АЛЛАh, МЭhЭММЭД, JА ЭЛИ!

Разделы

Архив

Пн Вт Ср Чт Пт Сб Вс
12
3456789
10111213141516
17181920212223
24252627282930
31

Рассылка

Подписаться на рассылку:


  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Оцените содержание статьи?

(всего 12 голосов)
Изменить размер шрифта Decrease font Enlarge font
image

 
 
 
 
 

 

АЛЛАҺ, МӘҺӘММӘД, ЈА ӘЛИ!

 

 

 

Деғыж

 

 

 

 

Рост быбәмон, толышон, Аллаһ, Мәһәммәд, ја Әли!

Бешәмон бә озоди ҹанг, бывот Әллаһуммәсәли!

 

Дәвитән Бәчәј Ҹәдди, вангкән Саһиб-әз-зәмони,

Һар толыш Чәј сәрбозе, панимон – Мыртәзо-Әли!

 

Пејғәмбәри вардә дин озоди елмехо һәмән,

Пејғәмбәр чә елми шәһр, побәје чә шәһри Әли!

 

 

“Ки зылм быко бә Әли, ә зылми бәкарде Бәмы”,

Ки зылм быко бә шиә, бәты кардедә, ја Әли!

 

Мавјә кардыше ситәм, ғәтымутыш карде шион,

Чәвон гәрдән ки кәшәј, Ја Һусејни дәдә Әли?!

 

Толышстон Кәрбәлоје, һар толыш Һусејни ашығ,

Чәмә охон ҹанг бәбе, перохнәмон ыштә хәлғи!

 

Рост быкән Зулфиғари, бешәмон бә ҹанги-ҹидал,

Сәдокәмон бә комәг толыши мәрд Әбылфәзли!

 

Ов быдән бә Ғасыми, кыве игид Әлиәкбәр?

Быгәтәмон дастнымож де шәһидон татә хуни!

 

Зејнәби хунә пәлу панде бо һар гылә мојнә,

Ә пәлу едә бә сә, бышу бә ҹанги ҹәлҹәли!

 

Хыдо довнә дәчыкән, дастәдә хунрангә пәрчәм,

Хыдо комәгбу бәмә, шодәмон руј вардә шәли!

 

Чичику тарседәмон, толыш бәгәм Куфә әһле?

Һәзо толышә зоон һозын бәнә банди кәли!

 

Гуш мәдән бә мыртәдон, хәлғи һәватә номердон,

Вәсе, лилыш карде ов пыхлузи, ләин-дәғәли!

 

Деғыжим, вахте һәни, быстәнәмон хәлғи һәјфи,

Ја Аллаһ, ја Мәһәммәд, ја Әмир-әл-момин Әли!

 
  • email Отправить другу
  • print Версия для печати
  • Add to your del.icio.us del.icio.us
  • Digg this story Digg this

Добавить коментарий comment Комментарии (0 добавлено)

Главные новости

|