һесте бо маштәнә, ғәзәнҹ бәкарде ҹылмәј нун.

Сорхај әште сәпо, пегәтыше мизи сәпе мандә нун, дәноше бәштә ҹиф, дәро гыније бәштә дудимон. Думотоно омәј Зәлимә хаными сәдо:

      -Сыханымон сыхане һа!

Сурхај даһаштыше лынг, едјәсәј бә думо, кәшәше гыләј аһ, сәш ошанде. Бә ҹылмәј нуни бәло гыни ым косиб чич бәвоте охо?!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|