Разделы
Архив
Пн | Вт | Ср | Чт | Пт | Сб | Вс | |||||||
---|---|---|---|---|---|---|---|---|---|---|---|---|---|
1 | 2 | 3 | |||||||||||
4 | 5 | 6 | 7 | 8 | 9 | 10 | |||||||
11 | 12 | 13 | 14 | 15 | 16 | 17 | |||||||
18 | 19 | 20 | 21 | 22 | 23 | 24 | |||||||
25 | 26 | 27 | 28 | 29 | 30 | 31 |
Рассылка
Оцените содержание статьи?
НӘВ ЧУ ИЖӘН ДЫВО ЗУ
Бәһмән Салеһ
Бәлети гәвәдә Мерзо Нәсир де пијәженә Шасинәнә ғаппәғап омәј. Сәлом доше, Шасинәнә ҹәвоб доше:
-Әлејкумәсәлом, бәшты ғыбон, Мәло Әмрәли палијо шәбим.
-Хәј быбу?
-Хәј бәшты вә! Шәбим ки, дывом быдәм карде. Зу нише чымы кијәвә-тәшәвәј. Жәјдәм испишкә, кијәвә, ты бысут, нат сутејдә, езым сутејдәни, пыррә кардејдә окышједә. Хорәк пате, чај һозы карде бомы зылым быәни бәс?
-Һа, чич быбу ки?
-Мерзо, чымы киј әзу шә.
-Һа, мәло чич вотыше бәс? – Мерзо Нәсир сырәј жилыбути.
-Вотыше, бәшты ғыбон, ды чу не, нәв чу бынәјш сәпејәнды. Ын дывоән, - Шасинәнә бекардыше ыштә кәшәбыно чијсә, едаштыше бә Мерзо Нәсири, - шодәјш бә кијә чәш. Чыми бәпештә ышты кијәвә-отәшго зуманд бәсуте!
Мерзо Нәсири чо ғат кардә быә, бәјәнды дылә дәноә быә пепуштәј егорд-пегорд кардыше, вотыше бә Шасинәнә:
-Бочи нәв гылә чу? Мәло нәзни воте се гылә, чо гылә, пенҹ гылә?
-Хәбә сәме, бәшты ғыбон, Мәло Әмрәли вотыше, дыво бә нәв руж сә бәгәте.
Һәни Мерзо Нәсири нызнәше ыштән огәте, дылыпе сыреј де чәкчәки:
-Шасинәнә, бә нәв руж ты бәсутеш езымон һәммәј, беезым бәмандеш ки!