ЧЫМЫ JОДЭДЭ МАНДЭJОН - 5

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 19 голосов)
Изменить размер шрифта Decrease font Enlarge font
image

 

Фәрмони Фәхрәддин Әбосзодә

ЧЫМЫ ЈОДӘДӘ МАНДӘЈОН

5

 

Чымы хосә һандәкәсон! Ыштә шәхси шимони һәхәдә ки ымони нывыштејдәм, быдә һандәкәсон жыго фикир ныкән ки, анә вахти аз мышғол быәм иглә дештә коон. Һәлбәттә, не! Бы мыддәтәдә хәлғи коонымән јодо бекардәныбе.

Сыхани рости, дырыст јодәдәм ни, сентјабрә манги чандбе, чымы зынәј, де Шәфаһәти иҹо сыфтә-сыфтә шимон бә Нәшријот, бә “Толыши сәдо” ружномә редаксијә. Әвәз миәллим рәһмәтуллаһ ыштә вырәдәбе. Хәјли сыханымон карде. Бәнем, мерд гырд һәвәси гынијә. Һар вырәо әштә пантыркист дучо бејдәбе бәчәј ҹони, гәвомәј вотејдәбе бәј. Ә фәғырән мандәбе гырд авәрә-сәргәрдон. Вотем, “чич бејдә, быбу, әмә әзынимон хәлғи кој нимәдә огәте. Ым гәтһагәтон, тәғибон һәммәј дәбәварден бәшен. Һукмәти мәғсәдән әве ки, әмә һәни һич вахти рост ныкәмон ыштә сәј. Әмма әмә бә нав шәнинимон, һәрәкоти бә нав бардәнинимон. Бомироән иминә нубәдә ружномә дәрҹи идомә кардәнинимон. Ты чич вотејдәш, розиш бо карде?”

Воте, “быбахшән мыни, аз бешом коо, чок бәбе, чымы һәни зум мандәни”.

Вотем, “чок, бәштә мәслоһати дијә быкә. Бы коәдә мәҹбуријәт ни. Жәгобу, һәлә ки аз ыштән сәр редактори сәлоһијәтон иҹро бәкам, ружномә бебәкамон!”

Пешо шимон бә С. Вурғуни боғ. Чәмә мијонәдә мандә әғылон вејни омәбин. Сыханымон бә иврә ној ки, хәлғи кој идомә быкәмон, һәм ружномә вадәмон, һәмән ыштә тәшкилотон бәрпо быкәмон. Әјо аз ғәссәмым һарде мәхлоғи вәдә. Вотыме: “Бәшмә сыхан дојдәм ки, тосә охој бәшем бы роәдә. Ымијән ғәссәм һардејдәм ки, ыштә умри һәср бәкам әнҹәх бәчәмә хәлғи кој! Бәчәмә хәлғи аид ныбыә һич гылә сијоси һәнәконәдә дастым әбыни!”

Тарыхон дырыст әзыним воте, һандәкәсон быбахшын мыни, әмма һежо бә вахти де гыләј јолә һәвәси дастонымон бә пе карде, дәмандимон бә ко. Ән јолә комон әвбе ки, Әләкрәм һәбсхонәдәбе, һар һафтә Ланконо чәмә ҹәмат омејдәбе, Бокујәдән гырдә бејдәбимон, һәммәјәво шејдәбимон бә Президенти апарәт, бә бејнәлхәлғә тәшкилотон Бокујәдә быә офисон, тәләб кардејдәбимон чәј озоди!

Мәсәлә омәј рәсәј бә ружномә бекарде, бәнемон, чандә гылә ишкилон бешејдән бә мијон. Иминә, һәмән ән јолә ишкил ымбе ки, Мәтбуоти назир – ә номерди зоә номерд Сабир Рустәмханли дојдәныбе чәмә ружномә лисензијә. Ружон ружони ижән бо Әләкрәми озоди тәләб кардејро бә Президенти апарәт шәнинбимон. Вахт һестбе һәлә, чәш кардејдәбимон Ланконо омәкәсон. Аз гәдә-гәдә шим бә Мәтбуоти вәзарәт (бә вахти Коммунисти ҹадәдә бејдәбе). Омәјм дәшим Сабири тоно, вотыме бәј ыштә оме мәғсәд. Вотем, “бочи дојдәниш чәмә ружномә лисензијә?”

Дәманде бо һәвәлә-гәвәлә воте. Бекардыше чәмә ружномон чандә гылә нумрон, воте, шымә чәмә чәши вәдә выло кардејдәшон Озорбојҹони, әмә имкон нибәдомон быми, әве лисензијән нибәдом бәшмә!” Хәјли гәвомәјыш воте, азән хыјәм кардәбе, гуш дојдәбим. Сәш карде ыштә сыхан. Вотем, сә карде? Воте, “һа!”

Дәмандим де фајхи бо гәп жәј: “Мәсәлә бымәдәј ки, чандә сорон дыләдә толышон һәммәј һытәбин, һич фик дојдәныбин бә жыго коон. Әмә һәммәј бовә кардејдәбимон ки, чәмә быјән тыркон. Жыгонә, толыш бехәбәбе дынјо һәмән Озорбојҹонәдә шә коонку. Ружи пәјдо бе гыләј Сабир Рустәмханли, нывыштыше ки, һичмәсә, Толышә бандон “Јардымли бандонинбән”, бә Варғәдиз шә роәдә быә “Јолә оҹәғ” – “Јол оҹағы”јебән, Јардымли зәмин ғәдимику жыго һежо тыркон зәминебән...”

Отәшбәгәв бе! Воте, “аз ыштән анә кооным кардә бо толышон, әмма шымә чымы ым сыханонон пәрчәм кардә ыштә дастәдә, хәлғи сәј хәроб кардејдәшон!..”

Де фајхи вотыме: “Аз парсәјмхо ыштыку, сә карде ја не? Тынән вотеш, бәле! Ты бы чандә сорон дыләдә һежо гәпы жә, һежо ајбләкә ноә бәчымы хәлғи ијән бәчымы Вәтәни! Есә һа тариф быкә ыштәни, һич бәчымы ејнән ни! Чумчыко аз чок бәләдим бәтынән, бәшты нывыштәјонән! Һовсәлә быкә, гуш быдә бәмы, мәјдон есә чымыне! Шымә жыго зынәоне ки, ТММР гыније, демијән сә бе толыши ко? Сәһвәдәшон! Толыш ки есә рост быә, һәни һички гәте әзыни чәј нави. Әмә бәстемон ыштә һәхи, ыми чок-чоки огәт ыштә јодәдә!”

Мылхәс, 59 дәғиғә ечыпниме бәчәј курки (чәј кутәдә јолә саат һестбе дивоәдә)! Сәм карде. Манде-манде, һичиш нывоте. Сәдош карде ыштә котибә, воте бијә чы ружномә лисензијә. Имзош ној, мыһиш жәј, едаштыше бәмы. Вотем, “жыго әбыни! Ази ијо омәним ки, лисенсијә быстәным ыштыку. Зәһмәт бәкәшеш, лисензијә бәвғандеш бә редаксијә!” Һәх бе манде, аз бешим омәјм бә Президенти апарәт.

Пешо мәлум бе ки, бо ружномә чап карде ләвошә осынымон (фалга) ни. Фәғырә Сәадәт миәллими де тәһәри пәјдош карде пул, һыримоне осынән. Де минволи, ружномә беше! Һежо ијо бывотым ки, бы коәдә ән веј әзјәт кәшәкәсон гыләјни Шаһларбе, Хыдош комәг быбу! Шәфаәт һич, әв шәв-руж демыбе. Чики номым јодо бекардә, быбахшы мыни! Бәштә чәши вә бәзнешон варде ки, ым чы јолә идбе бочәмә ҹывонон! Мир Тәғи навбәнав омәбе ки, ружномә быбә бә Ланкон! Ыштә ҹифонәдә быә охонә пулонымон гырдә карде, домоне бә машини ки, чәмә ружномә быбә бә Ланкон, чәјоән әғылон певыло быкән әј бә ҹәми Толыши!

 

Идомәш һесте

 

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|