ВЫРЭШ ЧИJЕJДЭ ТОФИF ИЛhАМИ!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 4 голосов)
Изменить размер шрифта Decrease font Enlarge font
image

 

ВЫРӘШ ЧИЈЕЈДӘ ТОФИҒ ИЛҺАМИ!

Хыдо рәһмәт быкә!

 

            Ымруж ыштә 75 сини ид әкәј Тофиғ Илһам, еһанә сәғ бәбәј! Әмә ымруж беәј ғејд кардејдәмон чәј һафто пенҹ сорнә јубилеј! Әј зынә һар гылә толыш ыштә зувышкәј ғәдәрәдә ғејд кардејдә! Әмма ком толыш чокнә ид быкоән ым јубилеј, иглә чиј һәғиғәте ки, чәмәһон һар гыләјни дыләдәј Тофиғ Илһам! Чәмә дылон ид кардејдән Чәј јубилеј!   
            Чәмә ымруж еһтијоҹымон һесте Бәј, Бәчәј бәсарәти чәши еһтијоҹымон һесте! Чандә сорон бәнав бино быә Толыши Милли һәрәкоти шә рој еһтијоҹыш һесте бә Тофиғ Илһами сәғандә рушнә! Әв дештә шерон нур сәғандејдәбе бәчәмә шә рој, рушин кардејдәбе чәмә рој! Чәј рушнәдә чәмә хәлғ рост быәбе бәштә озоди ҹанг, әв сәбәро кардејдәбе әмәни бә ҹанг! Дештә шерон, дештә пандинә нәсиһәтон, дештә наввиндәти! Ымруж вырәш чијејдә Тофиғ Илһами! Чәј “былбыли зывони” еһтијоҹыш һесте Бәј, Чәј һәммәјсә “ғәшәнгә толышә кинә”,  де һар кәси дустә” толышә хәлғи еһтијоҹыш һесте Бәј! “Әлиф, Лам, Мими мәно нызнә дәғәлон” бә Хыдо һәхи рој вардејро еһтијоҹымон һесте бә Тофиғ Илһами вәзнинә сыхани!
             Шукур бә Хыдо мәслоһати! Бевахт тәргыш карде әмә Тофиғ Илһами, әмма ыштә шероныш вәхм карде бәштә хәлғи! Сәнибәтон-сәнибәтон баһандәмон Чәј шерон, вағиф быбәмон Бәчәј сыхани сеһри, бәчәј мәно, панд пегәтәмон чәвонку!    
            Чок-чоки баһандомон әвони, бәвиндемон ки, Тофиғ Илһами вотә сыхан канә бејдәни һич вахт! Жыбызын, ымружыш нывыштә әвон! Ружон дәбәварден, мангон әвәз бәкан ијәнды, сорон бомен сорон сәпе, толышә хәлғи шәкәсон бәшен, тожә толышон бомен бә дынјо, әмма Тофиғ Илһами сыхан, Чәј шер һич вахти канә әбыни! Һар тожә бә дынјо омә толыш баһанде әвони, жыго бәзне, әвон һежо боәј нывыштә быән! Чандә соронин ә шерон тәрбијә кардејдән чәмә хәлғи, һәзо соронән жәгоән тәрбијә бәкан! Чанә толышә хәлғ бәжије зәмини димисә, анән Тофиғ Илһам бәжије дејәмә бә иҹо!
            Умдәвомон һәмән бәј ки, иншаллаһ, ыштә Вәтәнәдә ид бәкамон Тофиғ Илһами вәомә јубилејон!
            Хыдо рәһмәт быкә тыни, Тофиғ Илһам!

 

Толыши Овҹи һәрәкот                                          Толышпресс.орг

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|