КОНЧОJ БЭТЫКУ Э FЫРJЭТ ?

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 10 голосов)
Изменить размер шрифта Decrease font Enlarge font
image

КОНҸОЈ БӘТЫКУ Ә ҒЫРЈӘТ?

Бәһмән Салеһ

 

И кужәдә, јәнды һамсијәдә жијејдәбин. Һар дыкәс гезыһозһыәкә-әһватбин. Дыкәсән вевбин, гыләјни мерд, ә гыләјни женбе. Мыһорибә и кәси мерд, чә кәси женыш сәшбе чәј дасто. Синышон дәвардәбе нимәку. Һајышон һестышонбе кури хыјзон. Нә мерди, нәән жени ныбешоне тожәдән мердхыванд, женхыванд бе фикир.

Һа выжор мерд һәј бә бо әкәј, әнә гезы дәәбасти ки, гезы жијәдә һә нәчиј. Мерд дәәши бә нав, һәј ныхтә әгәти әши, һәән еәгыни чәј думо, фырсе-фырсе әпој. Выжори и тонәдә әмандин, тожә нимәјжә әһватин гезы. Печоштә кужәбәкужә еәгынин, кәјбоно, дәрвазоно сәдо әкәјн: Һа гезы быстән. Тосә шанговәсәј ыштә ружи жыго дәәвонин. Гезы рә бә ко шеәдә, рәән бә кә әшин. Гезы бә ко нышеәдә, дәәгынин бә шәв. Шанго тојки даршеәдә әвојн беәшин бәштә кә.

Жен де шәлә әши бә выжор, ә нәһәнгә жен гезыә шәлә жијәдә дывәлунә әби. Кәноо дијә кардәкәсон жыго әзынин, гыләј гәдә тәпә фырсејдә де зәмини, шејдә. Женән әрәси бә выжори, ыштә шәлә әнәј чә гезыәһватә мерди палијо, де чәш-бәви сәлом әдәјн бәјәнды. Выжорәдә гезы бә ко нышеәдә умуж әгынин бә ијәнды, еәгынин бә кучәсәон, ја бә иврә, ја ҹо-ҹо сәдо әкәјн: Һа гезы әстән”. Һәј шәлә бә кам беәдә, мерд әстәни жени гезыон, әнәј һәј кутисә, әпојн бә иврә. Һа жыго, гезыон әһватин бә иҹо, һырд-һырди гәп жәј-жәј оәгардин әвојн бәштә кә. Чәвон гәпонән ыштә һырдәнонку әби. Ијәнды һол-әһволи сәј һоләдә ныбинән.

Ым жены-мерди зынәкәсон-виндәкәсон, дејәвон ошно быәкәсон әвони жены-шу һисоб әкәјн. Һәтто, чәвон һамсијонән, әвлодонән әвотин, дејәвон зәрфәти әкәјн, бәвон пејәпушин ки, шымә дамејдәшон бә ијәнды, иншаллаһ, кејнә сәбәсојб бејдәшон?

Ым гезы әһватонән ејәдәсин бә ијәнды, сес-сеси әсырин ијән әвотин ки, дәвардә чәмә сәбәсојб бе вахт, ғычи нун ғәзәнҹ кардејдәмон боштә баләлијон, вәсымоне! И лынгымон ијој, и лынгымон гурәдәј, бәмә сәбәсојб бе данибәме.

Әмма ружи, һәнијән рости, шәви бә чәвон сә гули омәј ки, вардыше ым жен де мерди бә ијәнды фик дој, бә ијәнды һоли манде мәғом. Һодисә жыго бе: Ружи кужонәдә әнә нәвәјн ки, һәвате нызнәшоне гызыон, дәгынин бә шәв, мәҹбур бин шәви дәвонын гыләј кәдә, маштәнәј гезыон бәһватын, чәјо бышун бәштә кә. Меһмонхонә мудирә әвоныш зынәше жены-шу, әве һытвонише әвон и чәшмәдә, и чарпајиәдә.

Жены-мерд едјәсәјн бә ијәнды, һичи нывотышоне. Дәшин бә мәнзыл, еватышоне сәпенә оләтон, ношоне ыштә арәдә дыглә гезы, огынијә дыглә нимов де сати шин бә һан, икәрән маштә хәбәдо бин. Әште бәпештә һежо меһмонхонә һардхонәдә һардышоне нәфо, дәро гынин бо гезы һәвате. Мерди һырише бо һәј кило-ды кило ҹәвән, еғандыше тумә бәчәј гиј, сәдо карде-карде нәвәјн шәһәрәдә. Омәјн бешин бә вырә ки, гыләј һисори пештәдә вылә бу әтрофи мәст кардејдәбе. Һәтто, бу-сәно нимәсә мердән бә вәҹд омәј, охәј, чы ғәшәнгә бу омејдә! вотыше. Дыроз кардыше ыштә сә-лынг, нырәсәј бә һисори перәсе нызнәј, пеше һәј кутисә, дијә кардыше: Пәһо, ыврә вәјшти боғе ки! Чы вылы пијејдә, әнә ијо һесте ! Ибердәмә едјәсәј бә жени, дыли сәш олывәј, вотыше: Ајшә ханым, ыштәни шодәм һисори бә тон, бышум боты дастәј выл бычыным бијәм. Ајшә ханым һоли бә һоли ше, огарде вотыше бә мерди:

-Мәрдон, әв ышты һынә ни, ә ғырјәт бәтыку нибәбе!

Мәрдони ыштәныш шодоше һәј кутику сару, де тәҹуби ивотыше бә Ајшә хаными:

-Бочи, Ајшә ханым, әмә мерд нимон?

-Ышты мердәти виндымејәни! Шанго тосә маштә һытиш демы и јонгоәдә, дыглә гезыку оваште нызнәјш, ысәт бы былынди сығә һисорику чоко дәбәвардеш?!

  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|