Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
АЗ
ТОЛЫШИМ!
Деғыж
Анә мы бахтәвәрим, чанә ки аз толышим,
Анә веј бахтәвәрим, чанә веј аз толышим!
Һа толыш бызны бәпе, чиче бахтәвәрәти?
Бахтәвәр бе быпијо, бывот һеј аз толышим!
Хыдо офәјә әмә, номышән ноә толыш,
Мәнән бәштә тожә ном, бывотән аз толышим!
Атропати чич воте бә вазә Искәндәри?
Манде деәј димбәдим, вотыше аз толышим!
Һәх манде Шылә Темур Даји Толыши вәдә,
Әј гулләш нығанде бәј, воте ки аз толышим!
Хәлифә ләшғәр һәмә вите Бобоки вәдә,
Манде Бызәј ғәләдә, вотыше аз толышим!
Һәзи бијә бәштә јод, “Шимон!” вотыше һежо,
Ше фашистон сәпе әв, вотыше аз толышим!
Чандә мисалон бијәм, чичонку хәбә быдәм,
Ки дәрәсын толышон, бывотын аз толышим?!
Һар гылә толыши ҹон ғырбоне бә Толыши,
Зәмин-осмон и быбо, бывотән аз толышим!
Мәтарсән гуллә вәдә, ож быкән ыштә синә,
Марде һесте, гарде ни, бывотән аз толышим!
Деғыжим, бызнән ыми, озод әбыни Толыш,
Ныбо озод һа толыш, нывото аз толышим!