КИ ТОЛЫШИ ДУСТ БЫБО!

КИ ТОЛЫШИ ДУСТ БЫБО!

Деғыж

Бәштә кој бино ныкардә, но-пегәт быкә әви,

Ғыч мәжән бә римжә сефи, генд бәка ышты гәви,

Диләги чоки ја бәди вахтәдә бәбе зыне,

Сијо чо жычи ныбоән, руж бәка ышты шәви!

Дәмәку чулә бә канды, бәтыкне меш, бәболиш,

Кыты нез вадош бә дизә, бәже бәј ыштә ләви!

Нундоә дасты ныбоән, быбу нундоә зывон,

Меһмон ки омәј бә кә, пемәкырын ты бәви!

Дуст гәте хәлғи дышмены, дышмен бәты чы гәрәк?

Быјә воте-воте бәты, бәканде ышты ғәви!

Одәми сәррофе Деғыж, һандәше дустәти дәрс,

Быбо ки Толыши дуст, бәзне дуст боштә әви!