ХЭЛFИ ДУСТОН

ХӘЛҒИ ДУСТОН

Деғыж

Вај бедә бә вахти ки, мерд еже нызны ыштә кәј,

Бымандыш гырд ҹојлинә, дустон оныкән ышты бәј!

Веј ғале довран есә, одәмон тәшнән бо хуни,

Хәлғ бәвотем бә хәлғи, бызны нығо дој ыштә сәј!

Бочи чандә соронин доғ жәјдән бәчәмә хәлғи?

Ғырјәтыш быбо хәлғи, нибәһаште доғ бәштә жәј!

Бандон шән, зәминон шән, дыјо, вишә, рујон һәмә

Толыши дасто бешән, нокә зынедән боштә әј!

Вәтән әбыни бехәлғ, хәлғән ни бәбе бевәтән,

Зәминыш дасто шә хәлғ вәши бәмарде чоштәсәј!

Чәш мәкән ә ружи ки, јад пебәрохне Толыши,

Јади асп рә пеш бәка, ты екә ҹәви боштә һәј!

Деғыжи һәмә дустон чәј хәлғи дустонин, бызын,

Номердин ә шәхсон ки, бәштә нез бәзнен ыштә шәј!