ЧЫМЫ JОДЭДЭ МАНДЭJОН - 9

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 102 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

9

 

            Мылхәс, бә коврә бәрәсе, дәмандим бә ко. 1999-нә сори нојабри 10-дә де Исмоили шимон бә “Кијевски вағзал”. Адил Нәсирови офис бејдәбе әјо. Таныш бим де Адили. Мурвәтән әјобе. Хәјли гәпымон жәј. Бәмышон нишо дој ружномә “Талышски вестники” тожә бешә нумрә. Бә ғәрор омәјмон ки, иврәдә идомә быкәмон ым коон. Пешы таныш бим де Азәр Мәммәдови. Ружномә коон һәммәј әв бардејдәбе. Азәр воте ки, чандә вахте “Авестә” ҹәмјәти сәнәдонымон едаштә бә Москвә һукмәти, әмма чәвон Әдлијә назири мыовин тәсдығ кардејдәни әј. -“Бочи?”. – “Вотејдә ки, ком ғыввә мандә шымә пештәдә, әмә зынәнинимон ыми!” Исмоили бәштә гијыш пегәте ым мәсәлә.   Ды-се руж дәныварде, Исмоил воте, “вотәме бә и кәси, занг бәка”. жәгоән бе. Сәдошон карде Азәр бә вәзарәт.  Хәјли дәварде, бәнемон, Азәр сыре-сыре омејдә! Сәнәдоныш варде. Тәсдығышон кардәбе!  Азәри шојво сә-быныш ныбе! Әмә һәммәјән шо бимон, шојвомон карде. Вотем, зә, бәс чич бе ки, жыго тадибәсә тәсдығышон карде? Азәр: “Рост бим бә вәзарәти пујәсә, бәнем назири мыовин мандә ыштә кабинети бәјсә, чәш кардејдә мыни. Мыни винденҹән, воте ки, зә, бочи доәоне занг карде? Аз тарсејдәм, чәмә назири коо бебәкан! Лозим ныбе, әмә беәјән тәсдығ әкәјмон!” Азәри вотәшбе ки, “шымә ыштән вотыоне ки, ки мандә шымә пештәдә? Әмәнән нишомон дој бәшмә! Һәни чәмә чы гыно?” Мылхәс, “Авестә” рәсми ғејдијото дәварде.

            Бы мыддәтәдә һәм иҹо әнәвимон шәһри, молағат әкәјмон де ијо жијә толышон, һәмән ружномә сәпе ко әкәјмон. Чәмә чы коон нәтиҹон гыләјни әв бе ки, 2000-нә сори иминә кәрә Москвәдә Толышә Нәвузә идымон дәвоније! Гыләбәгылә нәвәјмон һәмә толышон, сәломон жәј бәвон. Че Москвә “Красногвардејски” метро стансијә незијәдә быә гыләј гәнҹәвыжә жени ресторанәдә гәпымон жәј. Сады да кәсисә веј одәм омәј. Чәмә толышә муғәннијон һандышоне. Дылисыхт идымон карде!

            Интаси Толыши ко һич вахти бе вот-вож, беғыјбәт, бешајиә дәвардејдәни. Бәвәдән жәго бе. Кали одәмон дәшин бә мијон, певылошон карде ҹурбәҹурә ду-тәлбисон. Вәзјәт бә вырәј рәсәј ки, аз есијәјм чәвонку. Сәломмәлејкымон манде, әмма вотем, һәни чәмә иврәдә ко карде ғејри-мымкуне!

            Пешы Исмоили “Плошад Иличәдә” гыләј дуконыш пегәтәбе бә иҹорә. Чә дукони гыләј јолә тәнәбиш һестбе. Әјо чәмә толышә әғылон “Һусејнијәшон” окарде. Чыми бәпештә әмә һәммәј гырдә бејдәбимон әјо. И кәрә Адил де Мурвәти омәбин әјо. Адили мыныш окырније бә кәно, воте ки, “һарчи быә, быә, бој јодо бекәмон быә сыханон, ижән иврәдә ко быкәмон”. Вотем, “Адил, чымы бәты пожәнәти карде фикым ни, әмма чәмә иврәдә ко кардејән һәни ғејри-мымкуне. Хыдо хәј быдә бәты! Һар чы комәг лозим быбо, ыштә дасто омәј бәкам, әмма ыми мәвот бәмы!”

Иминә кәрә бә Һусејнијәдә таныш бим де Мәло Фамили. Ироно омәбе. Деәјән хәјли но-пегәтымон карде, мызокирәмон карде ыштә коон.

            2001-нә сори јанварә мангәдә компјутерым һыријәј. Де Азәри гәпым жәј ки, әв гыләј кә бә кирә быгәты бомы ыштә мәнзыли незијәдә, азән куч быкәм бом әјо. Мәғсәдымон ымбе ки, бино быкәмон ружномәку, дыкәси дәрҹ быкәмон әј. Интаси кали коон бин ки, әвон дәгордынишоне чәмә планон.

            Хәбәм һестбе ки, Һилал Санкт-Петербурги шәһр Колпиноәдә жијејдә. Ружи аз де дыкәс тырки де машини шәбимон бә Санкт-Петербург ыштән коон думо. Шанговәсәј огардимон. Роәдә вотыме бәвон ки, боән быгардәмон бә Колпино. Чымы гыләј дуст жијејдә әјо. Бәвиндем әј, һол-әһвол бәкам, чокыш пишвоз карде әмә, бәшмә гыләј Ләвәнгијә пыло һардыһәши бәдом, ја бевәҹ пишвоз быко, бәшемон бәштә ро. Омәјмон бә Колпино, выжори вәдә һаштымоне машин. Әвон мандин машини тоно, аз шим нәвәјм бо Һилали. Толышә әғылонку парсәјм, вотышоне ки, есә ијо ни, әмма чәј нунә дукон выжори бәјсәј. Вотен, конҹо быбо, есә боме бебәше, дукони басте вахте. Омәјм пемандим де выжори навбәнав. Хәјли бәпештә бәнем Һилал чәшәвәно карде-карде бешејдә выжоро. Зынәме, бомы нәвејдә. Виндыше мы, сыре-сыре омәј, дастбәгиј бимон. Хәјли шо бе ки, аз омәм чәј тоно. Хәјли гәпымон жәј. Вотем, аз ҹојли ним, одәм һесте демы, шәнинимон. Воте, һич жәго чиј ни, бә кә бәшемон! Ныштимон бә машин, омәјмон бәчәвон кә. Чәј һәмро Баһар, Хыдош комәг быбу, де сырәдијәни беше бәчәмә нав, хәшомәш дој. Хәјли хәбәһолыш карде. Һилали рукә быјә Сәлаһәддин ијән чәј ғәјн Мәнсурән әјобин. Чич шымә сәј быдожным, ләвәнгијә пыло омәј, шин-шини һардымоне. Пешы бә тырконым воте ки, шымә машин бәромешон, тикәј быһытән, әмәнән дарды-дыл быкәмон.

            Гәпым жәј бо Һилали ыштә планонку, чәмә Москвәдә кардә коонку. 1993-нә сорику жыго быә коон һәммәј һәхәдә гәпымон жәј. Сипјәсывони әмә дәро гынимон.

            Твери вилојәти шәһр Вышни Волочеко бә Москвә тәғрибән 300 километрәје. Мандәбим че Москвә ијән Волочеки мијонәдә. Манги бы сәдән, бә сәдән шејдәбим бә Москвә, де һафтон мандејдәбим әјо.

            Пешы и кәрән шим бә Колпино. Бы сәфә әјо таныш бим де Забили. Чәј бәпештә и кәрән Забили зангыш карде ки, бәс әмә де Һилали шејдәмон бә Москвә, тынән бој. Аз зыкомбим бәвәдә, һич һолым ныбе. Әмма әв һәкәм манде ки, һукман бој. Чорночор азән омәјм. Адили тоно гырдә бимон. Заһирәддинән омәбе. Хәјли гәпымон жәј. Әмма виндејдәбим ки, чымы оме кәсојби дыло ни. Пешы Адили дәвәтыш карде бәштә кә Заһирәддин, Һилал ијән Забил. Аз мандим чәмә толышә әғылон тоно, чәшым карде әвон. Адили кәдә вотәшбе бәвон ки, “аз шымәным дәвәт кардә, шымә бочи әвон вардә?” Аз ыштәным вәғын ныној. Маштәнәј огардимон бәштә кәон.

            Де минволи омәј рәсәј 2002-нә сор. Һәни гырд һозы быәбим ки, куч быкәм бә Подолск (Азәр әјо жијејдәбе). Әвәсорәдә Забили зангыш карде ки, “Фамил омә, Колпиноәдәј. Тынән бој, бә иҹо но-пегәт быкәмон”. Маштәнәј шим бә Колпино. Мызокирәмон карде. Бәмы тәклифышон карде ки, аз бом бә Колпино, ијо бекәмон толышә ружномә. Аз рози бим. Мајә мангәдә кучым карде бә Колпино.

            Чо кәси дәмандимон бо ружномә һозы карде. Чымы шәртон ымонбин: “Гирәм шымәһон гыләјни пијејдәшбу сәр редактор быбу, чымы етирозым ни”. Вотен, “ты быби сәрредактор”. Вотем, “чок, әмма шәртым һесте. Ружномә материалон иҹо мызокирә бәкамон. Әмма аз беком ружномә, әв быәнине сијоси ружномә. Әве, чәј симо аз мыәјјән бәкам. Дыминә шәрт ыме ки, ымруж де хәј-сәломәти бино кардејдәмон бы кој. Шымәһон һич гыләјни ружон ружони мәвоән мәвотән бәмы ки, ја имкон ни, ја ҹо сәбәб һесте, бој мывәғғәти быбу ја даими огәтәмон ым кој. Аз ки бином краде бы кој, детобә охој бәшем! Чумчыко хәлғ рост сәнибәрәсе әмәни! Чанәдә бә даст дәној бәбе ым хәлғи! Мадәм дәмандејдәмон бә ко, бәпе ым ко һәм системин быбу, һәмән даими! Семинә шәртым ыме ки, аз һич вахти нез нибәшем бә пули. Шымә ыштән мышғол быбән де мәсәлон. Чоминә шәрт: Һәшт сәһифәјнә ружномә гыләј сәһифә һәср бәкамон бә толыши әдәбијоти, шаирон ијән әнывыштон. Ым сәһифә һозы бәкан Һилал де Забили. Ружномә мангәдә ды кәрә бебәкамон. Жыго быкән ки, вахтәдә һозы быбу шымә сәһифә”.
            Рози бин. Аллаһ, Мәһәммәд ја Әли! Дастонымон бә пе карде, дәмандимон бә ко!

  Идомәш һесте

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|